സി ആര് നമ്പര് 89 ആദ്യപ്രദര്ശനം നടത്തി
വരൂ, പ്ലാനിങ്, തട്ടുമ്പൊറത്തപ്പന് തുടങ്ങിയ ലഘുചിത്രങ്ങളിലൂടെ ശ്രദ്ധേയമായ പെയ്സ് പ്രൊഡക്ഷന്സിന്റെ പുതിയ ചിത്രം സി ആര് നമ്പര് 89ന്റെ ആദ്യപ്രദര്ശനം തിരുവനന്തപുരം കൈരളി തിയറ്ററില് നടന്നു. പാലക്കാട് ജില്ലയിലെ പെരിങ്ങോടുള്ള സിനിമാ പ്രവര്ത്തകരാണ് തികച്ചും ജനകീയമായി നിര്മിച്ച ഈ സിനിമയുടെ അണിയറയില്. 80 മിനിറ്റുള്ള ഈ ഫീച്ചര് ചിത്രത്തിന്റെ കഥയും തിരക്കഥയുംസംവിധാനവും സുദേവന്. പൊതു ഇടങ്ങളിലെ അരക്ഷിതാവസ്ഥ വരച്ചു കാട്ടാനാണ് ചിത്രത്തില് ശ്രമിച്ചതെന്ന് സുദേവന് പറഞ്ഞു. പ്രദീപ്, സന്തോഷ്, അച്ചുതാനന്ദന്, അശോക് കുമാര് എന്നിവര് അഭിനയിക്കുന്നു. തുടര്ന്നു വായിക്കുക
വിനു മോഹന് വിവാഹിതനായി
ചങ്ങനാശേരി: വിനു മോഹന് വിവാഹിതനായി. കോട്ടയം തോട്ടയ്ക്കാട് സൌപര്ണികയില് ആര് ഡി കുമാറിന്റെയും ലതയുടെയും മകള് വിദ്യയാണ് വധു. നീലാംബരി, വെക്കേഷന് തുടങ്ങിയ മലയാള ചിത്രങ്ങളില് വിദ്യയും അഭിനയിച്ചിട്ടുണ്ട്. ചങ്ങനാശേരിയില് നടന്ന ചടങ്ങില് ചലച്ചിത്ര മേഖലയിലെ പ്രമുഖര് പങ്കെടുത്തു. തുടര്ന്നു വായിക്കുക
ലാല്-വിജയ് ചിത്രം ജില്ല തുടങ്ങി
തെന്നിന്ത്യന് സൂപ്പര്താരം വിജയും മോഹന്ലാലും ആദ്യമായി ഒന്നിക്കുന്ന തമിഴ്ചിത്രം "ജില്ല"യുടെ ചിത്രീകരണം മധുരയില് പുരോഗമിക്കുന്നു. "മഞ്ഞില്വിരിഞ്ഞ പൂക്കള്"ക്ക് 32 വര്ഷത്തിനുശേഷം ലാലും പൂര്ണിമാ ജയറാമും ഒന്നിക്കുന്ന ചിത്രംകൂടിയാണിത്. 28 വര്ഷത്തിനുശേഷമാണ് പൂര്ണിമ അഭിനയരംഗത്തേക്ക് തിരിച്ചെത്തുന്നത്. പുതുമുഖ സംവിധായകന് നേശന് ഒരുക്കുന്ന ചിത്രം ചെന്നൈ, ആന്ധ്രാപ്രദേശ് എന്നിവിടങ്ങളിലും ചിത്രീകരിക്കും. നായിക കാജല് അഗര്വാള്. പൊങ്കലിനാണ് റിലീസ്. തുടര്ന്നു വായിക്കുക
മണിയന്പിള്ള വീണ്ടും നായകന്
നീണ്ട ഇടവേളയ്ക്ക് ശേഷം മലയാളികളുടെ പ്രിയങ്കരനായ നടന് മണിയന്പിള്ള രാജു വീണ്ടും നായകനാകുന്നു. "നമ്പൂതിരി യുവാവ് @ 43" എന്ന് പേരിട്ടിരിക്കുന്ന ചിത്രം നവാഗതനായ മഹേഷ് ശര്മയാണ് സംവിധാനം ചെയ്യുന്നത്. പുതുമുഖം തനുശ്രീയാണ് നായിക. നന്ദു, ടിനിടോം, ശ്രീദേവി ഉണ്ണി, സുരേഷ്മേനോന് എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ തിരക്കഥയൊരുക്കുന്നതും സംവിധായകന് തന്നെയാണ്. ബാലചന്ദ്രമേനോന് ഒരുക്കിയ "മണിയന്പിള്ള അഥവാ മണിയന്പിള്ള" എന്ന ചിത്രത്തിലെ നായകകഥാപാത്രത്തിലൂടെയാണ് രാജു ശ്രദ്ധേയനായത്. തുടര്ന്നു വായിക്കുക
ആദ്യാഭിനയത്തിന്റെ പതര്ച്ചയില്ലാതെ സുരേഷ്കുറുപ്പ്
ആലത്തൂര്: പൊതുപ്രവര്ത്തനത്തിന്റെ തിരക്കുകള്ക്കിടയില്നിന്ന് അഭിനയത്തിന്റെ പുതിയ ഭൂമിക തേടി കെ സുരേഷ്കുറുപ്പ് എംഎല്എ. ഷാജി എന് കരുണ് സംവിധാനം ചെയ്യുന്ന സ്വപാനം എന്ന ചിത്രത്തില് വൈദ്യന് തിരുമേനിയായാണ് ഏറ്റുമാനൂര് എംഎല്എ ക്യാമറക്ക് മുന്നില് അഭിനയ പാടവം പുറത്തെടുത്തത്. ആദ്യസീനിനായി ക്ലാപ്പടിച്ച് ക്യാമറക്ക് മുന്നിലെത്തിയപ്പോള് പുതുമുഖത്തിന്റെ ഭാവമൊന്നും അദ്ദേഹത്തിന്റെ മുഖത്തുണ്ടായിരുന്നില്ല. പൊതുപ്രവര്ത്തനത്തിലൂടെ നേടിയ ആര്ജവമായിരുന്നു മുഖത്ത് നിറഞ്ഞത്. പൊതുപ്രവര്ത്തനത്തില് കവിഞ്ഞ പ്രയാസമൊന്നും...
തുടര്ന്നു വായിക്കുകഒടുവില് ഉണ്ണികൃഷ്ണന് അനുസ്മരണം 26ന്
പാലക്കാട്: മലയാളസിനിമയില് സ്വന്തമായ അഭിനയശൈലിയിലൂടെ വ്യക്തിമുദ്ര പതിപ്പിച്ച ഒടുവില് ഉണ്ണികൃഷ്ണന്റെ ഏഴാം ചരമവാര്ഷികദിനം ആചരിക്കുന്നു. ഒടുവില് ഫൗണ്ടേഷന് നേതൃത്വത്തില് ഒടുവിലിന്റെ വീടായ കേരളശേരിയിലെ നീലാഞ്ജനത്തില് 26ന് രാവിലെ 10ന് സംഘടിപ്പിക്കുന്ന അനുസ്മരണയോഗം കെ വി വിജയദാസ് എംഎല്എ ഉദ്ഘാടനം ചെയ്യും. സിനിമാപ്രവര്ത്തകരും സാഹിത്യകാരന്മാരും പങ്കെടുക്കും. ഇതിനോടനുബന്ധിച്ച് "ഒടുവില്, സിനിമയും ജീവിതവും" എന്ന വിഷയത്തില് ക്വിസ് (പ്ലസ്ടുവരെയുള്ള വിദ്യാര്ഥികള്ക്ക്), കുട്ടികള്ക്കായി ചത്രരചനാ മത്സരം(12വയസില് താഴെ),...
തുടര്ന്നു വായിക്കുകലാല്ജോസ്-ദിലീപ് ടീം വീണ്ടും
"ചന്ദ്രനുദിക്കുന്ന ദിക്കില്" മീശമാധവന്", "ചാന്ത്പൊട്ട്", എന്നീ ഹിറ്റ് ചിത്രങ്ങള്ക്ക് ശേഷം ലാല്ജോസ്- ദിലീപ് ടീം വീണ്ടും ഒന്നിക്കുന്നു. "ക്ലാസ്മേറ്റ്സി"ന്റെ രചയിതാവ് ജെയിംസ് ആല്ബര്ട്ട് രചന നിര്വഹിക്കുന്ന ചിത്രത്തിന് "ഏഴുസുന്ദര രാത്രികള്" എന്നാണ് പേരിട്ടിരിക്കുന്നത്. മമ്മൂട്ടി നായകനായ "ഇമ്മാനുവലി"ന് ശേഷം കുഞ്ചാക്കോ ബോബനെ നായകനാക്കി "പുള്ളിപ്പുലികളും ആട്ടിന്കുട്ടിയും" എന്ന സിനിമയുടെ പണിപ്പുരയിലാണ് ലാല്ജോസ്. ഇതിന് ശേഷമാകും ദിലീപ് ചിത്രം തുടങ്ങുക. തുടര്ന്നു വായിക്കുക
ക്യാന്സര് തോറ്റു, മനീഷ ജയിച്ചു
ബോളിവുഡ് താരം മനീഷ കൊയ്രാള (42) അര്ബുദത്തെ അതിജീവിച്ചു. അണ്ഡാശയ അര്ബുദ ബാധയെത്തുടര്ന്ന് ന്യൂയോര്ക്കില് ചികിത്സയിലായിരുന്ന നടി ബുധനാഴ്ച ഫേസ്ബുക്കിലൂടെയാണ് വിവരം ലോകത്തെ അറിയിച്ചത്. രോഗം ഭേദമായെന്ന് അറിഞ്ഞപ്പോള്സന്തോഷം അടക്കാനായില്ലെന്നും ഇത് രണ്ടാം ജന്മമാണെന്നും മനീഷ പറഞ്ഞു. മുംബൈയില് ചികിത്സയിലായിരുന്ന മനീഷയെ നവംബര് 28നാണ് യുഎസിലേക്ക് കൊണ്ടുപോയത്. മുംബൈ, ദില് സേ, 1942: എ ലവ് സ്റ്റോറി, മുതല്വന് എന്നിവയിലൂടെ ശ്രദ്ധിക്കപ്പെട്ട മനീഷ ശ്യാമപ്രസാദിന്റെ ഇലക്ട്രയിലും അഭിനയിച്ചിരുന്നു. രാംഗോപാല് വര്മയുടെ ഭൂത് റിട്ടേണ്സിലാണ്...
