കേളി സിൽവർ ജൂബിലി ലോഗോ പ്രകാശിപ്പിച്ചു

റിയാദ് : കേളി കലാസാംസ്‌കാരിക വേദി സിൽവർ ജൂബിലി ആഘോഷങ്ങളുടെ ലോഗോ പ്രകാശിപ്പിച്ചു. ബത്ത ലൂഹ ഓഡിറ്റോറിയത്തിൽ നടന്ന പരിപാടി കേളി രക്ഷാധികാരി സമിതി സെക്രട്ടറി കെ പി എം സാദിഖ് ഉദ്‌ഘാടനം ചെയ്‌തു. കേളി പ്രസിഡന്റ്‌ സെബിൻ ഇക്ബാൽ അധ്യക്ഷനായി. കെ പി എം സാദിഖും സെബിൻ ഇഖ്ബാലും ചേർന്ന് ലോഗോ പ്രകാശിപ്പിച്ചു. സംഘാടക സമിതി പ്രചാരണ കമ്മിറ്റി ചെയർമാൻ സിജിൻ കൂവള്ളൂരാണ് ലോഗോ ഡിസൈൻ ചെയ്‌തത്.

കേളി ട്രഷറർ ജോസഫ് ഷാജി, കുടുംബവേദി സെക്രട്ടറി സീബ കൂവോട്, രക്ഷാധികാരി സമിതി അംഗങ്ങളായ പ്രഭാകരൻ കണ്ടന്തോർ, ഷമീർ കുന്നുമ്മൽ, ഫിറോഷ് തയ്യിൽ, ചന്ദ്രൻ തെരുവത്ത്, വൈസ് പ്രസിഡന്റുമാരായ ഗഫൂർ ആനമങ്ങാട്, രജീഷ് പിണറായി എന്നിവർ സംസാരിച്ചു. സംഘാടക സമിതി കൺവീനർ സുനിൽകുമാർ സ്വാഗതവും ചെയർമാൻ ഷാജി റസാഖ് നന്ദിയും പറഞ്ഞു. ആഘോഷങ്ങളുടെ ഭാഗമായി ഒരുവർഷം നീണ്ടുനിൽക്കുന്ന പരിപാടികൾക്കാണ് രൂപം നൽകിയിരിക്കുന്നത്‌. 2001 ജനുവരി ഒന്നിനാണ്‌ റിയാദ് കേന്ദ്രമായി കേളി കലാസാംസ്‌കാരിക വേദിക്ക് രൂപം നൽകിയത്‌.

കേളി കലാസാംസ്‌കാരിക വേദി സിൽവർ ജൂബിലി ആഘോഷങ്ങളുടെ ലോഗോ പ്രകാശിപ്പിക്കുന്നു