കുവൈത്തിലെ മനാഖീഷിൽ ഭൂചലനം

കുവൈത്ത് സിറ്റി: കുവൈത്തിലെ മനാഖീഷ് മേഖലയിൽ നേരിയ ഭൂചലനം അനുഭവപ്പെട്ടു. കുവൈത്ത് ഇൻസ്റ്റിറ്റ്യൂട്ട് ഫോർ സയന്റിഫിക് റിസെർച്ചിന്റെ (കെഐഎസ്ആർ) കീഴിൽ പ്രവർത്തിക്കുന്ന ദേശീയ ഭൂകമ്പ ശൃംഖലയാണ് ഭൂചലനം റിപ്പോർട്ട് ചെയ്തത്. രാവിലെ 10:21ന്‌ ഉണ്ടായ ഭൂചലനം റിക്‌ടർ സ്‌കെയിലിൽ 3.9 തീവ്രത രേഖപ്പെടുത്തി.

ഭൂമിക്കടിയിൽ എട്ട്‌ കിലോമീറ്റർ ആഴത്തിലാണ് പ്രകമ്പനം ഉണ്ടായതെന്ന് അധികൃതർ അറിയിച്ചു. അപകടങ്ങളോ, നാശനഷ്ടങ്ങളോ ഇതുവരെ റിപ്പോർട്ട് ചെയ്തിട്ടില്ല. അധികൃതർ സ്ഥിതിഗതികൾ നിരീക്ഷിച്ചു വരികയാണ്.