16 January Saturday

നടിയെ ആക്രമിച്ച കേസ്‌: ഗണേഷ് കുമാറിന്റെ സെക്രട്ടറി പിടിയിൽ

വെബ് ഡെസ്‌ക്‌Updated: Tuesday Nov 24, 2020

കൊച്ചി> നടിയെ ആക്രമിച്ച കേസിൽ മാപ്പു സാക്ഷിയെ ഭീഷണിപ്പെടുത്തിയ സംഭവത്തിൽ കെ ബി ഗണേഷ് കുമാർ എംഎൽഎയുടെ ഓഫിസ് സെക്രട്ടറി ബി പ്രദീപ് കുമാർ(പ്രദീപ്‌ കോട്ടത്തല) അറസ്റ്റിൽ.

പത്തനാപുരത്തുനിന്ന് ബേക്കൽ പൊലീസാണ് പ്രദീപ് കുമാറിനെ അറസ്റ്റ് ചെയ്തത്. പ്രദീപ് കുമാറിന്റെ മുൻകൂർ ജാമ്യാപേക്ഷ കഴിഞ്ഞ ദിവസം കാസർകോഡ് ജില്ലാ സെഷൻസ് കോടതി തള്ളിയിരുന്നു.

കേസിലെ എട്ടാം പ്രതി ദിലീപിന് അനുകൂലമായി മൊഴി നൽകിയില്ലെങ്കിൽ മാപ്പുസാക്ഷിയെ ഇല്ലാതാക്കുമെന്ന് ഭീഷണിപ്പെടുത്തിയെന്നാണ് കേസ്. കാസർകോഡ് സ്വദേശി വിപിൻലാൽ ആണ് പരാതി നൽകിയത്‌. സംഭവത്തിൽ പ്രദീപ് കുമാറിന് കൃത്യമായ പങ്കുണ്ടെന്ന്‌ അന്വേഷണ സംഘം കോടതിയെ അറിയിച്ചിരുന്നു.

നടിയെ ആക്രമിച്ച കേസിൽ ക്വട്ടേഷൻ തുക ആവശ്യപ്പെട്ട്‌ പൾസർ സുനിക്കായി  ജയിലിൽനിന്ന്‌ കത്തയച്ചത്‌ വിപിൻലാൽ ആയിരുന്നു.

പ്രദീപ്‌ കുമാറിനെ ഓഫീസ്‌ സ്‌റ്റാഫിൽ നിന്ന്‌ നീക്കിയതായി ഗണേഷ്‌കുമാർ അറിയിച്ചു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top