തുടര്ന്നു വായിക്കുകകാനിലും വിദ്യ സാരിയില്
ബുധനാഴ്ച തുടങ്ങുന്ന കാന് ചലച്ചിത്രമേളയിലേക്ക് ജൂറി അംഗമായി തെരഞ്ഞെടുക്കപ്പെട്ട നടി വിദ്യാ ബാലന് അവിടെ സാരിയുടുത്ത് അരങ്ങേറും. "സാരിയാണ് എനിക്ക് ഇഷ്ടം. ഉറങ്ങുമ്പോള് പോലും സാരിയാണ് ധരിക്കാറ്. കാനിലെ ചുവന്ന പരവതാനിയില് സാരിയുടുത്ത് നിങ്ങള്ക്ക് എന്നെ കാണാം"- വിദ്യ പറഞ്ഞു. കാനിലെ ചുവന്ന പരവതാനിയിലൂടെയുള്ള അതിഥികളുടെ പരേഡ് മേളയിലെ പ്രധാന ഇനമാണ്. മലയാളിയായ വിദ്യാ ബാലനൊപ്പം നടി നന്ദിതാദാസും ഇത്തവണ കാനില് ജൂറിയായി എത്തും. 100 വര്ഷം പിന്നിടുന്ന ഇന്ത്യന് സിനിമയുടെ പ്രതിനിധികളായാണ് ഇരുവരും കാനില് എത്തുന്നത്. തുടര്ന്നു വായിക്കുക
നസ്രിയക്ക് തിരക്കേറി
ബാലനടിയായും ടിവി അവതാരകയായുംഅരങ്ങേറിയ നസ്രിയക്ക് തിരക്കേറുന്നു. ഇപ്പോള് പുറത്തിറങ്ങിയ നേരം എന്ന സിനിമയില് നിവിന്പോളിയുടെ ജോഡിയായും മാഡ് ഡാഡ് എന്ന ചിത്രത്തില് ലാലിന്റെ മകളായും ശ്രദ്ധേയ വേഷത്തിലാണ് നസ്രിയ എത്തിയത്. ഇതോടൊപ്പം തമിഴില് ധനുഷിന്റെ നായികയായി നെയ്യാണ്ടി എന്ന ചിത്രത്തിലും മികച്ച വേഷത്തില് നസ്രിയയെത്തും. രാജാറാണി, തിരുമണം തുടങ്ങിയ തമിഴ് സിനിമകളിലും നസ്രിയ നായികയാകുന്നുണ്ട്. പളുങ്ക്, പ്രമാണി, ഒരുനാള് വരും തുടങ്ങിയ സിനിമകളില് ബാലനടിയായാണ് നസ്രിയ അരങ്ങേറിയത്. തുടര്ന്നു വായിക്കുക
അലിഷ മമ്മൂട്ടിയുടെ പുതിയ നായിക
രഞ്ജിത്തിന്റെ മമ്മൂട്ടി ചിത്രം കടല് കടന്നൊരു മാത്തുക്കുട്ടിയില് അലിഷ മുഹമ്മദ് നായികയാകും. പുതുമുഖമായ അലിഷ കൊച്ചിയില് റേഡിയോ അവതാരകയാണ്. ചിത്രീകരണം തുടങ്ങിയ സിനിമയില് അലിഷ സ്കൂള് അധ്യാപികയായാണ് വേഷമിടുന്നത്. ജര്മനിയില്നിന്ന് നാട്ടിലെത്തുന്ന വിദേശമലയാളിയുടെ വേഷമാണ് മമ്മൂട്ടിക്കിതില്. മോഹന്ലാല്, ദിലീപ് തുടങ്ങിയവര് അതിഥിവേഷത്തില് എത്തുന്ന സിനിമയുടെ ചിത്രീകരണം ജര്മനി, കൊച്ചി, കോതമംഗലം എന്നിവിടങ്ങളിലാണ്. തുടര്ന്നു വായിക്കുക
ആങ്ഗ്രി ബേഡ്സില് അനൂപും ഭാവനയും
കൃഷ്ണ പൂജപ്പരയുടെ തിരക്കഥയില് സജി സുരേന്ദ്രന് സംവിധാനം ചെയ്യുന്ന ആങ്ഗ്രി ബേഡ്സ് എന്ന ചിത്രത്തില് അനൂപ് മേനോനും ഭാവനയും മുഖ്യവേഷത്തിലെത്തും. വി കെ പ്രകാശിന്റെ ട്രിവാന്ഡ്രം ലോഡ്ജില് അനൂപും ഭാവനയും ഒന്നിച്ചത് പ്രേക്ഷകശ്രദ്ധ നേടിയിരുന്നു. പ്രണയജോഡികളായ ഇവര് മുംബൈയിലക്ക് നാടുവിടുന്നതും യാത്രക്കിടയില് പ്രണയത്തിന്റെ അര്ഥമില്ലായ്മ ബോധ്യപ്പെടുന്നതും നര്മത്തില് ചാലിച്ചാണ് ആങ്ഗ്രി ബേഡ്സില് അവതരിപ്പിക്കുന്നത്. ചിത്രീകരണം 25ന് മുംബൈയില് തുടങ്ങും. തുടര്ന്നു വായിക്കുക
ചേലേമ്പ്ര ബാങ്ക് കവര്ച്ച സിനിമയാകുന്നു
കേരളത്തില് കോളിളക്കം സൃഷ്ടിച്ച ചേലേമ്പ്ര ബാങ്ക് കവര്ച്ചക്കേസിലെ പ്രതിയായിരുന്ന കനകേശ്വരിയുടെ മകള് റോസിയുടെ ജീവിതം സിനിമയാകുന്നു. അനുഗ്രഹ മൂവി ഇന്റര്നാഷണലിന്റെ ബാനറില് സതീശ് നാരായണനാണ് ചിത്രത്തിന്റെ രചനയും സംവിധാനവും നിര്വഹിക്കുന്നത്. റോസിയുടെ ജീവിതത്തിലൂടെ വികസിക്കുന്ന ചിത്രം ചേലേമ്പ്ര ബാങ്ക് കവര്ച്ചയുടെ നേര്ക്കാഴ്ചയല്ലെന്നും അറിയാതെയെങ്കിലും സംഭവിച്ചുപോകുന്ന മനുഷ്യാവകാശലംഘനങ്ങളുടെ വിശകലനമാണെന്നും സംവിധായകന് പറഞ്ഞു. റോസിയുടെ വേഷം അവതരിപ്പിക്കാന് നാലര വയസ്സുകാരിക്കായുള്ള അന്വേഷണത്തിലാണ്. തുടര്ന്നു വായിക്കുക
ഹാസ്യതാരങ്ങള്ക്കു മൂല്യമില്ലാത്തത് നമ്മുടെ നാട്ടില്: കല്പ്പന
കൊല്ലം: ഹാസ്യതാരങ്ങള്ക്കു മൂല്യമില്ലാത്ത അവസ്ഥയാണെന്ന് സിനിമാനടി കല്പ്പന പറഞ്ഞു. ഹാസ്യനടനെന്ന ലേബലുള്ളതുകൊണ്ട് അഭിനയപ്രതിഭയായ നടന് ജഗതി ശ്രീകുമാറിന് അര്ഹതപ്പെട്ട ഒന്നും കിട്ടിയില്ല. വിദേശരാജ്യങ്ങളില് ഹാസ്യതാരങ്ങള്ക്കും വില്ലനുമൊക്കെ വലിയ ആദരവാണ് നല്കുന്നത്. എക്കാലത്തെയും വലിയ നടനായിരുന്നു ചാര്ളി ചാപ്ലിന്. മലയാള സിനിമയിലെ ചെണ്ടയാണ് ജഗതി. ചെണ്ടയ്ക്കുമേല് മറ്റൊരു വാദ്യമില്ല. ഇത്രനാള് ജഗതിക്ക് എന്തുകൊണ്ട് ദേശീയ അവാര്ഡ് നല്കിയില്ല. സഹനടിക്കുള്ള ദേശീയ അവാര്ഡ് നിത്യവും കഞ്ഞിയും പയറും കഴിക്കുമ്പോള് ഫ്രൈഡ് റൈസ്...
തുടര്ന്നു വായിക്കുകരാമാനുജന്റെ കഥ സിനിമയാകുന്നു
ഗണിതശാസ്ത്രത്തിലെ അതുല്യപ്രതിഭ ശ്രീനിവാസ രാമാനുജനെക്കുറിച്ച് തമിഴില് ചിത്രം ഒരുങ്ങുന്നു. ജ്ഞാനരാജശേഖരന് സംവിധാനംചെയ്യുന്ന ചിത്രത്തില് പുതുമുഖതാരം അഭയ് ആണ് രാമാനുജനാവുന്നത്. പഴയകാല താരങ്ങളായ ജെമിനി ഗണേശന്റെയും സാവിത്രിയുടെയും കൊച്ചുമകനാണ് അഭയ്. രാമാനുജത്തിന്റെ പ്രതിഭാവിലാസത്തോടൊപ്പം അദ്ദേഹത്തിന്റെ വ്യക്തിജീവിതത്തെയും കേന്ദ്രീകരിച്ചാണ് സിനിമ വികസിക്കുന്നത്. സുഹാസിനി രാമാനുജത്തിന്റെ അമ്മയായും മലയാളിയായ ഭാമ ഭാര്യയായും ചിത്രത്തില് അഭിനയിക്കും. തമിഴിനോടൊപ്പം ഇംഗ്ലീഷിലും ചിത്രം പുറത്തിറക്കും. തുടര്ന്നു വായിക്കുക
ആന്ഡ്രിയക്കു പകരം സ്വാതി
അനില് രാധാകൃഷ്ണന് സംവിധാനംചെയ്യുന്ന നോര്ത്ത് 24 കാതം എന്ന ചിത്രത്തില് സ്വാതി നായികയാകും. ഫഹദ് ഫാസില് മുഖ്യവേഷത്തിലെത്തുന്ന ചിത്രത്തില് ആന്ഡ്രിയയാണ് നായികയാകുക എന്നായിരുന്നു റിപ്പോര്ട്ട്. എന്നാല്, ആന്ഡ്രിയയുടെ ഡേറ്റ് വൈകുന്നതിനാല് പകരം സ്വാതിയെ പരിഗണിക്കുകയായിരുന്നു. അന്നയും റസൂലും എന്ന ചിത്രത്തില് ഫഹദ്- ആന്ഡ്രിയ കൂട്ടുകെട്ട് ഏറെ ശ്രദ്ധേയമായിരുന്നു. പിന്നീടിറങ്ങിയ ആമേന് എന്ന സിനിമയില് ഫഹദിന്റെ ജോഡിയായ സ്വാതിയുടെ പ്രകടനവും ഗംഭീരമായി. ഈ വിജയം ആവര്ത്തിക്കുമെന്ന വിശ്വാസത്തിലാണ് സംവിധായകന് തുടര്ന്നു വായിക്കുക
സൂര്യയും സിമ്രാനും വീണ്ടും
ഗൗതം മേനോന് സംവിധാനം ചെയ്യുന്ന പുതിയ സിനിമയായ ധ്രുവനക്ഷത്രത്തിലൂടെ സൂര്യയും സിമ്രാനും വീണ്ടും ഒന്നിക്കുന്നു. ഗൗതമിന്റെ വാരണം ആയിരം എന്ന ചിത്രത്തിലായിരുന്നു ഇവര് അവസാനമായി ഒന്നിച്ചഭിനയിച്ചത്. ഗൗതമിന്റെ സ്വന്തം ബാനറായ ഫോട്ടോണ് കഥാസാണ് ചിത്രം നിര്മിക്കുന്നത്. ചിത്രത്തിന്റെ രചന നിര്വഹിക്കുന്നതും ഗൗതമാണ്. സംഗീതം എ ആര് റഹ്മാന്. ഗൗതമിന്റെ അവസാന ചിത്രമായ "നീ താനേ എന് പൊന്വസന്തം" ബോക്സോഫീസില് ചലനമുണ്ടാക്കിയിരുന്നില്ല. ധ്രുവനക്ഷത്രത്തിനു ശേഷം മമ്മൂട്ടിയെ നായകനാക്കി ഗൗതം ചിത്രമൊരുക്കുമെന്ന് റിപ്പോര്ട്ടുണ്ട്. തുടര്ന്നു വായിക്കുക
കാവാലത്തിന്റെ ഗാനങ്ങളുമായി ലാല്ജോസ് ചിത്രം
ആമേനിലെ ഹിറ്റ് ഗാനങ്ങള്ക്കു പിന്നാലെ കാവാലം വീണ്ടും സിനിമയ്ക്കു പാട്ടെഴുതുന്നു. ലാല് ജോസ് സംവിധാനം ചെയ്യുന്ന "പുള്ളിപ്പുലിയും ആട്ടിന്കുട്ടിയും" എന്ന ചിത്രത്തിലാണ് മലയാളത്തിലെ പ്രശസ്ത നാടക പ്രതിഭയായ കാവാലത്തിന്റെ പാട്ടുകള് വരുന്നത്. വിദ്യാസാഗറാണ് പാട്ടുകള്ക്ക് ഈണം പകരുന്നത്. കാവാലത്തിന്റെ ജന്മനാടായ കുട്ടനാട്ടിലാണ് ചിത്രത്തിന്റെ ഷൂട്ടിങ് നടക്കുക. കുഞ്ചാക്കോ ബോബനും നമിത പ്രമോദുമാണ് മുഖ്യ അഭിനേതാക്കള്. ഏറെക്കാലത്തെ ഇടവേളയ്ക്കു ശേഷമാണ് കാവാലം ആമേനുവേണ്ടി ഗാനങ്ങള് രചിച്ചത്. തുടര്ന്നു വായിക്കുക
മധുവാര്യര് സംവിധായകനാകുന്നു
നടി മഞ്ജുവാര്യരുടെ സഹോദരന് മധു വാര്യര് സംവിധായകനാകുന്നു. വന്കിട ഹോട്ടലുകളുടെ പുറംമോടിക്കു പിന്നില് പുറംലോകമറിയാത്ത ജീവിതം നയിക്കുന്ന റൂംബോയിമാരുടെ കഥയുമായാണ് മധുവാര്യര് സംവിധാനരംഗത്തേക്ക് പ്രവേശിക്കുന്നത്. "റൂം സര്വീസ്" എന്നാണ് സിനിമയ്ക്ക് പേരിട്ടിരിക്കുന്നത്. ""സിനിമയില് വരുംമുമ്പ് ഞാന് ഒരു ഹോട്ടലില് ജീവനക്കാരനായിരുന്നു. അവിടങ്ങളില് നാം അറിയാത്ത ഒരു ജീവിതമുണ്ട്. അത് ലോകത്തെ അറിയിക്കുകയാണ് എന്റെ ലക്ഷ്യം""- മധു പറഞ്ഞു. മധുവിന്റെ സഹപാഠികൂടിയായ ഗോഡ്വിന് ആണ് തിരക്കഥ. തിരക്കഥ പൂര്ത്തിയായി. തുടര്ന്നു വായിക്കുക
വെറുതെ അല്ല സിനിമ
ഗ്രാമത്തില് ജനിച്ചുജീവിച്ച ഒരാളെന്ന നിലയില് സാധാരണ മനുഷ്യരുടെ പ്രശ്നങ്ങളില് നിന്നാണ് അക്കു അക്ബര് തന്റെ സിനിമകള് സൃഷ്ടിക്കുന്നത്. സ്ത്രീവിമോചനം പ്രസംഗിക്കുന്ന പലരെയുംകാള് സ്ത്രീകളുടെ സാധാരണ ജീവിതത്തിന്റെ നൊമ്പരങ്ങള് ഈ സിനിമകള് എടുത്തുകാട്ടുന്നു. പലപ്പോഴും നമുക്കറിയാവുന്ന വ്യക്തികളുടെ പ്രതികരണങ്ങളില്നിന്നാകും സിനിമയുണ്ടാകുന്നതെന്ന് അദ്ദേഹം പറയുന്നു. കഥാകൃത്ത് ഗിരീഷ് ഭാര്യയോട് ഒരുദിവസം "നിനക്കെന്താ ഇവിടെ പണി" എന്ന് ചോദിച്ചു. അതിനോടുള്ള ആ കുടുംബിനിയുടെ പ്രതികരണത്തില് നിന്നാണ് "വെറുതെ ഒരു ഭാര്യ" എന്ന...
