16 July Tuesday

എണ്ണ പൈപ്പ‌്‌ലൈനിലെ ആക്രമണം: പ്രതിസന്ധി രൂക്ഷമാക്കാനെന്ന്‌ ഇറാൻ

വെബ് ഡെസ്‌ക്‌Updated: Thursday May 16, 2019

ടെഹ‌്റാൻ
സൗദി അറേബ്യയിലെ എണ്ണക്കുഴലുകൾക്കുനേരെയുണ്ടായ ആക്രമണം മേഖലയിലെ പ്രതിസന്ധി രൂക്ഷമാക്കാനുള്ള ശ്രമങ്ങളുടെ ഭാഗമാണെന്ന‌് ഇറാൻ.  എണ്ണക്കുഴലുകൾക്ക‌് നേരെ ആക്രമണം നടത്തിയതരാണെന്ന‌് ഇതുവരെ കണ്ടെത്താനായില്ല. യുഎഇ അധികൃതരും പ്രതികരണത്തിന‌് തയ്യാറായില്ല. അതേസമയം, സൗദി അറേബ്യയിലെ എണ്ണ സ‌്റ്റേഷനുകൾക്ക‌് നേരെ ആക്രമണത്തിന്റെ ഉത്തരവാദിത്തം ഹൂതി വിമതർ ഏറ്റെടുത്തു.അമേരിക്കയുമായി യുദ്ധത്തിനില്ലെന്ന‌് ഇറാൻ പരമോന്നത നേതാവ‌് ആയത്തുള്ള ഖമനേനി പറഞ്ഞു.

ഇരുരാജ്യങ്ങളും യുദ്ധത്തിനാഗ്രഹിക്കുന്നില്ല. അഥവാ യുദ്ധം നടന്നാലും അത‌് അമേരിക്കയെ പ്രതികൂലമായി ബാധിക്കുകയുള്ളൂവെന്നും അദ്ദേഹം പറഞ്ഞു.യുഎഇയിലെ ഫുജൈറ തുറമുഖത്ത‌് കപ്പലുകൾക്ക‌് നേരെ ആക്രമണം നടത്തിയതിനു പേർഷ്യൻ മേഖലയിൽ കൂടുതൽ സൈനിക സന്നാഹത്തിനൊരുങ്ങുകയാണ‌്അമേരിക്ക.  ഗൾഫ‌് മേഖലയിലുണ്ടാകുന്ന ചെറിയ പ്രകോപനങ്ങൾപോലും വലിയ കലഹത്തിലേക്ക‌്നയിക്കുമെന്ന‌് നയതന്ത്രജ്ഞർ വിലയിരുത്തി. മേഖലയിൽ പ്രതിസന്ധി രൂക്ഷമായതോടുകൂടി ഹോർമുസ‌് കടലിടുക്ക‌് വഴിയുള്ള കപ്പലുകൾക്ക‌് സുരക്ഷാഭീഷണി നിലനിൽക്കുന്നുണ്ട‌്. ഇത‌് ഊർജവിതരണത്തെ കാര്യമായി ബാധിക്കും.

ഇറാനിൽ ആക്രമണം നടത്താനായി 1,20,000 സൈനികരെ അയക്കുമെന്ന റിപ്പോർട്ട‌് വ്യാജമാണെന്ന‌് അമേരിക്കൻ പ്രസിഡന്റ‌് ഡോണൾഡ‌് ട്രംപ‌് പ്രതികരിച്ചു.  ഭാവിയിൽ സൈന്യത്തെ അയക്കുകയാണെങ്കിൽ തന്നെ ഇതിൽ കൂടുതൽ പേരെയായിരിക്കും ഇറാനിലേക്ക‌് അയക്കുകയെന്നും ട്രംപ‌് പറഞ്ഞു. എന്നാൽ, അമേരിക്ക –- ഇറാൻ പ്രതിനിധികളുമായി നടന്ന ചർച്ചയിൽ പുരോഗതിയുണ്ടെന്നും പ്രതിസന്ധിയിൽ വൈകാതെ തന്നെ അയവുണ്ടാകുമെന്നും ഇറാഖ‌് പ്രധാനമന്ത്രി അദിൽ അബ‌്ദുൾ മഹ‌്ദി പറഞ്ഞു.


പ്രധാന വാർത്തകൾ
 Top