പാലക്കാട് പ്രവാസി അസോസിയേഷൻ കുവൈത്ത് കേന്ദ്ര ഭാരവാഹികളെ തിരഞ്ഞെടുത്തു

കുവൈത്ത് സിറ്റി : പാലക്കാട് പ്രവാസി അസോസിയേഷൻ ഓഫ് കുവൈത്ത് - പൽപക് 2025 വർഷത്തിലെ കേന്ദ്ര കമ്മിറ്റി ഭാരവാഹികളെ തിരഞ്ഞെടുത്തു. പ്രസിഡന്റ്- രാജേഷ് പരിയാരത്ത്, ജനറൽ സെക്രട്ടറി - സുരേഷ് മാധവൻ , ട്രഷറർ - മനോജ് പരിയാനി. മംഗഫ് മെമ്മറീസ് ഓഡിറ്റോറിയത്തിൽ വച്ച് സംഘടിപിച്ച വാർഷിക സമ്മേളനത്തിൽ പൽപക് പ്രസിഡന്റെ് സക്കീർ ഹുസൈൻ അധ്യക്ഷനായി. ജനറൽ സെക്രട്ടറി പ്രേംരാജ് 2024 വർഷത്തെ പ്രവർത്തന റിപ്പോർട്ടും ട്രഷറർ രാജേഷ് ബാലഗോപാലൻ സാമ്പത്തിക റിപ്പോർട്ടും അവതരിപ്പിച്ചു. തുടർന്ന് 2025 വർഷത്തേക്കുള്ള കേന്ദ്രഭാരവാഹികളുടെ പൊതുതിരഞ്ഞെടുപ്പും നടന്നു. പ്രസിഡന്റ് രാജേഷ് പരിയാരത്ത്, ജനറൽ സെക്രട്ടറി സുരേഷ് മാധവൻ, ട്രഷറർ മനോജ് പരിയാനി, വൈസ് പ്രസിഡന്റ് രാജേഷ് ബാലഗോപാലൻ, ജോയിന്റ് സെക്രട്ടറി സി പി ബിജു, സാമൂഹ്യ വിഭാഗം സെക്രട്ടറി ജിജു മാത്യു, ആട്‌സ് സെക്രട്ടറി ജിത്തു എസ് നായർ, മീഡിയാ സെക്രട്ടറി സന്ദീപ് സുകുമാരൻ, സ്‌പോട്‌സ് സെക്രട്ടറി സന്തോഷ് കുമാർ എന്നിവരെ യോഗം തെരഞ്ഞെടുത്തു.

കൂടാതെ വനിതാവേദി ജനറൽ കൺവീനറായി മീര വിനോദ് , ബാലസമിതി ജനറൽ കൺവീനറായി ശ്രുതി ഹരീഷ് എന്നിവരെയും തെരഞ്ഞെടുത്തു. പി.എൻ കുമാറിനെ മുഖ്യരക്ഷാധികാരിയായും ഹരീഷ്, രമേശ് കളരിക്കൽ, നൗഷാദ് പി ടി, അഭിലാഷ്, രതീഷ്, ജയരാജ് മാവത്ത് എന്നിവരെ സെൻട്രൽ എക്സിക്യൂട്ടീവ് അംഗങ്ങളായും തെരഞ്ഞെടുത്തു. മുതിർന്ന അംഗങ്ങളായ ശിവദാസ് വാഴയിൽ, സുരേഷ് പുളിക്കൽ എന്നിവർ തിരഞ്ഞെടുപ്പിന് നേതൃത്വം നൽകി. ചടങ്ങിൽ പ്രേം രാജ് സ്വാഗതവും ലതിക ശശികുമാർ നന്ദിയും പറഞ്ഞു.