തുടര്ന്നു വായിക്കുകഐഎഎസുകാരുടെ തിരക്കഥയില് വി കെ പി ചിത്രം
രണ്ട് ഐഎസുകാരുടെ തിരക്കഥയില് വി കെ പ്രകാശിന്റെ മുഴുവന് സമയ കോമഡി ചിത്രം ഒരുങ്ങുന്നു. അ-കു-പു കോംപ്ലക്സ് (അസൂയ-കുശുമ്പ്-പുച്ഛം കോംപ്ലക്്സ്) എന്ന് പേരിട്ട സിനിമയ്ക്ക് കെ അമ്പാടി, എന് പ്രശാന്ത് എന്നീ ഐഎഎസ് ഓഫീസര്മാരാണ് തിരക്കഥയൊരുക്കുന്നത്. ഇന്ദ്രജിത്താണ് പ്രധാന വേഷത്തില്. മലയാളത്തിലെ പഴയ ഹിറ്റ് കോമഡി ചിത്രമായ പഞ്ചവടിപ്പാലത്തിന്റെ മാതൃകയിലാണ് ചിത്രം രൂപപ്പെടുത്തുന്നത്. ചിത്രീകരണം നവംബറില് തുടങ്ങും. തുടര്ന്നു വായിക്കുക
ബച്ചന് ഹോളിവുഡില്
അമിതാഭ് ബച്ചന് ആദ്യമായി അഭിനയിക്കുന്ന ഹോളിവുഡ് ചിത്രം "ദ ഗ്രേറ്റ് ഗാറ്റ്സ്ബേ" ഈ മാസം ലോകമെങ്ങും റിലീസ് ചെയ്യും. കാന് ചലച്ചിത്രമേളയില് സിനിമയുടെ ഉദ്ഘാടന പ്രദര്ശനം നടത്തും. ടൈറ്റാനിക് താരം ലിയോനാര്ഡോ ഡി കാപ്രിയോ, സ്പൈഡര്മാന് താരം ടോബെ മഗ്വയ്ര് എന്നിവര് പ്രധാന വേഷത്തിലെത്തുന്ന ചിത്രത്തില് അതിഥിതാരമായാണ് അമിതാഭ് അഭിനയിക്കുന്നത്. മൗലിന് റുഷ്, ഓസ്ട്രേലിയ തുടങ്ങിയ പ്രമുഖ ചിത്രങ്ങളൊരുക്കിയ ബാസ് ലുഹര്മാന് സംവിധാനംചെയ്യുന്ന 3ഡി ചിത്രത്തിന്റെ മുടക്കുമുതല് 12.5 കോടി ഡോളറാണ്. തുടര്ന്നു വായിക്കുക
പത്മരാജന് പുരസ്കാരം ചായില്യത്തിന്
തിരു: 2012 ലെ ഏറ്റവും മികച്ച സിനിമയ്ക്കുള്ള പത്മരാജന് പുരസ്കാരം മനോജ് കാന തിരക്കഥയെഴുതി സംവിധാനം ചെയ്ത ചായില്യത്തിന്. 30,000 രൂപയും ഫലകവുമാണ് പുരസ്കാരം. 2012ല് മലയാളത്തില് പ്രസിദ്ധീകരിച്ച മികച്ച ചെറുകഥയ്ക്കുള്ള പുരസ്കാരം ഇ കെ ഷീബ എഴുതിയ പ്ലേ സ്റ്റേഷന് എന്ന കഥയ്ക്കാണ്. 10,000 രൂപയും ഫലകവും അടങ്ങുന്നതാണ് പുരസ്കാരം. ദേശാഭിമാനി വാരികയില് പ്രസിദ്ധീകരിച്ച കഥയ്ക്കാണ് പുരസ്കാരം. പത്മരാജന്റെ ജന്മദിനമായ മെയ് 23ന് തിരുവനന്തപുരത്തുവെച്ച് പുരസ്കാരം സമ്മാനിക്കുമെന്ന് ട്രസ്റ്റ് ജനറല് സെക്രട്ടറി അഡ്വ.ബി ബാബു പ്രസാദ്, ക്യാമറാമാന് രാമചന്ദ്രബാബു,...
തുടര്ന്നു വായിക്കുകമമ്മൂട്ടിയും ബാലചന്ദ്രമേനോനും വീണ്ടും
മലയാളികളുടെ പ്രിയതാരങ്ങളായ മമ്മൂട്ടിയും ബാലചന്ദ്രമേനോനും ഒരിടവേളയ്ക്ക് ശേഷം വീണ്ടും ഒന്നിക്കുന്നു. രഞ്ജിത്തിന്റെ "കടല് കടന്ന് ഒരു മാത്തുക്കുട്ടി", സലീം അഹമ്മദിന്റെ "കുഞ്ഞനന്തന്റെ കട" എന്നീ ചിത്രങ്ങളിലാണ് മമ്മൂട്ടിയും മേനോനും ഒന്നിക്കുന്നത്. ഏഴുവര്ഷം മുമ്പ് കമലിന്റെ രാപ്പകലിലാണ് ഇരുവരും ഒന്നിച്ച് അഭിനയിച്ചത്. മമ്മൂട്ടിയോടൊപ്പം വീണ്ടും അഭിനയിക്കാന് സാധിച്ചതില് ആഹ്ലാദമുണ്ടെന്ന് ബാലചന്ദ്രമേനോന് പറഞ്ഞു. തുടര്ന്നു വായിക്കുക
നടന്- കമലിന്റെ പുതിയ ചിത്രം
സംസ്ഥാന സിനിമാ അവാര്ഡുകള് വാരിക്കൂട്ടിയ സെല്ലുലോയ്ഡിന് ശേഷം കമല് സംവിധാനംചെയ്യുന്ന സിനിമയില് ജയറാം നായകന്. "നടന്" എന്നാണ് ചിത്രത്തിന് പേരിട്ടിരിക്കുന്നത്. ചിത്രത്തിന്റെ രചനാജോലികള് നേരത്തെ പൂര്ത്തിയായതാണെങ്കിലും സെല്ലുലോയ്ഡ് വിജയമായ സാഹചര്യത്തില് കമല് തിരക്കഥയില് ചില മാറ്റങ്ങള് വരുത്തുകയായിരുന്നു. ധ്വനിയാണ് ചിത്രത്തില് നായികയാവുന്നത്. പ്രാദേശിക വാര്ത്തകള്, പെരുവണ്ണാപുരത്തെ വിശേഷങ്ങള്, തൂവല്സ്പര്ശം, കൃഷ്ണഗുഡിയില് ഒരു പ്രണയകാലത്ത്, സ്വപ്നസഞ്ചാരി എന്നിയാണ് ജയറാം-കമല് ടീം ഒന്നിച്ച മറ്റ് ചിത്രങ്ങള്. തുടര്ന്നു വായിക്കുക
ഫഹദിനൊപ്പം ആന്ഡ്രിയ വീണ്ടും
അന്നയും റസൂലിനും ശേഷം ഫഹദ് ഫാസിലിനൊപ്പം ആന്ഡ്രിയ വീണ്ടും നായികയായെത്തുന്നു. അനില് രാധാകൃഷ്ണന് സംവിധാനംചെയ്യുന്ന നോര്ത്ത് 24 കാതം എന്ന സിനിമയിലാണ് ഇവര് ഒന്നിക്കുന്നത്. വ്യത്യസ്ത സാഹചര്യങ്ങളില്നിന്ന് വന്ന മൂന്നുപേര് ഒരേയിടത്തേക്ക് ഒന്നിച്ച് യാത്രചെയ്യുമ്പോഴുണ്ടാകുന്ന തമാശയും മറ്റുമാണ് ചിത്രത്തിന്റെ പ്രമേയം. നെടുമുടി വേണുവും പ്രധാനവേഷത്തിലെത്തുന്നു. അന്നയും റസൂലും എന്ന സിനിമയില് ഫഹദ്- ആന്ഡ്രിയ കൂട്ടുകെട്ട് ഏറെ ആവേശത്തോടെയാണ് ആരാധകര് കണ്ടത്. തുടര്ന്നു വായിക്കുക
കമലിന് ജന്മനാടിന്റെ സ്നേഹാദരം
കൊടുങ്ങല്ലൂര്: സംവിധായകന് കമലിന് ജന്മനാടായ കൊടുങ്ങല്ലൂര് പൗരാവലി നല്കിയ സ്വീകരണത്തിന് നക്ഷത്രത്തിളക്കം. സെല്ലുലോയ്ഡ് സിനിമ നൂറുനാള് പിന്നിട്ടത്തിന്റെ ആഘോഷത്തിന്റെ ഭാഗമായാണ് സമാദരമൊരുക്കിയത്. "ദേവകന്യക സൂര്യതമ്പുരു മീട്ടുന്നു" എന്ന കമല് ചിത്രത്തിലെ ഗാനത്തോടെ തുടങ്ങിയ പ്രൗഢഗംഭീരമായ സ്വീകരണ സമ്മേളനത്തില് ജയറാമും പൃഥ്വിരാജും സിദ്ധിക്കുമടങ്ങുന്ന താരനിരയും സംവിധായകരായ സിബി മലയിലും സത്യന് അന്തിക്കാടും ലാല് ജോസും കമലിനെ പൊന്നാടയണിയിച്ച് ആദരസ്നേഹം പങ്കുവച്ചു. സിപിഐ എം പൊളിറ്റ്ബ്യൂറോ അംഗം എം എ ബേബി ഉദ്ഘാടനം ചെയ്തു. മലയാള...
തുടര്ന്നു വായിക്കുകകണ്ണൂരിലെ ബക്കര് ഫൗണ്ടേഷന് വ്യാജമാണെന്ന് ബക്കറിന്റെ ഭാര്യ
കൊച്ചി: അന്തരിച്ച സംവിധായകന് പി എ ബക്കറിന്റെ പേരില് രൂപീകരിച്ച ബക്കര് ഫൗണ്ടേഷന് വ്യാജമാണെന്ന് ബക്കറിന്റെ ഭാര്യ അനിത ബക്കര് വാര്ത്താസമ്മേളനത്തില് പറഞ്ഞു. കണ്ണൂര് ആസ്ഥാനമായി പ്രവര്ത്തിക്കുന്ന ഈ സംഘടന വാര്ത്താസമ്മേളനം നടത്തി നടന് മോഹന്ലാലിന് അടക്കം ചലച്ചിത്ര അവാര്ഡുകള് പ്രഖ്യാപിച്ചിരുന്നു. മെയ് അവസാനം കോഴിക്കോട് അവാര്ഡുകള് വിതരണംചെയ്യും. ഇതിനുപിന്നില് പ്രവര്ത്തിക്കുന്ന അഷ്റഫ് ആട്ടിക്കുളം ബക്കറിന്റെ ചിത്രത്തില് ക്ലാപ്പ് ബോയി മാത്രമായിരുന്നുവെന്നും അനിത പറഞ്ഞു. സാമ്പത്തികനേട്ടം ഉണ്ടാക്കുകയാണ് പുതിയ...
തുടര്ന്നു വായിക്കുകമംമ്ത വീണ്ടും ക്യാന്സര് ചികിത്സയ്ക്ക്
ചെറുത്തുതോല്പ്പിച്ച ക്യാന്സര് രോഗത്തിന്റെ ചില സൂചനകള് വീണ്ടും തന്നില് കണ്ടുതുടങ്ങിയെന്ന് നടി മംമ്ത മോഹന്ദാസ്. തുടര് പരിശോധനയില് രോഗകോശങ്ങള് വീണ്ടും പ്രത്യക്ഷപ്പെട്ടതായും ചികിത്സ വേണ്ടതുണ്ടെന്നും മംമ്ത ട്വിറ്ററില് കുറിച്ചു. രോഗം വീണ്ടും വന്നതായി കേള്ക്കുന്നുണ്ടല്ലോ എന്ന ഫോളോവറുടെ ചോദ്യത്തിന് മറുപടിയായാണ് മംമ്ത ഇക്കാര്യം പറഞ്ഞത്. 2010ലാണ് മംമ്തയ്ക്ക് ശ്വാസകോശത്തില് ക്യാന്സറിന്റെ തുടക്കം കണ്ടത്. അന്ന് ചികിത്സ കഴിഞ്ഞ് ശക്തമായി തിരിച്ചുവന്നാണ് മൈ ബോസ്, സെല്ലുലോയ്ഡ്, ലേഡീസ് ആന്റ് ജന്റില്മാന് തുടങ്ങിയ സിനിമകളില്...
