21 October Sunday

പരിശീലനത്തിന് സമയം ലഭിച്ചില്ല ; ബിസിസിഐക്കെതിരെ കോഹ്‌ലി

വെബ് ഡെസ്‌ക്‌Updated: Thursday Nov 23, 2017

ന്യൂഡല്‍ഹി >ബിസിസിഐക്കെതിരെ വിമര്‍ശനവുമായി ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കോഹ്‌ലി. ബിസിസിഐയുടെ ആസൂത്രണത്തിലെ പിഴവ് കളിക്കാരുടെ പ്രകടനത്തെ ബാധിക്കുന്നുവെന്ന് കോഹ്‌ലി പറഞ്ഞു. ശ്രീലങ്കന്‍ പരമ്പരയ്‌ക്ക് പിന്നാലെ ദക്ഷിണാഫ്രിക്കയില്‍ ഉടനടി കളിക്കേണ്ടി വന്നതിനാലാണ് ബിസിസിഐക്കെതിരെ കോഹ്‌ലി വിമര്‍ശനമുയര്‍ത്തിയത്

' ഒരു പരമ്പര കളിച്ച് പിന്നീട് ദക്ഷിണാഫ്രിക്കന്‍ പരമ്പരയ്‌ക്ക് പോകുന്നതിനിടയ്‌ക്ക് ഞങ്ങള്‍ കളിക്കാര്‍ക്ക് വെറും രണ്ട് ദിവസം മാത്രമാണ് തന്നിരിക്കുന്നത്. ഞങ്ങള്‍ക്ക് മുന്നില്‍ മറ്റ് മാര്‍ഗ്ഗങ്ങളില്ല, മുന്നില്‍ വരുന്നതിനെ നേരിടുക എന്നതല്ലാതെ'; മാധ്യമപ്രവര്‍ത്തകരോട് കോഹ്‌ലി പ്രതികരിച്ചു.
 
കയ്യിലുള്ളതെന്താണോ അതുവെച്ച് കളിക്കുക അത്രമാത്രം.ഒരു മാസത്തെ ഇടവേള ലഭിച്ചിരുന്നെങ്കില്‍ കൃത്യമായി പരിശീലനം നേടാമായിരുന്നു. പക്ഷെ ഇപ്പോള്‍ അത് സാധ്യമല്ല; ക്യാപ്റ്റന്‍ പറഞ്ഞു.ടെസ്‌റ്റ് മാച്ച് കഴിഞ്ഞുവരുമ്പോള്‍ കളിക്കാരുടെ പ്രകടനത്തെ വിലയിരുത്തുന്നത് പതിവാണ്. എന്നാല്‍ പരിശീലനത്തിന് ആവശ്യത്തിന് സമയം കിട്ടിയോ എന്നന്വേഷിക്കണം. വിദേശത്ത് പോകുന്ന ടീമിനെ എളുപ്പത്തില്‍ നമ്മള്‍ വിലയിരുത്തിക്കളയും.എത്ര സമയം പരിശീലനത്തിന് ലഭിച്ചു എന്ന് ആരും അന്വേഷിക്കാറില്ലെന്നും  കോഹ്‌ലി പറഞ്ഞു
 

പ്രധാന വാർത്തകൾ
Top