ഗാസയ്ക്കായി വീണ്ടും യുഎഇ സഹായം

ദുബായ്: ഇസ്രയേൽ ആക്രമണത്തിൽ ദുരിതത്തിലായ ഗാസയ്ക്ക് വീണ്ടും സഹായവുമായി യുഎഇ. രാജ്യത്തിന്റെ തുടർച്ചയായ മാനുഷിക പ്രവർത്തനങ്ങളുടെ ഭാഗമായി, ദുബായിലെ ഹംരിയ തുറമുഖത്തു നിന്ന് ഈജിപ്തിലെ അൽ അരിഷിലേക്ക് സായിദ് ഹ്യൂമാനിറ്റേറിയൻ ഷിപ്പ് 7 യാത്ര തിരിച്ചു.

റംസാൻ മാസത്തോടനുബന്ധിച്ച് ഗാസയിലെ പലസ്‌തീൻ ജനതയെ പിന്തുണയ്ക്കുകയെന്ന ലക്ഷ്യത്തോടെയുള്ള ഓപ്പറേഷൻ ചിവൽറസ് നൈറ്റ് മുന്നിന്റെ ഭാഗമാണ് സംരംഭം. കഠിനമായ മാനുഷിക സാഹചര്യങ്ങളിൽ പലസ്തീൻ ജനതയുടെ ദുരിതം ലഘൂകരി ക്കാൻ സഹായിക്കുന്നതിനായി ഭക്ഷണസാധനങ്ങൾ, മരുന്നുകൾ, മെഡിക്കൽ ഉപകരണങ്ങൾ, പാർപ്പിട സാമഗ്രികൾ എന്നിവയുൾപ്പെടെ 5820 ടൺ മാനുഷിക സഹായമാണ് കപ്പലിലുള്ളത്.