തുടര്ന്നു വായിക്കുകമോഹന്ലാല്-ബ്ലെസി ടീം വീണ്ടും
പ്രേക്ഷകപ്രീതിയും നിരൂപകശ്രദ്ധയും പിടിച്ചുപറ്റിയ തന്മാത്ര, ഭ്രമരം, പ്രണയം എന്നീ ചിത്രങ്ങള്ക്കുശേഷം മോഹന്ലാല്- ബ്ലെസി ടീം വീണ്ടും ഒന്നിക്കുന്നു. രാജു മല്യത്താണ് രാഗം മൂവീസിന്റെ ബാനറില് ഈ സിനിമ നിര്മിക്കുന്നത്. ശ്വേതമേനോന് നായികയാകുന്ന "കളിമണ്ണ്" എന്ന സിനിമയ്ക്കുശേഷമാകും ബ്ലെസി, ലാല്ച്ചിത്രം ഒരുക്കുക. കെട്ടുകാഴ്ചയാകുന്ന ചില മനുഷ്യബന്ധങ്ങളുടെ കഥയാണ് ഇക്കുറി ബ്ലെസി പറയുന്നതെന്ന് സൂചനയുണ്ട്. ബെന്യാമിന്റെ ആടുജീവിതം എന്ന നോവലിനെ അടിസ്ഥാനപ്പെടുത്തി പൃഥ്വിരാജിനെ നായകനാക്കി സിനിമ ഒരുക്കാനും ബ്ലെസിക്ക് പദ്ധതിയുണ്ട്. തുടര്ന്നു വായിക്കുക
ഐ വി ശശിക്കൊപ്പം ദുല്ഖറും ഫഹദും
നീണ്ട കാലത്തെ ഇടവേളയ്ക്കുശേഷം പുതിയ കാലത്തെ പ്രമേയവുമായി ഐ വി ശശി വീണ്ടും. ബോബി- സഞ്ജയുമാരുടെ തിരക്കഥയില് ഐ വി ശശി സംവിധാനം ചെയ്യുന സിനിമയില് ദുല്ഖര് സല്മാനും ഫഹദ് ഫാസിലും കേന്ദ്രകഥാപാത്രങ്ങളാകും. സൂപ്പര് ഹിറ്റ് സംവിധായകനായിരുന്ന ഐ വി ശശി രണ്ടുവര്ഷം മുമ്പ് വെള്ളത്തൂവല് എന്ന സിനിമയാണ് ഒടുവില് സംവിധാനം ചെയ്തത്. ആരോഗ്യപരമായ കാരണങ്ങളാല് മാറിനിന്ന ഐ വി ശശിയുടെ ശക്തമായ തിരിച്ചുവരവാകും പുതിയ സിനിമ എന്നാണ് ആരാധകര് പ്രതീക്ഷിക്കുന്നത്. തുടര്ന്നു വായിക്കുക
സുവീരന് സിനിമയില് മമ്മൂട്ടി രാവണന്
ദേശീയ അവാര്ഡ് ജേതാവ് സുവീരന് സംവിധാനംചെയ്യുന്ന മണ്ഡോദരി എന്ന സിനിമയില് മമ്മൂട്ടി, പുതിയ കാലത്തെ രാവണനാകുന്നു. എന് എസ് മാധവന്റെ അതേ പേരിലുള്ള നോവലൈറ്റാണ് സുവീരന് സിനിമയാക്കുന്നത്. സീതയെ തട്ടിക്കൊണ്ടുപോകുന്ന രാവണന്റെ ചെയ്തികള്ക്ക് പുതിയ ഭാഷ്യം ചമയ്ക്കുകയാണ് സിനിമയില്. ഗോവയില് ഗുസ്തിക്കാരന്റെ വേഷമാണ് മമ്മൂട്ടിക്കിതില്. സലിം അഹമ്മദ് സംവിധാനംചെയ്യുന്ന കുഞ്ഞനന്തന്റെ കട എന്ന സിനിമയടക്കം ആറ് സിനിമയില് അഭിനയിച്ചുകൊണ്ടിരിക്കുകയാണ് മമ്മൂട്ടി. ഇതിന്റെ തിരക്ക് കഴിഞ്ഞാല് മണ്ഡോദരിയില് ചേരും. തുടര്ന്നു വായിക്കുക
100 മികച്ച സിനിമയില് എട്ടെണ്ണം മലയാളം
ഇന്ത്യന് സിനിമയുടെ നൂറാം വാര്ഷികം പ്രമാണിച്ച് സിഎന്എന്- ഐബിഎന് ചാനല് തയ്യാറാക്കിയ മികച്ച നൂറ് ഇന്ത്യന് സിനിമയില് എട്ട് മലയാളസിനിമകളും. അനന്തരം, പെരുവഴിയമ്പലം, വാനപ്രസ്ഥം, ചെമ്മീന്, വടക്കന് വീരഗാഥ, തൂവാനത്തുമ്പികള്, മണിച്ചിത്രത്താഴ്, സന്ദേശം എന്നീ സിനിമകളാണ് മലയാളത്തില്നിന്ന് മികച്ച സിനിമകളായി ചാനല് പരിഗണിച്ചത്. ദാദ സാഹേബ് ഫാല്ക്കേ സംവിധാനംചെയ്ത ആദ്യ സിനിമ രാജാ ഹരിശ്ചന്ദ്രയും സത്യജിത് റായിയുടെ പഥേര് പഞ്ചാലി അടക്കമുള്ള പ്രധാന സിനിമകളും 100 സിനിമാ പട്ടികയില് ഉള്പ്പെട്ടിട്ടുണ്ട്. തുടര്ന്നു വായിക്കുക
ഡോ.സണ്ണിയുമായി പ്രിയന്
മണിച്ചിത്രത്താഴിലെ മോഹന്ലാലിന്റെ ഹിറ്റ് കഥാപാത്രം ഡോ. സണ്ണിയെ നായക കഥാപാത്രമാക്കി പ്രിയദര്ശന് പുതിയ ചിത്രമൊരുക്കുന്നു. വിവിധഭാഷകളിലേക്ക് റീമേക്ക് ചെയ്ത മണിച്ചിത്രത്താഴിന്റെ രണ്ടാംഭാഗമായിരിക്കില്ല സിനിമ. ഡോ. സണ്ണി എന്ന മനഃശാസ്ത്രവിദഗ്ധനെ കേന്ദ്രീകരിച്ചുള്ള പുതിയ ചിത്രത്തിന് പേരിട്ടിട്ടില്ല. മണിച്ചിത്രത്താഴിലെ ഇന്നസെന്റിന്റെ കഥാപാത്രമായ ഉണ്ണിത്താനും പുതിയ സിനിമയില് ഉണ്ട്. അസുഖത്തെ തുടര്ന്ന് സിനിമയില് നിന്ന് കുറച്ചു നാള് വിട്ടു നിന്ന ഇന്നസെന്റിന്റെ മടങ്ങിവരവ് കൂടിയായിരിക്കുമിത്. പ്രിയനും ഡെന്നിസ് ജോസഫും ചേര്ന്ന് തിരക്കഥ...
തുടര്ന്നു വായിക്കുകഷാരൂഖിനൊപ്പം പൃഥ്വിരാജ്
ഫറാഖാന് സംവിധാനം ചെയ്യുന്ന ഹാപ്പി ന്യൂ ഇയര് എന്ന പുതിയ സിനിമയില് ഷാരൂഖിനൊപ്പം പൃഥ്വിരാജും വേഷമിടും. ചാനല് നൃത്തറിയാലിറ്റി ഷോയില് പങ്കെടുക്കാന് തയ്യാറെടുക്കുന്ന നാല് സുഹൃത്തുക്കളുടെ കഥയാണിത്. ഷാരൂഖിനും പൃഥ്വിരാജിനുമൊപ്പം അഭിഷേക് ബച്ചനും ബോമന് ഇറാനിയും പ്രധാന വേഷത്തിലെത്തുന്നു. അതേസമയം, സിനിമയിലെ വേഷത്തെ സംബന്ധിച്ച് അന്തിമതീരുമാനം എടുത്തില്ലെന്ന് പൃഥ്വിരാജ് പ്രതികരിച്ചു. അയ്യാ, ഔറംഗസേബ് തുടങ്ങിയ ബോളിവുഡ് സിനിമകളില് ഇതിനുമുമ്പ് പൃഥ്വിരാജ് അഭിനയിച്ചിട്ടുണ്ട്. തുടര്ന്നു വായിക്കുക
ബോളിവുഡിലും ഫഹദ് തരംഗം
മലയാളത്തിന്റെ പുതുതരംഗമായ ഫഹദ്ഫാസിലിന്റെ മൂന്ന് ഹിറ്റ് ചിത്രങ്ങള് ബോളിവുഡിലേക്ക്. ലിജോ ജോസ് പെല്ലിശേരിയുടെ "ആമേന്", ലാല്ജോസിന്റെ "ഡയമണ്ട് നെക്ലേസ്", ആഷിക്അബുവിന്റെ "22 ഫീമെയില് കോട്ടയം" എന്നീ സിനിമകളാണ് ഹിന്ദിയില് റീമേക്ക് ചെയ്യുന്നത്. ബോളിവുഡില് ശ്രദ്ധേയനായ യുവനായകന് രണ്ബീര് കപൂറാണ് ആമേനും ഡയമണ്ട് നെക്ലേസും റീമേക്ക് ചെയ്യാന് താല്പ്പര്യമെടുത്തിരിക്കുന്നത്. അതേസമയം യുവാക്കളുടെ ഹരമായ ഇമ്രാന്ഹഷ്മിയാണ് 22 ഫീമെയില് കോട്ടയത്തിന്റെ റീമേക്കിന് മുന്കൈ എടുക്കുന്നത്. തുടര്ന്നു വായിക്കുക
റോഷന് ആന്ഡ്രൂസ് ചിത്രത്തില് ദിലീപ്
മുംബൈ പൊലീസിനുശേഷം റോഷന് ആന്ഡ്രൂസ് സംവിധാനംചെയ്യുന്ന പുതിയ ചിത്രത്തില് ദിലീപ് നായകനാകും. ബോബി-സഞ്ജയ് തിരക്കഥയൊരുക്കുന്ന ചിത്രം നിര്മിക്കുന്നത് സംവിധായകനും തിരക്കഥാകൃത്തുക്കളും ചേര്ന്നാണ്. 2013 അവസാനത്തോടെ ചിത്രത്തിന്റെ ഷൂട്ടിങ് തുടങ്ങും. റോഷന്റെ "നോട്ടുബുക്ക്" എന്ന സിനിമയുടെ രചന നിര്വഹിച്ച ബോബിയും സഞ്ജയും തന്നെയാണ് ഉടന് തിയറ്ററുകളില് എത്തുന്ന "മുംബൈ പൊലീസി"ന്റെയും തിരക്കഥാകൃത്തുക്കള്. തുടര്ന്നു വായിക്കുക
താരമോഹങ്ങള് സഫലമായി മോളിക്ക് കയറിക്കിടക്കാന് ഇടമായി
പള്ളുരുത്തി: മോളിയുടെ താരമോഹങ്ങള് സഫലമായി. ചെല്ലാനത്തെ പ്രമുഖ ചവിട്ടുനാടകക്കാരി മോളിക്ക് സിനിമയിലും സീരിയലുകളിലും അവസരം ലഭിച്ചിട്ടും കയറിക്കിടക്കാന് ഒരു വീടില്ലായിരുന്നു. ഈ വിവരം മാധ്യമങ്ങളിലൂടെ അറിഞ്ഞ് കേന്ദ്രസഹമന്ത്രി കെ വി തോമസ് മുന്കൈയെടുത്ത് ഒരു വ്യവസായ പ്രമുഖനെക്കൊണ്ടാണ് വീട് നിര്മാണത്തിന് അവസരമൊരുക്കിയത്. മൂന്നുമാസംമുമ്പ് വീടിന് ശിലയിട്ടത് കെ വി തോമസാണ്. 70 ദിവസംകൊണ്ടാണ് വീട് നിര്മിച്ചത്. പ്രവാസി മലയാളി സി കെ മേനോനാണ് വീടുപണിക്ക് പണം നല്കിയത്. ഏഴരലക്ഷം രൂപയില് എല്ലാ സൗകര്യങ്ങളോടെയാണ് വീടൊരുക്കിയിട്ടുള്ളത്. ...
തുടര്ന്നു വായിക്കുകമമ്മൂട്ടിയും മീരയും വീണ്ടും
മമ്മൂട്ടിയുടെ നായികയായി മീരാജാസ്മിന് വീണ്ടുമെത്തുന്നു.ആഷിക്അബു ചിത്രമായ "ഗ്യാങ്സ്റ്ററി"ലാണ് മീര വീണ്ടും മമ്മൂട്ടിയുടെ നായികയാവുന്നത്. മംഗലാപുരത്തെ മാഫിയാകുടുംബങ്ങളുടെ കഥയാണ്"ഗ്യാങ്സ്റ്റര്" പറയുന്നത്. അക്ബര് അലിഖാന് എന്ന അധോലോക നേതാവായാണ് മമ്മൂട്ടി എത്തുന്നത്. ഫഹദ് ഫാസില്, പാര്ഥിപന്, രോഹിണി ഹത്തങ്കഡി, ശേഖര് മേനോന് എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. തുടര്ന്നു വായിക്കുക
ബക്കര് ഫൗണ്ടേഷന്റെ മികച്ച സിനിമാ പുരസ്കാരം സ്പിരിറ്റിന്
തിരു: സംവിധായകനായിരുന്ന ഫിലിം ഡയറക്ടര് പി എ ബക്കറിന്റെ സ്മരണാര്ഥം ബക്കര് ഫൗണ്ടേഷന് ഏര്പ്പെടുത്തിയ അവാര്ഡുകള് പ്രഖ്യാപിച്ചു. സ്പിരിറ്റാണ് മികച്ച സിനിമ. രഞ്ജിത്ത് മികച്ച സംവിധായകന്. സ്പിരിറ്റിലെ അഭിനയത്തിന് മോഹന്ലാലിനെ മികച്ച നടനായും ബാവൂട്ടിയുടെ നാമത്തിലെ അഭിനയത്തിന് കാവ്യാമാധവനെ മികച്ച നടിയായും തെരഞ്ഞെടുത്തു. പുരസ്കാരം മെയ് അവസാനവാരം കോഴിക്കോട്ട് വിതരണംചെയ്യുമെന്ന് ഫൗണ്ടേഷന് ചെയര്മാന് ഡോ. അഷ്റഫ് എട്ടിക്കുളം വാര്ത്താസമ്മേളനത്തില് പറഞ്ഞു. പി എ ബക്കര് നിര്മിച്ച "ഓളവും തീരവും" ചിത്രത്തില്...
