വിദ്യാർഥികൾക്കായി സലാലയിൽ ക്രിക്കറ്റ് ടൂർണമെൻ്റ്

സലാല: വിദ്യാർഥികൾക്കായി സലാലയിൽ ക്രിക്കറ്റ് ടൂർണമെൻ്റ് ഒരുങ്ങുന്നു. മെയ് ആദ്യവാരത്തിലാണ് ജി ഗോൾഡ് ഇന്റർ സ്കൂൾ ക്രിക്കറ്റ് ടൂർണമെന്റ് ആരംഭിക്കുന്നത്. മെയ് 8 മുതൽ 20 വരെ സലാലയിലെ പ്രമുഖ സ്കൂളുകൾ ആയ ബ്രിട്ടീഷ് സ്കൂൾ, പയനീർ സ്കൂൾ, പാകിസ്ഥാൻ സ്കൂൾ, ബിർള സ്കൂൾ, യുണൈറ്റഡ് X 1, സലാലയിലെ ക്രിക്കറ്റ് അക്കാദമി ആയ ഫാസ് അക്കാദമി എന്നിവർ മാറ്റുരക്കുന്ന ക്രിക്കറ്റ് ടൂർണമെന്റ് നടക്കും. ജി ഗോൾഡ് സലാല ആണ് മുഖ്യ സ്പോൺസർ. ഫാസ് അലൂമിനിയം, റീഗൽ ഹോസ്പിറ്റൽ, അബുതഹനൂൻ ഗ്രൂപ്പ്, ഹാസ് കിച്ചൻ, ഉസ്താദ് ഹോട്ടൽ, അൽ നസീം വാട്ടർ തീം പാർക്ക്, ഇത്തീൻ ബിൽഡിംഗ് മെറ്റീരിയൽ, ജുവെൽ കോർണർ എന്നിവരും സ്പോൺസർമാരാണ്.
ഇന്റർ സ്കൂൾ ടൂർണമെന്റിൽ നിന്നും തിരഞ്ഞെടുക്കുന്ന ടീമിനെ മസ്കറ്റ് ഇന്റർനാഷണൽ അക്കാദമിയുമായി ചേർന്ന് നടത്തുന്ന പ്രദർശന മത്സരത്തിൽ പങ്കെടുപ്പിക്കുമെന്ന് സംഘാടകർ അറിയിച്ചു.









0 comments