ഇന്ത്യയിൽ ‘ഗോട്ട് ’ ടൂർ, ലയണൽ മെസി വരും

messi
വെബ് ഡെസ്ക്

Published on Oct 02, 2025, 03:15 PM | 1 min read

കൊൽക്കത്ത: അർജന്റീന ഫുട്‌ബോൾ ക്യാപ്‌റ്റൻ ലയണൽ മെസി ഡിസംബറിൽ ഇന്ത്യയിൽ എത്തുന്നു. മെസിയും അർജന്റീനയും കേരളത്തിൽ കളിക്കാൻ എത്തുന്നതിന് പിന്നാലെ സെലിബ്രിറ്റി ഫുട്‌ബോൾ ലീഗ്‌ കളിക്കാനാണ്‌ സൂപ്പർതാരത്തിന്റെ വരുന്നത്.


‘ഗോട്ട് ടൂർ ഓഫ് ഇന്ത്യ’ സന്ദർശനത്തിന് എത്തുന്ന വിവരം മെസി ഔദ്യോ​ഗികമായി അറിയിച്ചു. 14 വർഷം മുമ്പ് എത്തിയ രാജ്യത്ത് വീണ്ടും സന്ദർശിക്കാൻ കഴിയുന്നത് ബഹുമതിയാണെന്ന് മെസി ഔദ്യോഗിക പ്രസ്താവനയിൽ പറഞ്ഞു. ഇങ്ങനെയൊരു യാത്ര ബഹുമതിയാണെന്നും ഫുട്ബാളിനെ ആവേ​ശത്തോടെ കാണുന്ന ഇന്ത്യയിലെ പുതിയ തലമുറയിലെ ആരാധകരെ കാണാൻ ആ​ഗ്രഹിക്കുെന്നെന്നും അദ്ദേഹം പറഞ്ഞു. നേരത്തെ ഡിസംബറിൽ മെസി ഇന്ത്യയിലെത്തുമെന്ന് റി​പ്പോർട്ടുകൾ വന്നിരുന്നു​വെങ്കിലും താരത്തിന്റെ ഔദ്യോകിക പ്രസ്ഥാവന കൂടി എത്തിയതോടെ ആരാധകർ ആവേശത്തിലായി.


ക്രിക്കറ്റ്‌, സിനിമാ താരങ്ങൾ ഉൾപ്പെട്ട സെവൻസ്‌ ഫുട്‌ബോളിൽ മെസി ഭാഗമാകും. കൊൽക്കത്ത, മുംബൈ, ഡൽഹി എന്നീ നഗരങ്ങളിൽ കളിക്കും. 2011 സെപ്റ്റംബറിൽ കൊൽക്കത്തയിലെ സോൾട്ട്‌ലേക് സ്റ്റേഡിയത്തിൽ നടന്ന അർജന്റീന– വെനസ്വേല സൗഹൃദ ഫുട്ബോൾ മത്സരം കളിക്കാനാണ് മെസി നേരത്തെ ഇന്ത്യയിലെത്തിയത്.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home