തുടര്ന്നു വായിക്കുക\"ട്രാഫിക് \"ഹിന്ദിയില്
മലയാളസിനിമയില് പുതുമാറ്റത്തിന് വഴിയൊരുക്കിയ "ട്രാഫിക്" ഹിന്ദിയില് റീമേക്ക് ചെയ്യുന്നു."ചെന്നൈയില് ഒരു നാള്" എന്ന പേരില് ചിത്രം നേരത്തെ തമിഴിലേക്ക് റീമേക്ക് ചെയ്തിരുന്നു. "ട്രാഫിക്" മലയാളത്തില് സംവിധാനംചെയ്ത രാജേഷ്പിള്ളയാണ് ഹിന്ദിപതിപ്പും ഒരുക്കുന്നത്. പ്രശസ്ത നടന് മനോജ് ബാജ്പേയി, ബംഗാളിലെ സൂപ്പര്താരം പ്രസൂന്ജിത്ത് എന്നിവരാണ് ഹിന്ദി ട്രാഫിക്കില് പ്രധാനകഥാപാത്രങ്ങളെ അവതരിപ്പിക്കുന്നത്. ജൂലൈയില് ഷൂട്ടിങ്ങ് തുടങ്ങുന്ന ചിത്രം ഈ വര്ഷം തന്നെ റിലീസ് ചെയ്യും. തുടര്ന്നു വായിക്കുക
ഫഹദും ലിജോയും വീണ്ടും
ഹിറ്റ്ചാര്ട്ടില് ഇടംപിടിച്ച "ആമേന്" എന്ന സിനിമയ്ക്കുശേഷം ലിജോ ജോസ് പെല്ലിശേരിയും ഫഹദ് ഫാസിലും ഒന്നിക്കുന്നു. "നായ് വേട്ട" എന്ന് പേരിട്ടിരിക്കുന്ന ചിത്രത്തില് സുരാജ് വെഞ്ഞാറമൂടും മുഖ്യകഥാപാത്രത്തെ അവതരിപ്പിക്കും. ഫഹദിന്റെയും ലിജോയുടെയും നിലവിലെ പ്രോജക്ടുകള് തീര്ത്തശേഷമായിരിക്കും "നായ്വേട്ട"യ്ക്കായി ഇരുവരും ഒന്നിക്കുന്നത്. ഇന്ദ്രജിത്, ശ്രീനാഥ് ഭാസി, ശങ്കര്രാമകൃഷ്ണന്, രാജീവ്പിള്ള എന്നിവര് ഒന്നിക്കുന്ന "ഡിസ്കോ" എന്ന സിനിമയ്ക്കുശേഷം നായ്വേട്ട തുടങ്ങാനാണ് പദ്ധതി. ഫഹദും ലിജോയും ഒന്നിച്ച "ആമേന്" ഏറെ ശ്രദ്ധ നേടിയിരുന്നു. തുടര്ന്നു വായിക്കുക
അഴഗപ്പന് ചിത്രത്തില് ദുല്ഖര് നായകന്
വ്യത്യസ്ത കഥാപാത്രങ്ങളിലൂടെ പ്രേക്ഷകപ്രീതി നേടിയ ദുല്ഖര് സല്മാന് തമിഴ് ബ്രാഹ്മണന്റെ വേഷത്തില്. പ്രശസ്ത ഛായാഗ്രാഹകന് അഴഗപ്പന് സംവിധാനംചെയ്യുന്ന "പട്ടം പോലെ" എന്ന സിനിമയിലാണ് ദുല്ഖര് ബ്രാഹ്മണ കഥാപാത്രമാകുന്നത്. മലയാളിയായ യുവതിയും തമിഴ് ബ്രാഹ്മണയുവാവും തമ്മിലെ പ്രണയമാണ് ചിത്രത്തിന്റെ പ്രമേയം. പ്രശസ്ത ഛായാഗ്രാഹകനും മലയാളിയുമായ കെ യു മോഹനന്റെ മകള് മാളവികാമോഹനാണ് നായികയാവുന്നത്. അനൂപ് മേനോന്, അര്ച്ചനാകവി, മണിയന്പിള്ള രാജു എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. തുടര്ന്നു വായിക്കുക
ഗൗതംമേനോന് മലയാളത്തിലേക്ക്
വളരെക്കാലത്തെ കാത്തിരിപ്പിനൊടുവില് ദക്ഷിണേന്ത്യയിലെ സൂപ്പര് സംവിധായകനും കേരളീയനുമായ ഗൗതംമേനോന് മലയാളത്തില് തുടക്കം കുറിക്കാനൊരുങ്ങുന്നു. സൂപ്പര്സ്റ്റാര് മോഹന്ലാലിനെയും യുവനിരയിലെ സൂപ്പര്താരം ഫഹദ്ഫാസിലിനെയും നായകരാക്കി രണ്ട് സിനിമകള് ഒരുക്കാനാണ് തന്റെ പദ്ധതിയെന്ന് ഗൗതംമേനോന് അറിയിച്ചു. സൂര്യയെ നായകനാക്കി ഒരുക്കുന്ന തമിഴ്സിനിമ കഴിഞ്ഞാലുടന് ആദ്യ മലയാള സിനിമ തുടങ്ങും. പതിവുപോലെ, മലയാളത്തിലും സ്വന്തം തിരക്കഥയില് തന്നെയാകും സിനിമയൊരുക്കുക. നവംബറില് ആദ്യ മലയാള ചിത്രം തുടങ്ങാന് സാധിക്കുമെന്നും ഗൗതം മേനോന്...
തുടര്ന്നു വായിക്കുകമമ്മൂട്ടിച്ചിത്രത്തില് ലാലും ദിലീപും
രഞ്ജിത് സംവിധാനം ചെയ്യുന്ന മമ്മൂട്ടിച്ചിത്രം "കടല് കടന്ന് ഒരു മാത്തുക്കുട്ടി"യില് മോഹന്ലാലും ദിലീപും അതിഥിവേഷങ്ങളിലെത്തും. ജര്മനിയില്നിന്ന് നാട്ടിലെത്തുന്ന പ്രവാസി മലയാളിയായാണ് മമ്മൂട്ടി ഈ സിനിമയില് വേഷമിടുന്നത്. ആഷിക് അബുവിന്റെ ഡാ തടിയാ എന്ന ചിത്രത്തില് നായകനായ തടിയന് ശേഖര്മേനോനും മമ്മൂട്ടിക്കൊപ്പം പ്രധാന വേഷത്തിലെത്തുന്നുണ്ട്. സിനിമ 15 ദിവസം ജര്മനിയില് ചിത്രീകരിക്കും. തുടര്ന്നുള്ള ഭാഗങ്ങള് എറണാകുളത്തും പത്തനംതിട്ടയിലുമാണ്. രഞ്ജിത്തുതന്നെയാണ് സിനിമയുടെ നിര്മാണം. ക്യാമറ മധു നീലകണ്ഠന്. തുടര്ന്നു വായിക്കുക
ലൈഫ്ടൈമില് മധുവും ഷീലയും
നിത്യഹരിത ജോടികളായ മധുവും ഷീലയും വര്ഷങ്ങള്ക്ക് ശേഷം വീണ്ടും ഒന്നിക്കുന്നു. ശശി പരവൂര് സംവിധാനംചെയ്യുന്ന ലൈഫ് ടൈം എന്ന ചിത്ര ത്തിലാണ് ഇവര് ഒന്നിക്കുന്നത്. ശശിതന്നെ തിരക്കഥയെഴുതുന്ന ചിത്ത്രില് രണ്ടുപേര്ക്കും തുല്യപ്രാധാന്യമാണുള്ളത്. കാര്ട്ടൂണിസ്റ്റ് സുധീര് നാഥ് സഹസംവിധായകനാകുന്ന ലൈഫ് ടൈമിന്റെ ചിത്രീകരണം ഉടന് തുടങ്ങും. 2005ല് പ്രമോദ് പപ്പന് സംവിധാനംചെയ്ത മമ്മൂട്ടിച്ചിത്രം തസ്കരവീരനിലാണ് മധുവും ഷീലയും അവസാനമായി ഒന്നിച്ചത്. തുടര്ന്നു വായിക്കുക
പൃഥ്വി മദ്യപാനിയുടെ റോളില്
യുവനിരയിലെ ശ്രദ്ധേയനായ താരം പൃഥ്വിരാജ് മദ്യപാനിയുടെ റോളിലെത്തുന്നു. ജിത്തുജോസഫിന്റെ പുതിയ സിനിമയിലാണ് പൃഥ്വി മദ്യപാനിയും അലസനുമായ പൊലീസ് ഉദ്യോഗസ്ഥന്റെ വേഷത്തിലെത്തുന്നത്. സുരേഷ്ഗോപി നായകനായ "ഡിറ്റക്ടീവ്", ദിലീപ്-മംമ്ത ടീം ഒന്നിച്ച സൂപ്പര്ഹിറ്റ് "മൈബോസ്" എന്നീ ചിത്രങ്ങള്ക്ക് ശേഷം ജിത്തു ഒരുക്കുന്ന "മെമ്മറീസ്" എന്ന സിനിമയിലാണ് രാജു വ്യത്യസ്തമായ ഈ കഥാപാത്രത്തെ അവതരിപ്പിക്കുന്നത്.നിരവധി പൊലീസ് കഥാപാത്രങ്ങളെ അവതരിപ്പിച്ചിട്ടുണ്ടെങ്കിലും "മെമ്മറീസി"ലെ പൊലീസ് ഉദ്യോഗസ്ഥന് പൃഥ്വിയുടെ വേറിട്ട കഥാപാത്രമാകുമെന്നാണ്...
തുടര്ന്നു വായിക്കുകഹരിശ്രീ അശോകന് നായകന്
ശ്രദ്ധേയമായ ഹാസ്യകഥാപാത്രങ്ങളിലൂടെ മലയാളികളുടെ മനംകവര്ന്ന ഹരിശ്രീ അശോകന് ഒരിടവേളയ്ക്ക് ശേഷം വീണ്ടും നായകനാവുന്നു. നവാഗതനായ ഷാന് സംവിധാനംചെയ്യുന്ന "വില്ലേജ് ഗയ്സ്" എന്ന സിനിമയിലാണ് അശോകന് നായകനാവുന്നത്. നാല് ചെറുപ്പക്കാരുടെ ജീവിതത്തിലേക്ക് ഒരു പെണ്കുട്ടി കടന്നുവരുന്നതോടെ ഉണ്ടാവുന്ന മാറ്റങ്ങളാണ് ചിത്രം പറയുന്നത്. ദേവന്, റിസബാവ, ലക്ഷ്മിപ്രിയ, ഊര്മിള ഉണ്ണി, രഞ്ജിത് (രാജമാണിക്യം ഫെയിം) എന്നിവരാണ് മുഖ്യകഥാപാത്രങ്ങളെ അവതരിപ്പിക്കുന്നത്. തുടര്ന്നു വായിക്കുക
മമ്മൂട്ടി പുരോഹിതനാകുന്നു
"റെഡ്വൈന്" എന്ന ചിത്രത്തിന്റെ വിജയത്തിനുശേഷം സലാംബാപ്പു സംവിധാനം ചെയ്യുന്ന പുതിയ സിനിമയില് മമ്മൂട്ടി നായകനാകും. ക്രിസ്ത്യന് പുരോഹിതന്റെ റോളിലാണ് മമ്മൂട്ടി ഈ ചിത്രത്തില് എത്തുന്നത്. ഏറെ വ്യത്യസ്തമായ റോളിലായിരിക്കും മമ്മൂട്ടിയെത്തുന്നതെന്ന് സംവിധായകന് പറഞ്ഞു. മോഹന്ലാലും ഫഫദ് ഫാസിലും മുഖ്യകഥാപാത്രങ്ങളെ അവതരിപ്പിച്ച "റെഡ്വൈന്" തിയറ്ററുകളില് തുടരുന്നുണ്ട്. ലാല്ജോസ് സംവിധാനം ചെയ്ത "ഇമ്മാനുവല്" ആണ് ഏറ്റവും ഒടുവില് റിലീസായ മമ്മൂട്ടി ചിത്രം. തുടര്ന്നു വായിക്കുക
പറങ്കിമല പുതിയ രൂപത്തില്
ഭരതന്റെ 1981ലെ ഹിറ്റ് സിനിമ പറങ്കിമല വീണ്ടും വരുന്നു. നെടുമുടി വേണുവും സൂര്യയും അവിസ്മരണീയമാക്കിയ പറങ്കിമലയ്ക്ക് പുതിയ ഭാഷ്യം ചമയ്ക്കുന്നത് നവാഗതനായ സേനന് പള്ളാശേരിയാണ്. നെടുമുടി വേണുവിന്റെ സ്ഥാനത്ത് ലാലും സൂര്യയുടെ റോളില് പുതുമുഖം വിനുതയും വേഷമിടും. തട്ടേക്കാട്ട് ചിത്രീകരണം തുടങ്ങിയ സിനിമയില് പുതുമുഖം ബിയോണ്, കലാഭവന് മണി, ഇന്ദ്രന്സ് തുടങ്ങിയവരും അഭിനയിക്കുന്നു. അഫ്സലാണ് സംഗീതം. തുടര്ന്നു വായിക്കുക
രഞ്്ജിത്ത്, മമ്മൂട്ടി, മോഹന്ലാല് ഒന്നിക്കുന്നു
ട്വന്റി-ട്വന്റിക്കുശേഷം സൂപ്പര്താരങ്ങളായ മോഹന്ലാലും മമ്മൂട്ടിയും വീണ്ടും ഒന്നിക്കുന്നു. രഞ്ജിത്തിന്റെ പുതിയ ചിത്രമായ "കടല് കടന്നൊരു മാത്തുക്കുട്ടി" എന്ന സിനിമയിലാണ് ഇരുവരും ഒന്നിക്കുന്നത്. ജര്മനിയാണ് ചിത്രത്തിന്റെ പ്രധാന ലൊക്കേഷന്. ജര്മനിയില് സ്റ്റേജ്ഷോ അവതരിപ്പിക്കാനെത്തുന്ന മലയാള താരങ്ങളെ സ്വീകരിക്കാനെത്തുന്ന ജര്മന് മലയാളിയായിട്ടാണ് മമ്മൂട്ടി വേഷമിടുന്നത്. കഥാപാത്രമായ മമ്മൂട്ടി "യഥാര്ഥ മമ്മൂട്ടി"യെ കാണാനെത്തുന്ന രംഗവും ചിത്രത്തിലുണ്ട്. ദിലീപ്, ശേഖര്മേനോന് തുടങ്ങി മലയാളത്തിലെ പ്രമുഖതാരങ്ങളും അണിനിരക്കുന്നുണ്ട്....
