28 May Saturday

രഞ്ജിത്ത്‌ വധം: ഒരാൾ കൂടി അറസ്റ്റിൽ; പിടിയിലായത്‌ എസ്‌ഡിപിഐ ഏരിയാ പ്രസിഡന്റ്‌

വെബ് ഡെസ്‌ക്‌Updated: Monday Jan 17, 2022

ആലപ്പുഴ > ഒബിസി മോർച്ച സംസ്ഥാന സെക്രട്ടറി അഡ്വ. രഞ്‌ജിത്ത്‌ ശ്രീനിവാസനെ വെട്ടിക്കൊന്ന കേസിൽ ഒരാൾ കൂടി പിടിയിൽ. സൂത്രധാരന്മാരിൽ ഒരാളായ എസ്‌ഡിപിഐ ആലപ്പുഴ നഗരസഭാ ഏരിയാ പ്രസിഡന്റ്‌​ നൂറുദ്ദീൻ പുരയിടത്തിൽ ഷെർനാസിനെയാണ്​ (39) പ്രത്യേക അന്വേഷണ സംഘം പിടികൂടിയത്​. പ്രതിയെ ചൊവ്വാഴ്‌ച കോടതിയിൽ ഹാജരാക്കും. ഇതോടെ കേസിൽ പിടിയിലാവരുടെ എണ്ണം 19 ആയി.

കുറ്റകൃത്യത്തിൽ നേരിട്ട്​ പങ്കാളികളായ പ്രതികൾ ഒളിപ്പിച്ച ആയുധം കഴിഞ്ഞദിവസം പൊലീസ്​ കണ്ടെത്തിയിരുന്നു. ആലപ്പുഴ ഇരവുകാട്​ ഭാഗത്തെ പറമ്പിൽനിന്നും സമീപത്തെ തോട്ടിൽനിന്നുമാണ്​ രണ്ടു​ വടിവാളുകൾ കണ്ടെത്തിയത്​. കേസിനെ പ്രതികൂലമായി ബാധിക്കുമെന്നതിനാൽ നേരത്തെ അറസ്റ്റിലായ മുഖ്യസൂത്രധാരനടക്കമുള്ള ആറു പ്രതികളുടെ പേരുവിവരങ്ങൾ പൊലീസ്​ പുറത്തുവിട്ടിട്ടില്ല.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top