19 October Friday

ഹരിതവിദ്യാലയം റിയാലിറ്റി ഷോ സ്വിച്ച്ഓണ്‍ നിര്‍വഹിച്ചു

വെബ് ഡെസ്‌ക്‌Updated: Wednesday Nov 29, 2017

തിരുവനന്തപുരം > പൊതുവിദ്യാലയങ്ങളുടെ മികവുകളും അനുഭവങ്ങളും പങ്കുവയ്ക്കുന്ന കൈറ്റിന്റെ വിദ്യാഭ്യാസ റിയാലിറ്റി ഷോയായ ഹരിതവിദ്യാലയത്തിന്റെ സ്വിച്ച് ഓണ്‍ കര്‍മം മന്ത്രി  സി രവീന്ദ്രനാഥ് നിര്‍വഹിച്ചു.  

സര്‍ക്കാരിന്റെ പുതിയ വിദ്യാഭ്യസനയം ശരിയായ അര്‍ഥത്തില്‍ ഏറ്റെടുക്കുന്ന വിദ്യാലയങ്ങള്‍ എങ്ങനെ ആയിരിക്കുമെന്നതിന്റെ ബോധ്യപ്പെടുത്തലാണ് ഹരിതവിദ്യാലയം റിയാലിറ്റി ഷോയെന്ന്   ഷോയുടെ സ്വിച്ച് ഓണ്‍ നിര്‍വഹിച്ച് മന്ത്രി പറഞ്ഞു. സര്‍ക്കാര്‍ വിദ്യാലയങ്ങളുടെ അടിസ്ഥാനസൌകര്യവും അക്കാദമിക് നിലവാരവും അന്താരാഷ്ട്ര നിലവാരത്തിലേക്കുയര്‍ത്തുകയാണ്ലക്ഷ്യമെന്നും അദ്ദേഹം പറഞ്ഞു.

അടിസ്ഥാന സൌകര്യം, അക്കാദമിക മികവ്, സാമൂഹിക പങ്കാളിത്തം, പുതുമയാര്‍ന്ന പഠന പാഠ്യേതര രീതികള്‍, പ്രകൃതിപഠനം, ഇന്‍ഫര്‍മേഷന്‍ ടെക്നോളജിയുടെ ഉപയോഗം തുടങ്ങി വ്യത്യസ്തമായ തലങ്ങളിലെ അപഗ്രഥനങ്ങളിലൂടെയാണ് മികച്ച ഹരിതവിദ്യാലയങ്ങളെ കണ്ടെത്തുക. ഓണ്‍ലൈന്‍ വഴി അപേക്ഷിച്ച 500 വിദ്യാലയങ്ങളില്‍നിന്ന് തെരഞ്ഞെടുത്ത 100 വിദ്യാലയങ്ങളുടെ പ്രവര്‍ത്തന മികവുകള്‍ 75 എപ്പിസോഡായി അവതരിപ്പിക്കും. ദൂരദര്‍ശന്‍, വിക്ടേഴ്സ് ചാനല്‍ എന്നിവ വഴി ഡിസംബര്‍ നാലുമുതല്‍ ഹരിതവിദ്യാലയം പരിപാടി സംപ്രേഷണം ചെയ്തു തുടങ്ങും. യൂനിസെഫ് സോഷ്യല്‍ പോളിസി ഓഫീസര്‍  ഡോ. പീയുഷ് ആന്റണി, നടിയും ഗവേഷകയുമായ സജിത മഠത്തില്‍,പരിസ്ഥിതി പ്രവര്‍ത്തകനും ഗവേഷകനുമായ പ്രൊഫ. ഇ കുഞ്ഞികൃഷ്ണന്‍ എന്നിവരാണ് സ്ഥിരം ജൂറി അംഗങ്ങള്‍. ഇവരെ കൂടാതെ ആര്‍ വി ജി മേനോന്‍, ഡോ. ബി ഇക്ബാല്‍, ഡോ. അച്യുത്ശങ്കര്‍ തുടങ്ങിയ പ്രമുഖര്‍ ഗസ്റ്റ്  ജൂറി അംഗങ്ങളായി വിവിധ എപ്പിസോഡുകളില്‍ പങ്കെടുക്കും.

യോഗത്തില്‍ കൈറ്റ് എക്സിക്യൂട്ടീവ് ഡയറക്ടര്‍ അന്‍വര്‍ സാദത്ത്, എസ്സിഇആര്‍ടി ഡയറക്ടര്‍ ഡോ. ജെ പ്രസാദ്, ദൂരദര്‍ശന്‍ ഡെപ്യൂട്ടി ഡയറക്ടര്‍ കെ ആര്‍ ബീന,  സി ഡിറ്റ് രജിസ്ട്രാര്‍ ജി ജയരാജ്, വിക്ടേഴ്സ് ചാനല്‍ തലവന്‍ മുരുകന്‍ കാട്ടാക്കട തുടങ്ങിയവര്‍ സംസാരിച്ചു.

പ്രധാന വാർത്തകൾ
Top