തുടര്ന്നു വായിക്കുകഅംബിക സംവിധായികയാകുന്നു
മലയാളത്തിലും തമിഴിലും ശ്രദ്ധേയമായ നിരവധി ചിത്രങ്ങളില് അഭിനയിച്ച പ്രശസ്ത നടി അംബിക സംവിധായികയാകുന്നു. ഛായാഗ്രാഹകനില്ലാത്ത ആദ്യ സിനിമ എന്ന പ്രത്യേകതയും അംബിക സംവിധാനം ചെയ്യുന്ന ചിത്രത്തിനുണ്ട്. നടീനടന്മാര്തന്നെ ക്യാമറ പിടിക്കുന്ന "പോയിന്റ് ഓഫ് വ്യൂ" സമ്പ്രദായത്തിലാകും ചിത്രം ഒരുക്കുന്നത്. തമിഴിലും മലയാളത്തിലും പുറത്തിറങ്ങുന്ന ചിത്രത്തിന് "നിഴല്" എന്നാണ് പേര്. ഇന്ദുതമ്പിയും കിഷോറും ഉള്പ്പെടെ പുതുമുഖങ്ങള് അണിനിരക്കുന്ന ചിത്രത്തില് തമിഴ് നടന് അജിത്കുമാര് അതിഥിവേഷത്തിലെത്തും. തുടര്ന്നു വായിക്കുക
സംവിധാനം റെക്കോഡിനു വേണ്ടിയല്ല: ഗിന്നസ് പക്രു
കൊച്ചി: റെക്കോഡിനു വേണ്ടിയല്ല താന് സിനിമ സംവിധാനം ചെയ്തതെന്ന് ഗിന്നസ് പക്രു. പ്രേക്ഷകര് സിനിമ അംഗീകരിച്ചാല് അതാണ് വലിയ റെക്കോഡായി താന് കണക്കാക്കുന്നത്. ആദ്യമായി സംവിധാനം ചെയ്യുന്ന "കുട്ടീം കോലും" എന്ന സിനിമയുടെ റിലീസിങ്ങുമായി ബന്ധപ്പെട്ടു നടത്തിയ വാര്ത്താസമ്മേളനത്തില് സംസാരിക്കുകയായിരുന്നു ഗിന്നസ് പക്രു. ചെറുപ്പംതൊട്ടുള്ള ആഗ്രഹമാണ് സിനിമാ സംവിധായകനാവുക എന്നത്. നൂറോളം പേരെ ഏകോപിപ്പിച്ചു കൊണ്ടുപോവുക എന്നത് ശ്രമകരമായ ജോലിയാണ്. ഈ സിനിമയില് പ്രധാന വേഷം ചെയ്തതോടെ ജോലി ശരിക്കും ഇരട്ടിയായി. എന്നാല്, എല്ലാവരുടെയും സഹകരണത്തോടെ...
തുടര്ന്നു വായിക്കുകവീണ്ടും ഇന്നസെന്റ് ചിരി
അര്ബുദരോഗബാധിതനായതിനെത്തുടര്ന്ന് സിനിമയില്നിന്ന് ചെറിയ ഇടവേളയെടുത്ത നടന് ഇന്നസെന്റ് മടങ്ങിവരുന്നു. നിരവധി മികച്ച കഥാപാത്രങ്ങള് ഇന്നസെന്റിന് സമ്മാനിച്ച കുടുംബസിനിമകളുടെ സംവിധായകന് സത്യന് അന്തിക്കാടിന്റെ പുതിയ ചിത്രത്തിലാണ് ഇന്നസെന്റ് മടങ്ങിയെത്തുന്നത്. നഗരവാസികളുടെ കഥ പറയുന്ന ചിത്രത്തില് ഫഹദ്ഫാസിലാണ് നായകനാവുന്നത്. ജീവിതത്തെ കാര്യമായി എടുക്കാത്ത ചെറുപ്പക്കാരന്റെ റോളിലാണ് ഫഹദ് എത്തുന്നത്. തുടര്ന്നു വായിക്കുക
ദിലീപും അന്വര്റഷീദും ഒന്നിക്കുന്നു
മികച്ച കലാമൂല്യവും ജനപ്രീതിയും ആര്ജിച്ച സിനിമയ്ക്കുള്ള ദേശീയ അവാര്ഡ് നേടിയ "ഉസ്താദ് ഹോട്ടലി"നുശേഷം അന്വര്റഷീദ് സംവിധാനംചെയ്യുന്ന ചിത്രത്തില് ദിലീപ് നായകന്. ദിലീപിന്റെ നിരവധി ഹിറ്റുകള്ക്ക് തിരക്കഥയൊരുക്കിയ ബെന്നി പി നായരമ്പലമാണ് ഈ അന്വര്ചിത്രത്തിന് തിരക്കഥയൊരുക്കുന്നത്. അന്വറിന്റെ സൂപ്പര്ഹിറ്റുകളായ ഛോട്ടാ മുംബൈ, അണ്ണന്തമ്പി എന്നീ ചിത്രങ്ങളുടെ തിരക്കഥയൊരുക്കിയതും ബെന്നിയാണ്. പ്രേക്ഷകരെ രസിപ്പിക്കുന്ന മുഴുനീള കോമഡിച്ചിത്രമായിരിക്കും ഈ ടീം ഒരുക്കുക. ചിത്രത്തിന്റെ ഷൂട്ടിങ് ഉടന് തുടങ്ങും. തുടര്ന്നു വായിക്കുക
\"5\" ല് നായകന് ഇന്ദ്രജിത്
"101 ചോദ്യങ്ങള്" എന്ന സിനിമയിലൂടെ മികച്ച നവാഗതസംവിധായകനുള്ള ദേശീയഅവാര്ഡ് നേടിയ സിദ്ധാര്ഥ് ശിവയുടെ പുതിയ ചിത്രത്തിലും ഇന്ദ്രജിത് നായകനാകും. "101 ചോദ്യങ്ങള്" എന്ന ചിത്രത്തിലും ഇന്ദ്രനായിരുന്നു നായകന്. "5" എന്നാണ് സിനിമയ്ക്ക് പേരിട്ടിരിക്കുന്നത്. ഹിന്ദിയിലെ പ്രമുഖ താരം നാനാപടേക്കറും ഇന്ദ്രജിത്തിനോടൊപ്പം ഈ ചിത്രത്തില് പ്രധാനകഥാപാത്രത്തെ അവതരിപ്പിക്കുമെന്ന് സൂചനയുണ്ട്. "ആമേന്" എന്ന സിനിമയാണ് ഇന്ദ്രജിത്തിന്റേതായി ഒടുവില് തിയറ്ററുകളില് എത്തിയത്. ചിത്രത്തില് ഇന്ദ്രന്റെ പുരോഹിതന്റെ വേഷം ഏറെ ശ്രദ്ധ നേടിയിട്ടുണ്ട്. തുടര്ന്നു വായിക്കുക
മായാമോഹിനി ടീം വീണ്ടും
ബോക്സ്ഓഫീസില് തരംഗം സൃഷ്ടിച്ച മായാമോഹിനി ടീം വീണ്ടും ഒന്നിക്കുന്നു. ജനപ്രിയനടന് ദിലീപിനെ നായകനാക്കി ജോസ്തോമസ് സംവിധാനംചെയ്യുന്ന ചിത്രത്തിന് തിരക്കഥയൊരുക്കുന്നത് ഉദയ്കൃഷ്ണ-സിബി കെ തോമസാണ്. ആര് ജെ ക്രിയേഷന്സിന്റെ ബാനറില് ജയ്സണാണ് ഈ ചിത്രം നിര്മിക്കുന്നത്. മായാമോഹിനിപോലെ കുടുംബപ്രേക്ഷകര്ക്കും കുട്ടികള്ക്കും ആസ്വദിക്കാവുന്ന ചിത്രമായിരിക്കും ഈ ഹിറ്റ്ജോഡിയുടെ ലക്ഷ്യം. ദിലീപ് സ്ത്രീവേഷത്തിലെത്തിയ മായാമോഹിനി സൂപ്പര്ഹിറ്റായിരുന്നു. തുടര്ന്നു വായിക്കുക
അനൂപ്മേനോന് ഇരട്ടവേഷത്തില്
നടന്, തിരക്കഥാകൃത്ത്, ഗാനരചയിതാവ് എന്നീ റോളുകളില് തിളങ്ങിയ അനൂപ് മേനോന് ആദ്യമായി ഇരട്ടവേഷത്തില് അഭിനയിക്കുന്നു. വി കെ പ്രകാശ് സംവിധാനംചെയ്യുന്ന "ഗരുഡപുരാണം" എന്ന ചിത്രത്തിലാണ് അനൂപ് ഇരട്ടവേഷത്തിലെത്തുന്നത്. മോഹന്ലാല് നായകനായി എ വിന്സെന്റ് സംവിധാനംചെയ്ത മാന്ത്രികസിനിമയായ "ശ്രീകൃഷ്ണപ്പരുന്തി"ന്റെ രണ്ടാം ഭാഗമാണിതെന്ന് സൂചനയുണ്ട്. അര്ജുന് മോഹന്റെ കഥയ്ക്ക് പാര്ഥന്മോഹന് തിരക്കഥയൊരുക്കും. ഔസേപ്പച്ചനാണ് സംഗീതം. 1984ല് പുറത്തിറങ്ങിയ "ശ്രീകൃഷ്ണപ്പരുന്ത്" സൂപ്പര്ഹിറ്റായിരുന്നു. തുടര്ന്നു വായിക്കുക
പ്രതാപ് - സുരേഖ ജോടി വീണ്ടും
മലയാളത്തിലെ നിത്യഹരിത ചിത്രങ്ങളിലൊന്നായ "തകര"യിലൂടെ ശ്രദ്ധേയരായ പ്രതാപ്പോത്തന്-സുരേഖ ടീം വര്ഷങ്ങള്ക്ക് ശേഷം വീണ്ടും ഒന്നിക്കുന്നു. നവാഗതസംവിധായകന് അരുണ് സിത്താരയുടെ പുതിയ സിനിമയിലാണ് മൂന്നുപതിറ്റാണ്ടിന് ശേഷം ഇരുവരും ഒന്നിക്കുന്നത്. "പാരീസ് പയ്യന്" എന്ന് പേരിട്ട ചിത്രത്തില് പ്രതാപ്പോത്തന് മൂന്ന് വ്യത്യസ്ത രൂപഭാവങ്ങളിലാകും പ്രേക്ഷകര്ക്കു മുന്നിലെത്തുക. കാതല് സന്ധ്യ, നിഷാന്ത് സാഗര്, മണിക്കുട്ടന്, ശ്രീജിത്ത് രവി എന്നിവര് പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ ചിത്രീകരണം ഉടന് തുടങ്ങും. തുടര്ന്നു വായിക്കുക
സത്യന് ചിത്രത്തില് ഫഹദ്
മികച്ച കഥാപാത്രങ്ങളിലൂടെ ജനപ്രിയനായകനായ ഫഹദ് ഫാസില് സത്യന് അന്തിക്കാട് ചിത്രത്തില് നായകനാകുന്നു. "അറബിക്കഥ", "ഡയമണ്ട് നെക്ലേസ്" എന്നീ ഹിറ്റ് ചിത്രങ്ങളുടെ രചയിതാവായ ഇഖ്ബാല് കുറ്റിപ്പുറമാണ് സത്യന്-ഫഹദ് ചിത്രത്തിന്റെ തിരക്കഥയൊരുക്കുന്നത്. ചിത്രം മേയില് ഷൂട്ടിങ് തുടങ്ങും. ഇക്കുറിയും കുടുംബകഥയാകും സത്യന് പറയുകയെന്ന് സൂചനയുണ്ട്. ഫഹദ് ആദ്യമായിട്ടാണ് മുതിര്ന്ന സംവിധായകന്റെ ചിത്രത്തില് മുഖ്യകഥാപാത്രത്തെ അവതരിപ്പിക്കുന്നതെന്ന പ്രത്യേകതയുമുണ്ട്. തുടര്ന്നു വായിക്കുക
യുവാക്കളെ ചിരിപ്പിക്കാന് അഞ്ജലി
ഉസ്താദ് ഹോട്ടലിലൂടെ ദേശീയാംഗീകാരത്തിന്റെ തിളക്കത്തില് നില്ക്കുന്ന അഞ്ജലി മേനോന് പുതിയ ചിത്രത്തിന്റെ പണിപ്പുരയില്. യുവാക്കള്ക്കായി കോമഡി ചിത്രമാണ് അവര് ഒരുക്കുന്നത്. ചിത്രത്തിന്റെ പേരും താരങ്ങളും സംബന്ധിച്ച് അന്തിമരൂപമായിട്ടില്ലെങ്കിലും തിരക്കഥയുടെ അവസാന ഒരുക്കത്തിലാണ്. മഞ്ചാടിക്കുരുവിന് സംസ്ഥാന അംഗീകാരം കിട്ടിയതിനു പിന്നാലെ ഉസ്താദ് ഹോട്ടലിന്റെ സംഭാഷണം തയ്യാറാക്കിയതിന് ദേശീയാംഗീകാരവും അഞ്ജലിക്ക് ലഭിച്ചു. കോഴിക്കോട്ടുകാരിയായ അഞ്ജലി ഇപ്പോള് മുംബൈയിലാണ് സ്ഥിരതാമസം. തുടര്ന്നു വായിക്കുക
പുതുമകളുമായി \"ക്യൂ\"
