06 August Thursday

സര്‍ക്കിള്‍ സഹകരണ യൂണിയനിൽ 53ൽ 48-ലും എൽഡിഎഫ്‌; മലപ്പുറത്തെ രണ്ട്‌ യൂണിയനുകളും എൽഡിഎഫിനൊപ്പം

വെബ് ഡെസ്‌ക്‌Updated: Saturday Dec 7, 2019

തിരുവനന്തപുരം > സംസ്ഥാനത്ത്‌ തെരഞ്ഞെടുപ്പ് നടന്ന 53 സര്‍ക്കിള്‍ സഹകരണ യൂണിയനുകളില്‍ 48-ലും എല്‍.ഡി.എഫ് വന്‍ വിജയം നേടി. സംസ്ഥാനത്തെ സഹകാരികളും സഹകരണ ജീവനക്കാരും ഒന്നടങ്കം എല്‍.ഡി.എഫിന് ഒപ്പമാണെന്ന് തെളിയിക്കുന്നതാണ് തെരഞ്ഞെടുപ്പ് ഫലമെന്ന് സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു.

മലപ്പുറം ജില്ലയില്‍ തെരഞ്ഞെടുപ്പ് നടന്ന 2 സര്‍ക്കിളുകളിലും എല്‍ഡിഎഫ് വിജയിച്ചു. യുഡിഎഫിന് വിജയം പ്രവചിച്ചിരുന്ന പൊന്നാനി സര്‍ക്കിളില്‍ സഹകാരികളും ജീവനക്കാരും കക്ഷിഭേദമന്യേ വോട്ട് ചെയ്തു എല്‍ഡിഎഫിനെ വിജയിപ്പിച്ചു.

കേരള ബാങ്ക് രൂപീകരണവും അതിന്റെ തുടര്‍പ്രവര്‍ത്തനങ്ങള്‍ക്കും കൂടുതല്‍ ആവേശം പകരുന്നതാണ് ഈ ജനവിധിയെന്നും മന്ത്രി പറഞ്ഞു. സഹകരണ മേഖലയിലെ എല്ലാ വിഭാഗം സഹകാരികളെയും സഹകരണ ജീവനക്കാരെയും മറ്റ് ജനാധിപത്യ വിശ്വാസികളെയും അദ്ദേഹം അഭിവാദ്യം ചെയ്‌തു.

 


ദേശാഭിമാനി ഇപ്പോള്‍ ടെലഗ്രാമിലും ലഭ്യമാണ്‌. കൂടുതല്‍ വാര്‍ത്തകള്‍ക്കും അപ്ഡേറ്റുകള്‍ക്കുമായി ടെലഗ്രാം ചാനല്‍ സബ്സ്ക്രൈബ് ചെയ്യാം.

മറ്റു വാർത്തകൾ

പ്രധാന വാർത്തകൾ
 Top