യുഎഇയുടെ 249–ാമത് വാഹനവ്യൂഹം ഗാസയിൽ

ഷാർജ: ഗാസയെ പിന്തുണയ്ക്കാനുള്ള ഓപ്പറേഷൻ ചിവാലറസ് നൈറ്റ് മൂന്നിന്റെ ഭാഗമായി യുഎഇയുടെ 249–ാമത് മാനുഷിക സഹായ വാഹനവ്യൂഹം ഗാസയിലെത്തി. 195 ടണ്ണിലധികം ഷെൽട്ടർ സാമഗ്രികളും സാധനങ്ങളുമാണ് വാഹനത്തിൽ ഉണ്ടായിരുന്നത്.

ഗാസ മുനമ്പിലെ ജനങ്ങളെ സഹായിക്കാൻ കര, കടൽ മാർഗങ്ങളിലൂടെയുള്ള പിന്തുണയുടെ ഭാഗമായാണ് വാഹനവ്യൂഹം എത്തിയത്. ഭക്ഷണം, മരുന്ന്, വിവിധ ദുരിതാശ്വാസ സാമഗ്രികൾ എന്നിവ വിതരണം ചെയ്തതിനുപുറമേ, ദുരിതബാധിത കുടുംബങ്ങൾക്കായി 20,000ൽ അധികം ടെന്റുകളും യുഎഇ കൈമാറി.