അകാലത്തില് മലയാളികളെ വിട്ടുപിരിഞ്ഞ പ്രിയനടന് സൈനുദീന്റെയും ഹാസ്യതാരം ഹരിശ്രീ അശോകന്റെയും മക്കള് സിനിമയില് അരങ്ങേറുന്നു. മാഗ്നസ് എന്റര്ടെയ്ന്മെന്റിന്റെ ബാനറില് സക്കീര് മഠത്തില് സംവിധാനം ചെയ്യുന്ന "ക്യൂ" എന്ന ചിത്രത്തിലാണ് സൈനുദീന്റെ മകനായ സിനിലും അശോകന്റെ മകന് അര്ജുനും പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ഷൂട്ടിങ് മെയ് ആദ്യവാരം തുടങ്ങും. തുടര്ന്നു വായിക്കുക
ഓറോ ത്രിഡിയില് വിശ്വരൂപം 2
വിശ്വരൂപത്തിന്റെ ഉജ്വല വിജയത്തിനുശേഷം രണ്ടാംഭാഗം ഓറോ ത്രീഡിയില് ഇറങ്ങുന്നു. കാഴ്ചയ്ക്കൊപ്പം ശബ്ദത്തിലും ത്രീഡി ഇഫക്ടുള്ളതാണ് ഓറോ ത്രീഡി. സിനിമയുടെ പ്രാഥമിക ഘട്ടം തുടങ്ങിയെന്ന് കമല്ഹാസന് മുംബൈയില് പറഞ്ഞു. അമ്മയുടെയും മകന്റെയും വൈകാരിക ബന്ധത്തിലൂടെയാണ് വിശ്വരൂപം 2 കടന്നുപോകുന്നത്. വിവാദങ്ങളിലൂടെയും നിരോധനത്തിലൂടെയും കടന്നുപോയ വിശ്വരൂപം വന് ഹിറ്റായി മാറി. 95 കോടി ചെലവിട്ട് നിര്മിച്ച സിനിമ 220 കോടി കലക്ട് ചെയ്തു. തുടര്ന്നു വായിക്കുക
കശ്മീരിനെ പകര്ത്താന് സ്പില്ബര്ഗ്
വിഖ്യാത ചലച്ചിത്രകാരന് സ്റ്റീവന് സ്പീല്ബര്ഗ് കശ്മീര് താഴ്വര പ്രമേയമാക്കി സിനിമയെടുക്കുന്നു. ഇന്ത്യ- പാക് അതിര്ത്തിപ്രശ്നങ്ങളും സിനിമയ്ക്ക് വിഷയമാകും. തിരക്കഥയുടെ അന്തിമരൂപമായെങ്കിലും ചിത്രത്തിന്റെ പിന്നണിയിലുള്ളവരെയും താരങ്ങളെയും ലോക്കേഷനും നിശ്ചയിച്ചിട്ടില്ലെന്ന് സ്പീല്ബര്ഗ് മുംബൈയില് പറഞ്ഞു. റിലയന്സ് എന്ടെര്ടെയ്ന്മെന്റാണ് സഹനിര്മാതാക്കള്. ഒടുവിലത്തെ ചിത്രമായ ലിങ്കന്റെ വിജയം ആഘോഷിക്കാനാണ് സ്പീല്ബര്ഗ് മുംബൈയിലെത്തിയത്. ആഘോഷച്ചടങ്ങില് റിലയന്സ് ഉടമകളും അമിതാബ് ബച്ചനും പങ്കെടുത്തു. തുടര്ന്നു വായിക്കുക
റീമ കളരിപ്പയറ്റ് പഠിക്കുന്നു
അവാര്ഡ് തിളക്കത്തില്നിന്ന് റീമ കളരിപ്പയറ്റ് പഠിക്കുന്നു. രാജേഷ്നായര് സംവിധാനംചെയ്യുന്ന എസ്കേപ്പ് ഫ്രം ഉഗാണ്ട എന്ന സിനിമയിലെ ആക്ഷന് രംഗങ്ങള്ക്കുവേണ്ടിയാണ് റീമ ആയോധനകല അഭ്യസിക്കുന്നത്. കളരിപ്പയറ്റിനൊപ്പം മണിപ്പുരി ആയോധനകലയായ ചൗവും പരിശീലിക്കുന്നുണ്ട്. ഉഗാണ്ടയിലെ കലാപത്തിനിടയില്പ്പെട്ട മലയാളികുടുംബത്തിന്റെ കഥപറയുന്ന സിനിമയില് മൂന്നുവയസ്സുകാരിയുടെ അമ്മയുടെ റോളാണ് റീമയ്ക്ക്. തമിഴ്നടന് പാര്ഥിപനാണ് നായകന്. പൂര്ണമായും ആഫ്രിക്കയില് ചിത്രീകരിക്കുന്ന ആദ്യ മലയാളസിനിമകൂടിയാണിത്. തുടര്ന്നു വായിക്കുക
മധുവിനെ ആദരിച്ചു
ന്യൂഡല്ഹി: തന്നെ നടനാക്കി മാറ്റിയതില്&ാറമവെ;ഡല്ഹി വലിയ പങ്ക് വഹിച്ചിട്ടുണ്ടെന്ന് നടന് മധു. പത്മശ്രീ പുരസ്കാരം ലഭിച്ചതിനെ ത്തുടര്ന്ന് എന്എസ്എസ് ഡല്ഹി ഘടകം സംഘടിപ്പിച്ച സ്വീകരണത്തില് സംസാരിക്കുകയായിരുന്നു അദ്ദേഹം. നാഷണല് സ്കൂള് ഓഫ് ഡ്രാമയിലെ പഠനത്തിനിടെ ഡല്ഹിയിലെ മലയാളികള് സംഘടിപ്പിക്കുന്ന നാടകങ്ങളില് അഭിനയിച്ചിരുന്നത് മധു അനുസ്മരിച്ചു. ഡല്ഹിയില്നിന്നാണ് ചെമ്മീന്റെ സംവിധായകന് രാമു കാര്യാട്ടിനെ പരിചയപ്പെട്ടതും- അദ്ദേഹം പറഞ്ഞു. അഭിനയത്തില് മാത്രമല്ല സംവിധാനത്തിലും സിനിമയുടെ മറ്റു മേഖലകളിലും സംഭാവന...
തുടര്ന്നു വായിക്കുകഎന്റെ ക്ലാസിലെ ആ പെണ്കുട്ടി ഉടന്
ചുഴലിക്കാറ്റിന് ശേഷം ഗിരീഷ് കുന്നുമ്മല് സംവിധാനം ചെയ്യുന്ന എന്റെ ക്ലാസിലെ ആ പെണ്കുട്ടി എന്ന സിനിമയുടെ ചിത്രീകരണം അടുത്തമാസം ആദ്യം തുടങ്ങും. പൂജ നടന്നു. പുതുമുഖങ്ങളാണ് മുഖ്യവേഷത്തിലെത്തുന്നത്. വിജയരാഘവന്, നെടുമുടി വേണു, സിദ്ദിഖ്, സുരാജ് വെഞ്ഞാറമൂട്, ശാരി, അംബിക എന്നിവരും അഭിനയിക്കുന്നു. ഗാനരചന: വയലാര് ശരത്ചന്ദ്രവര്മ, ഡോ. ജിനേഷ്കുമാര് എരമം. സംഗീതം അലക്സ് പോള്. ക്യാമറ ആനന്ദക്കുട്ടന്. ശ്രീമൂകാംബിക കമ്യൂണിക്കേഷന്സാണ് നിര്മാണം. തുടര്ന്നു വായിക്കുക
ഷാജി എന് കരുണിന്റെ സ്വപാനം ഉടന്
ചെണ്ടക്കാരന്റെ ജീവിതത്തിലൂടെ സഞ്ചരിക്കുന്ന ഷാജി എന് കരുണിന്റെ പുതിയ ചിത്രത്തിന് സ്വപാനം എന്നു പേരിട്ടു. ജയറാമാണ് ചെണ്ടക്കാരനായി വേഷമിടുന്നത്. പാലക്കാട്ടും പരിസരങ്ങളിലുമായി മെയ് ആദ്യവാരം ചിത്രീകരണം തുടങ്ങും. ടി പത്മനാഭന്റെ കടല് എന്ന കഥയെ അടിസ്ഥാനമാക്കി ഗാഥ എന്ന പേരിലുള്ള സിനിമയും ഷാജി സംവിധാനം ചെയ്യുന്നുണ്ട്. അതിന്റെ പ്രവര്ത്തനം സ്വപാനത്തിനു ശേഷം തുടങ്ങും. ഒടുവില് പുറത്തിറങ്ങിയ മമ്മൂട്ടി നായകനായ ഷാജിയുടെ കുട്ടിസ്രാങ്ക് രാജ്യാന്തരതലത്തില് തന്നെ ഏറെ ശ്രദ്ധിക്കപ്പെട്ടതാണ്. തുടര്ന്നു വായിക്കുക
വരുന്നു... \"കൂതറ\"
ബോക്സ്ഓഫീസില് ആകസ്മിക വിജയം കൊയ്ത "സെക്കന്ഡ് ഷോ"യുടെ സംവിധായകന് ശ്രീനാഥ് രാജേന്ദ്രന് പുതിയ ചിത്രവുമായി എത്തുന്നു. വിനീത് ശ്രീനിവാസന്, ആസിഫ് അലി, സണ്ണിവെയ്ന് എന്നിവര് പ്രധാനകഥാപാത്രങ്ങളെ അവതരിപ്പിക്കുന്ന സിനിമയുടെ പേര് "കൂതറ". ലക്ഷദ്വീപിലാണ് പ്രധാനഭാഗങ്ങള് ചിത്രീകരിക്കുന്നത്. വിനി വിശ്വലാലാണ് തിരക്കഥയൊരുക്കുന്നത്. ദുല്ക്കര്സല്മാന് നായകനായ സെക്കന്ഡ്ഷോ ഹിറ്റ്ചാര്ട്ടില് ഇടം പിടിച്ചിരുന്നു. തുടര്ന്നു വായിക്കുക
മമ്മൂട്ടി ജര്മന് റിട്ടേണ്സ്
രഞ്ജിത്തിന്റെ പുതിയ സിനിമയില് മമ്മൂട്ടി ജര്മനിയില്നിന്ന് സ്വദേശത്തേക്ക് മടങ്ങുന്ന മധ്യവയസ്കനാകുന്നു. നാട്ടിലും വിദേശത്തുമായി ചിത്രത്തിന്റെ ഷൂട്ടിങ് ഉടന് ആരംഭിക്കും. ആര് ഉണ്ണിയുടെ കഥയെ അടിസ്ഥാനമാക്കി ഒരുക്കാനിരുന്ന "ലീല" ഉപേക്ഷിച്ചാണ് രഞ്ജിത് പുതിയ സിനിമയുടെ പണിപ്പുരയിലേക്ക് കടക്കുന്നത്. പ്രാഞ്ചിയേട്ടന് ശൈലിയില് നര്മവും സാമൂഹ്യവിമര്ശവും ഇടകലര്ത്തിയാണ് രഞ്ജിത് പുതിയ സിനിമ ഒരുക്കുന്നത്. ലാല്ജോസ് സംവിധാനംചെയ്ത "ഇമ്മാനുവല്" എന്ന സിനിമയാണ് മമ്മൂട്ടിയുടേതായി ഇനി തിയറ്ററുകളിലെത്തുക. തുടര്ന്നു വായിക്കുക
തബു വീണ്ടും മലയാളത്തില്
ദേശീയ അവാര്ഡ് ജേത്രി തബു വീണ്ടും മലയാളത്തില്. വര്ഷങ്ങള്നീണ്ട ഇടവേളയ്ക്കുശേഷമാണ് തബു വീണ്ടും മലയാളത്തിലെത്തുന്നത്. അനൂപ് മേനോന് തിരക്കഥയൊരുക്കുന്ന "ആംഗ്രി ബേഡ്സ്" എന്ന സിനിമയിലൂടെയാണ് തബു വീണ്ടും മലയാളത്തിലെത്തുന്നത്. "കാലാപാനി"യിലൂടെയാണ് അവര് മലയാളത്തില് അരങ്ങേറ്റംകുറിച്ചത്. 2000ല് പുറത്തിറങ്ങിയ "കവര് സ്റ്റോറി"യിലും അഭിനയിച്ചു. മംമ്ത, ഭാവന, റീമാകല്ലിങ്കല് എന്നിവരും ചിത്രത്തിലുണ്ട്. തുടര്ന്നു വായിക്കുക
നാനാ പടേക്കര് ചങ്ങമ്പുഴയാകുന്നു
പ്രമുഖ ഹിന്ദിനടന് നാനാ പടേക്കര് ചങ്ങമ്പുഴയായി മലയാളത്തില് അരങ്ങേറ്റം കുറിക്കും. പ്രമുഖ തിരക്കഥാകൃത്ത് ബല്റാം മട്ടന്നൂര് ആദ്യമായി സംവിധാനംചെയ്യുന്ന സിനിമയിലാണ് നാനാ പാടേക്കര് ചങ്ങമ്പുഴ കൃഷ്ണപിള്ളയാകുന്നത്. ചങ്ങമ്പുഴയുടെ ജീവിതകഥ പറയുന്ന സിനിമയില് എട്ട് നായികമാരുണ്ടാകും. മൂന്ന് ദേശീയ പുരസ്കാരങ്ങള് നേടിയ നടനാണ് നാനാ പടേക്കര്. ജയരാജിന്റെ "കളിയാട്ടം" വി കെ പ്രകാശിന്റെ "കര്മയോഗി" എന്നീ സിനിമകളുടെ തിരക്കഥാകൃത്താണ് ബല്റാം മട്ടന്നൂര്. പ്രിയനന്ദനന് സംവിധാനംചെയ്യുന്ന "അരികിലുണ്ടായിരുന്നെങ്കില്" എന്ന സിനിമയില് യുവനടന് ഫഹദ്ഫാസിലും...
