കൊല്ലം സ്വദേശി സൊഹാറിൽ അന്തരിച്ചു

മസ്‌കത്ത്: കൊല്ലം സ്വദേശി ഹൃദയാഘാതത്തെത്തുടർന്ന് അന്തരിച്ചു. കൊല്ലം ഓച്ചിറ തെക്കേ കൊച്ചുമുറി സ്വദേശി അബ്ദുറഹ്മാൻ കുഞ്ഞു മകൻ നിസാറുദ്ധീനാണ് (58) സൊഹാറിലെ സ്വകാര്യ ആശുപത്രിയിൽ അന്തരിച്ചത്. ഒമാനിലെ പ്രമുഖ ബിസിനസ് ഗ്രൂപ്പായ അൽ തായിൽ ഗ്രൂപ്പിന്റെ സൊഹാർ ഡിവിഷനിലാണ് ജോലി ചെയ്തിരുന്നത്. ശാരീരിക അസ്വസ്ഥതകളെത്തുടർന്ന് ആശുപത്രിയിൽ എത്തിച്ചെങ്കിലും മരണം സംഭവിച്ചു.

മാതാവ്: ഖദീജ ബീവി. ഭാര്യ: ഷീജ മകൾ: ഷെറീന. സഹോദരങ്ങൾ: മുഹമ്മദ് കുഞ്ഞ്, അബ്ദുൽ നാസർ, റംല, ആസാദ് കുഞ്ഞ്, ജമീല, ഫാത്തിമ. ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടി ക്രമങ്ങൾക്ക് ശേഷം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു