എളുപ്പവഴി നിർമിക്കാൻ ചൈന വൻമതിലിന്റെ ഒരു ഭാഗം തകർത്തു; രണ്ടു പേർ കസ്റ്റഡിയിൽ

ബീജിങ്‌> ചൈനയിലെ വൻമതിലിന്റെ ഒരു ഭാഗം തകർത്ത്‌ നിർമാണത്തൊഴിലാളികൾ. സെൻട്രൽ ഷാങ്‌സി പ്രവിശ്യയിലാണ്‌ സംഭവം. നിർമാണസ്ഥലത്തേക്ക്‌ പോകാൻ എളുപ്പവഴി നിർമിക്കാനാണ്‌ എക്‌സ്‌കവേറ്റർ ഉപയോഗിച്ച് തകർത്തത്‌.

സംഭവത്തിൽ മുപ്പത്തെട്ടുകാരനെയും അമ്പത്തഞ്ചുകാരിയെയും കസ്റ്റഡിയിൽ എടുത്തിട്ടുണ്ട്‌. സംഭവസ്ഥലത്തിനു സമീപമാണ്‌ ഇവർ ജോലി ചെയ്‌തിരുന്നത്‌. അവരുടെ എക്‌സ്‌കവേറ്റർ കടന്നുപോകത്തക്കവിധം വൻമതിലിന്റെ ഭാഗത്ത്‌ വിടവുണ്ടാക്കുകയായിരുന്നു.