07 April Tuesday

നിരീക്ഷണത്തിലിരിക്കെ എട്ട്‌ ദിവസം നാട്ടിൽ കറങ്ങി; പാലക്കാട്ടെ കോവിഡ്‌ രോഗിക്കെതിരെ കേസെടുത്തു, റൂട്ട്‌ മാപ്പ്‌ തയ്യാറാക്കൽ ദുഷ്‌കരം

വെബ് ഡെസ്‌ക്‌Updated: Thursday Mar 26, 2020

തിരുവനന്തപുരം > കൊറണ വൈറസ് ബാധ സ്ഥിരീകരിച്ച പാലക്കാട് സ്വദേശിയുടെ റൂട്ട് മാപ്പ് ദുഷ്‌കരം. കഴിഞ്ഞ ദിവസം കൊറോണ സ്ഥിരീകരിച്ച കാരാക്കുറിശി സ്വദേശിയുടെ റൂട്ട് മാപ്പ് തയ്യാറാക്കുക ദുഷ്‌കരമാണെന്ന് റിപ്പോര്‍ട്ടുകള്‍. ഇയാള്‍ ദുബായില്‍ നിന്ന് നാട്ടിലെത്തിയത് മാര്‍ച്ച് 13നാണ്. നിരീക്ഷണത്തിലിരിക്കെ പുറത്തിറങ്ങി നടന്നതിന്‌ ഇയാക്കെതിരെ കേസെടുത്തതായി ജില്ലാ കലക്‌ടർ അറിയിച്ചു.

കരിപ്പൂര്‍ വിമാനത്താവളത്തിലിറങ്ങി നാട്ടിലെത്തി. ബാങ്കുകള്‍, പള്ളി അടക്കം പല സ്ഥലത്തും പോയി. എന്നാല്‍  നിരീക്ഷണത്തില്‍ കഴിയണമെന്ന നിര്‍ദേശം പാലിക്കാതെ നാട്ടില്‍ നിരവധി സ്ഥലങ്ങളില്‍ ഇയാള്‍ സന്ദര്‍ശനം നടത്തി. പിന്നീട് ഇയാള്‍ നിരീക്ഷണത്തിലേക്ക് മാറിയത് മാര്‍ച്ച് 21ന് ശേഷമാണ്. ഇയാളുടെ മകന്‍  കെ.എസ്.ആര്‍.ടി.സി കണ്ടക്ടറാണ്. ഇയാള്‍ക്ക് രോഗം ഇതുവരെ രോഗമുള്ളതായി സ്ഥിരീകരിക്കപ്പെട്ടിട്ടില്ല. മാര്‍ച്ച് 17ന് ഇദ്ദേഹം മണ്ണാര്‍ക്കാട് നിന്ന് അട്ടപ്പാടി വഴി കോയമ്പത്തൂരിലേക്കും മാര്‍ച്ച് 18ന് പാലക്കാട്-തിരുവനന്തപുരം റൂട്ടിലും ഡ്യൂട്ടിയെടുത്തു. ഈ ബസ്സില്‍ യാത്ര ചെയ്‌തവര്‍ ആരോഗ്യവകുപ്പുമായി ബന്ധപ്പെടണം.

മറ്റു വാർത്തകൾ

പ്രധാന വാർത്തകൾ
 Top