29 February Saturday

ഷവോമിയോട്‌ ബൈ പറഞ്ഞ്‌ ‘പോകോ’

വെബ് ഡെസ്‌ക്‌Updated: Tuesday Jan 21, 2020

പ്രമുഖ സ്‌മാർട്ട്‌ ഫോൺ കമ്പനിയായ പോകോ ഇനി ഷവോമിയുടെ വിലാസത്തിലാകില്ല അറിയപ്പെടുക.   മാതൃസ്ഥാപനമായ ഷവോമിയിൽനിന്നു മാറി പോകോ സ്വതന്ത്രസ്ഥാപനമായി നിലനിൽക്കും. ഷവോമിയുടെ ഇന്ത്യൻ മാനേജരായ മനുകുമാർ ജെയിൻ ട്വിറ്റർ അക്കൗണ്ടിലൂടെയാണ്‌ വെള്ളിയാഴ്‌ച ഇക്കാര്യം അറിയിച്ചത്‌.

പോകോ ഇന്ത്യയിൽ വ്യത്യസ്ത ബ്രാൻഡായി തുടരും. ഷവോമിയുമായി ഒരു ബന്ധവും ഉണ്ടാകില്ലെന്നാണ്‌ അറിയിപ്പ്‌. എന്നാൽ, പോകോ ഫോൺ എന്ന്‌ ആഗോളതലത്തിൽ അറിയപ്പെടുന്ന കമ്പനി മറ്റു രാജ്യങ്ങളിൽ ഷവോമിയിൽ തുടരുമോ എന്നത്‌ വ്യക്തമല്ല. പോകോ ഇന്ത്യയുടെ ഔദ്യോഗിക ട്വിറ്റർ അക്കൗണ്ടിൽ ഇതിനെക്കുറിച്ചുള്ള വിവരമൊന്നും പുറത്തുവിട്ടിട്ടില്ല.

മുമ്പ്‌ ഓപ്പോയുടെ ഭാഗമായിരുന്ന റിയൽമീയും പിന്നീട്‌ സ്വതന്ത്രസ്ഥാപനമായെങ്കിലും വിഭവങ്ങൾക്കായി  ഓപ്പോയെ ആശ്രയിക്കുന്നുണ്ട്‌. പോകോയും അതുപോലെ തുടരുമെന്നാണ്‌ ടെക്‌ലോകം കരുതുന്നത്‌. 


പ്രധാന വാർത്തകൾ
 Top