തുടര്ന്നു വായിക്കുകനിവിന് പോളി തമിഴില്
മലയാളത്തിലെ ശ്രദ്ധേയനായ യുവതാരം നിവിന്പോളി തമിഴില്. അല്ഫോണ്സ് പുത്രന് സംവിധാനംചെയ്യുന്ന പുതിയ ചിത്രമായ നേരത്തിലൂടെയാണ് പോളി തമിഴില് അരങ്ങേറുന്നത്. വിനീത് ശ്രീനിവാസന്റെ "തട്ടത്തിന് മറയത്ത്" എന്ന ചിത്രത്തിലൂടെയാണ് പോളി മലയാളത്തില് ചുവടുറപ്പിച്ചത്. തുടര്ന്ന് നിരവധി ശ്രദ്ധേയമായ കഥാപാത്രങ്ങള് അദ്ദേഹത്തിന് ലഭിച്ചിരുന്നു. "പളുങ്ക്" എന്ന ചിത്രത്തില് മമ്മൂട്ടിയുടെ മകളായി അഭിനയിച്ച നസ്റിയ നസ്റിനാണ് നേരത്തില് നിവിന്പോളിയുടെ നായികയാവുന്നത്. തുടര്ന്നു വായിക്കുക
മുന്നാഭായ് വീണ്ടും എത്തുന്നു
മുന്നാഭായിയെ വീണ്ടും കാണാന് കാത്തിരിക്കുന്നവര്ക്ക് സന്തോഷ വാര്ത്ത. മുന്നാഭായ് വീണ്ടുമെത്തുന്നു. മുന്നാഭായ് പരമ്പരയിലെ മൂന്നാമത് ചിത്രം- "മുന്നാഭായ് ചലേ ഡല്ഹി" ഉടന് ഷൂട്ടിങ് തുടങ്ങും. സഞ്ജയ്ദത്ത് തന്നെയാണ് മുന്നാഭായിയാകുന്നത്. കൂട്ടിന് അര്ഷദ് വാഴ്സിയുമുണ്ടാകും. എന്നാല്, "മുന്നാഭായ് എംബിബിഎസും" "ലഗേ രഹേ മുന്നാഭായി"യും ഒരുക്കിയ രാജ്കുമാര് ഹിറാനിയല്ല മൂന്നാംഭാഗം സംവിധാനംചെയ്യുന്നത്. പകരം സുഭാഷ്കപൂറായിരിക്കും "മുന്നാഭായ് ചലേ ഡല്ഹി" ഒരുക്കുന്നത്. മറ്റു താരങ്ങളെ നിശ്ചയിച്ചിട്ടില്ല. തുടര്ന്നു വായിക്കുക
വരുന്നു... വെടിവഴിപാട്
നടന് മുരളീഗോപിയും സംവിധായകന് അരുണ്കുമാര് അരവിന്ദും നിര്മാതാക്കളാവുന്നു. കൊല്ക്കത്തയിലെ സത്യജിത്റായ് ഫിലിം ഇന്സ്റ്റിറ്റ്യൂട്ട് ബിരുദധാരി ശംഭുലക്ഷ്മി പുരുഷോത്തമന് ഒരുക്കുന്ന "വെടിവഴിപാട്" എന്ന സിനിമയാണ് ഇരുവരും നിര്മിക്കുന്നത്. ആറ്റുകാല് പൊങ്കാലയുടെ പശ്ചാത്തലത്തില് നടക്കുന്ന മുഴുനീള കോമഡി ചിത്രമാണിത്. മുരളീഗോപി, ഇന്ദ്രജിത്ത്, മൈഥിലി, സൈജുകുറുപ്പ് എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്. ഓണത്തിന് റിലീസ് ചെയ്യും. ചിത്രത്തിനായി ആറ്റുകാല് പൊങ്കാലയുടെ ദൃശ്യങ്ങള് പകര്ത്തി. തുടര്ന്നു വായിക്കുക
ആഷിക്കിന്റെ \"കൊടുങ്കാറ്റി\"ല് മോഹന്ലാല്
യുവസംവിധായകരില് പ്രമുഖനായ ആഷിക്അബുവും സൂപ്പര്സ്റ്റാര് മോഹന്ലാലും ഒന്നിക്കുന്നതായി റിപ്പോര്ട്ട്. "കൊടുങ്കാറ്റ്" എന്ന് പേരിട്ടിരിക്കുന്ന ചിത്രത്തിനായി ഇരുവരും ഒന്നിക്കുമെന്നാണ് സൂചന. ശ്യാം പുഷ്കരനാണ് ചിത്രത്തിന്റെ രചന നിര്വഹിക്കുന്നത്. അഞ്ചുസുന്ദരികള് എന്ന ചലചിത്രപരമ്പരയില് കാവ്യാമാധവനും ബിജുമേനോനും ഒന്നിക്കുന്ന ചിത്രം ഒരുക്കുന്ന തിരക്കിലാണ് ആഷിക്. ഇതിന് ശേഷമാവും കൊടുങ്കാറ്റ് തുടങ്ങുക. മമ്മൂട്ടി നായകനാവുന്ന ആഷിക് ചിത്രം "ഗ്യാങ്സ്റ്റര്" ഉടന് തുടങ്ങുമെന്ന് നേരത്തെ അറിയിച്ചിരുന്നു. തുടര്ന്നു വായിക്കുക
ഒരു ലോക്കല് കോളില് തുടക്കം
ബംഗളൂരില് സ്കൂളില് പഠിക്കുമ്പോള് സിനിമ റിലീസ് ചെയ്താല് മൂന്നുനാള്ക്കകം തിയറ്ററില് പോയി കണ്ടിരുന്ന കുട്ടിയാണ് പ്രിയ പിള്ള, പരീക്ഷയാണെങ്കില് പോലും. ഹരിയാന സോണിപത്തില് ജനിച്ച് ബംഗളൂരില് സ്ഥിരതാമസമാക്കിയ പ്രിയ ഇന്ന് വ്യാവസായിക ഗ്യാസ് വിതരണം ചെയ്യുന്ന പീനിയ കമ്പനിയുടെ ഉടമകളില് ഒരാളാണ്. കര്ണാടകത്തില് ഏഴ് ബ്രാഞ്ചുള്ള പീനിയ ഇന്ഡസ്ട്രിയല് ഗ്യാസ് കമ്പനിയിലെ ബിസിനസ് തിരക്കുകളില് നിന്ന് മലയാള സിനിമാ നിര്മാണമേഖലയിലേക്ക് ചുവടുവയ്ക്കുകയാണ്. 22നു തിയറ്ററില് എത്തുന്ന "10.30 എ എം ലോക്കല് കോള്" എന്ന ചിത്രം സ്വന്തം...
തുടര്ന്നു വായിക്കുകഇ എം എസും പെണ്കുട്ടിയും: ചിത്രീകരണം അമേരിക്കയില്
ചിത്രീകരണം പുരോഗമിക്കുന്ന ഇ എം എസും പെണ്കുട്ടിയും എന്ന സിനിമയുടെ രണ്ടാം ഷെഡ്യൂള് അമേരിക്കയില്. ആദ്യഭാഗം ശ്രീലങ്കയിലാണ് ചിത്രീകരിച്ചത്. ബന്യാമിന്റെ ഇതേ പേരിലുള്ള ചെറുകഥയില് നിന്നും ആശയം സ്വീകരിച്ച് എം ജെ മുഹമ്മദുഷെഫീറാണ് തിരക്കഥയൊരുക്കിയത്. നവാഗതനായ റഫീഖ് റാവുത്തറാണ് സംവിധാനം. നരേന്, ശ്രീനിവാസന്, ഇന്നസെന്റ്, കനിഹ തുടങ്ങിയവരാണ് അഭിനേതാക്കള്. അമേരിക്കയിലേക്ക് കുടിയേറിയ ഇന്ത്യക്കാരന്റെയും ശ്രീലങ്കക്കാരന്റെയും കഥയാണ് സിനിമ പറയുന്നത്. തുടര്ന്നു വായിക്കുക
രഞ്ജിത്-മോഹന്ലാല് ടീം വീണ്ടും
സൂപ്പര്ഹിറ്റ് ചിത്രങ്ങളിലൂടെ മലയാളികളുടെ മനസ്സ് കീഴടക്കിയ രഞ്ജിത്- മോഹന്ലാല് ടീം വീണ്ടും. "പ്ലാന്റര് അവറാച്ചന്" എന്ന് പേരിട്ടിരിക്കുന്ന ചിത്രം രഞ്ജിത്- മമ്മൂട്ടി ടീമിന്റെ "ലീല"യ്ക്കുശേഷം തുടങ്ങുമെന്നാണ് സൂചന. രഞ്ജിത് രചനയും സംവിധാനവും നിര്വഹിക്കുന്ന ചിത്രം ക്യാപിറ്റോള് തിയറ്റേഴ്സിന്റെ ബാനറില് അദ്ദേഹംതന്നെയാണ് നിര്മിക്കുന്നത്. രഞ്ജിത്- ലാല് ടീമിന്റേതായി ഒടുവില് പുറത്തിറങ്ങിയ "സ്പിരിറ്റ്" ബോക്സ് ഓഫീസില് തരംഗം സൃഷ്ടിച്ചിരുന്നു. തുടര്ന്നു വായിക്കുക
ഇനി കമല്ഹാസന്റെ "മൂ"
ചരിത്രം സൃഷ്ടിച്ച വിശ്വരൂപത്തിനുശേഷം പുതിയ ചിത്രവുമായി കമല്ഹാസന് എത്തുന്നു. "മൂ" എന്നാണ് തന്റെ പുതിയ ചിത്രത്തിന്റെ പേരെന്നും വിശ്വരൂപം രണ്ടാംഭാഗത്തിനുമുമ്പ് ഈ ചിത്രം റിലീസാകുമെന്നും സ്വകാര്യചാനലിനു നല്കിയ അഭിമുഖത്തില് കമല് പറഞ്ഞു. തമിഴില് മൂന്ന് എന്ന് അര്ഥം വരുന്ന "മൂ" പേര് സൂചിപ്പിക്കുന്നതുപോലെ മൂന്നുപേരുടെ കഥയാണ് പറയുന്നത്. കമല്തന്നെ മൂന്നു കഥാപാത്രങ്ങളെയും അവതരിപ്പിക്കുമെന്നാണ് സൂചന. വിവാദക്കാറ്റുയര്ത്തിയ "വിശ്വരൂപ"ത്തിന് ലോകമുടനീളം മികച്ച പ്രതികരണമാണ് ലഭിക്കുന്നത്. നിരൂപകപ്രശംസയും ചിത്രത്തിന്...
തുടര്ന്നു വായിക്കുകചങ്ങമ്പുഴയുടെ ജീവിതം സിനിമയാകുന്നു
കൊച്ചി: കവി ചങ്ങമ്പുഴ കൃഷ്ണപിള്ളയുടെ ജീവിതം അടിസ്ഥാനമാക്കി "രമണം" എന്ന പേരില് സിനിമയൊരുക്കുമെന്ന് തിരക്കഥാകൃത്ത് മട്ടന്നൂര് ബല്റാം വാര്ത്താസമ്മേളനത്തില് പറഞ്ഞു. ചങ്ങമ്പുഴയായി നാനാ പടേക്കറെ അവതരിപ്പിക്കാനാണ് ശ്രമം.അല്ലെങ്കില് പുതുമുഖം ചങ്ങമ്പുഴയുടെ വേഷത്തിലെത്തും. 1.80 കോടി രൂപയാണ് നിര്മാണച്ചെലവ് പ്രതീക്ഷിക്കുന്നത്. സുഹൃത്തുക്കള് 60 ലക്ഷത്തോളം രൂപ സ്വരൂപിച്ചിട്ടുണ്ട്. ബാക്കി തുക കണ്ടെത്താന് മറ്റുള്ളവരുടെ സഹായം തേടും. നിര്മാണത്തിന് സഹായം നല്കണമെന്നാവശ്യപ്പെട്ട് മുഖ്യമന്ത്രിക്ക് കത്ത് നല്കിയിട്ടുണ്ട്. ഏപ്രിലില്...
തുടര്ന്നു വായിക്കുക