ഒരടിയില്‍ പിഎസ്ജി വീണു; ഞെട്ടിച്ച് ബൊട്ടഫോഗോ

Botafogo
വെബ് ഡെസ്ക്

Published on Jun 20, 2025, 08:36 AM | 1 min read

കാലിഫോർണിയ: ബ്രസീലിയൻ കരുത്തിന് മുന്നിൽ യൂറോപ്പ്‌ അടക്കിവാണെത്തിയ പിഎസ്‌ജി മുട്ടുകുത്തി. ഫിഫ ക്ലബ് ഫുട്ബോൾ ലോകകപ്പിൽ ചാമ്പ്യൻസ്‌ ലീഗ്‌ ജേതാക്കളെ മറുപടിയില്ലാത്ത ഒരു ​ഗോളിനാണ് ലാറ്റിനമേരിക്കൻ ചാമ്പ്യൻമാരായ ബൊട്ടഫോഗോ വീഴ്ത്തിയത്. 36-ാം മിനിറ്റിൽ ബ്രസീൽ താരം ഇഗോർ ജീസസാണ് ടീമിനായി ​ഗോൾ നേടിയത്.


ചാമ്പ്യൻസ് ലീ​ഗ് ജയത്തിന് പിന്നാലെ ക്ലബ് ലോകകപ്പിലെ ആദ്യ കളയിൽ അത്‌ലറ്റികോ മാഡ്രിഡിനെ നാല്‌ ഗോളിന്‌ തരിപ്പണമാക്കിയ പിഎസ്ജിക്ക് ബോട്ടാഫെഗോയുടെ മുന്നിൽ പിഴച്ചു. പന്തടക്കം കൊണ്ടും പാസുകൊണ്ടും പിഎസ്ജി കളം നിറഞ്ഞെങ്കിലും ​ഗോൾ മാത്രം കണ്ടെത്താനായില്ല. കളിയുടെ തുടക്കം മുതൽ പിഎസ്ജിയുടെ കാലുകളിലായിരുന്നു പന്ത്. തുടക്കത്തിൽ തന്നെ കവീച്ച കവറാസ്കേലി മികച്ച മുന്നേറ്റങ്ങൾ നടത്തി.





എന്നാൽ ആദ്യ പകുതിയിൽ ലഭിച്ച അവസരം ബൊട്ടഫോഗോ ലക്ഷ്യത്തിലെത്തിക്കുകയായിരുന്നു. ​ഗ്രൗണ്ടിന്റെ പകുതിയിൽ നിന്ന് ലഭിച്ച പാസുമായി മുന്നേറിയ ഇഗോർ ജീസസ് പിഎസ്ജിയുടെ രണ്ട് മുന്നേറ്റക്കാരെ കബളിപ്പിച്ചാണ് ​ഗോൾ നേടിയത്. വലയിലെത്തിയ പന്ത് നോക്കി നിൽക്കാനെ ഇറ്റാലിയൻ ​ഗോൾകീപ്പർ ജിയാൻല്യൂജി ദൊന്നരുമ്മയ്ക്ക് കഴിഞ്ഞുള്ളൂ.


ജയത്തോടെ ​ഗ്രൂപ്പ് ബിയിൽ ആറു പോയന്റുമായി ബോട്ടാഫെഗോ ഒന്നാമതെത്തി. ആദ്യ കളിയിൽ അമേരിക്കൻ ക്ലബ്ബായ സിയാറ്റിൽ സൗണ്ടേഴ്‌സിനെ ബൊട്ടഫോഗോ 2–1നാണ് തോൽപ്പിച്ചത്.




deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home