04 October Tuesday

വീട്ടില്‍ ​ഗ്രോബാ​ഗില്‍ കഞ്ചാവ് വളര്‍ത്തിയ ബിജെപി മുൻ സ്ഥാനാർഥി അറസ്റ്റില്‍

വെബ് ഡെസ്‌ക്‌Updated: Tuesday Aug 2, 2022

ഗ്രോബാഗില്‍ വളര്‍ത്തിയ കഞ്ചാവുചെടി

അട്ടപ്പാടി> വീട്ടില്‍ ഗ്രോബാ​ഗില്‍ കഞ്ചാവ് വളര്‍ത്തിയ ബിജെപി പ്രവര്‍ത്തകന്‍ അറസ്റ്റില്‍. ഭൂതിവഴി ഊരിലെ ബിജെപി മുൻ സ്ഥാനാർഥി രാധാകൃഷ്‌ണ‌‌നാണ് വീട്ടിൽ 20 കഞ്ചാവ് ചെടി വളര്‍ത്തി പിടിയിലായത്. എക്‌‌സൈസ് സ്‌പെഷ്യൽ സ്‌ക്വാഡും എക്‌സൈസ് ഇൻസ്‌പെക്‌ടർ കെ ആർ അജിത്തും ചേർന്ന് നടത്തിയ പരിശോധനയിലാണ് പ്രതിയെ പിടികൂടിയത്.

​ഗ്രോബാ​ഗില്‍ ഇയാൾ വീട്ടുമുറ്റത്താണ് കഞ്ചാവ് വളർത്തിയിരുന്നത്. അഞ്ച് മാസം പ്രായമുള്ള കഞ്ചാവ് ചെടികളാണ് കണ്ടെത്തിയത്. രാധാകൃഷ്‌ണന്റെ ഭാര്യ കഴിഞ്ഞ പഞ്ചായത്ത് തെരഞ്ഞെടുപ്പിൽ ബിജെപിയുടെ ബ്ലോക്ക് പഞ്ചായത്ത് ഡിവിഷൻ സ്ഥാനാർഥിയായിരുന്നു.

പരിശോധനയിൽ എക്‌‌സൈസ് പ്രിവന്റീവ് ഓഫീസർ ടി പി മണികണ്ഠൻ, സിവിൽ എക്‌സൈസ് ഓഫീസർമാരായ കെ സുമേഷ്, വിജീഷ് കുമാർ, പി ഷാബു, വനിതാ സിവിൽ എക്‌സൈസ് ഓഫീസർ കെ നിമ്മി, ഡ്രൈവർ പി പ്രദീപ്‌ എന്നിവർ പങ്കെടുത്തു.
 

അട്ടപ്പാടിയില്‍ അറസ്റ്റിലായ ബിജെപി പ്രവര്‍ത്തകന്‍ രാധാകൃഷ്ണനൊപ്പം എക്‌സൈസ് സംഘം

അട്ടപ്പാടിയില്‍ അറസ്റ്റിലായ ബിജെപി പ്രവര്‍ത്തകന്‍ രാധാകൃഷ്ണനൊപ്പം എക്‌സൈസ് സംഘം


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top