24 June Monday

ഓസ‌്ട്രിയയിലെ വിദ്യാലയങ്ങളിൽ ശിരോവസ‌്ത്ര നിരോധനം

വെബ് ഡെസ്‌ക്‌Updated: Friday May 17, 2019


വിയന്ന
ഓസ‌്ട്രിയയിലെ പ്രാഥമിക വിദ്യാലയങ്ങളിൽ പെൺകുട്ടികൾ ശിരോവസ‌്ത്രം ധരിക്കുന്നത‌് നിരോധിച്ച‌ു. വലതുപക്ഷ സർക്കാരിന്റെ നിർദേശത്തെ തുടർന്നാണ‌് ‌എംപിമാരുടെ യോഗം തീരുമാനമെടുത്തത‌്.

എന്നാൽ, സിഖ‌് വംശജർ ഉപയോഗിക്കുന്ന തലപ്പാവിനോ ജൂതർ ഉപയോഗിക്കുന്ന കിപ്പയ‌്ക്കും നിരോധനമില്ലെന്ന‌് സർക്കാർ വ്യക്തമാക്കി. നിരോധനം രാഷ‌്ട്രീയ ഇസ്ലാമിനുള്ള മുന്നറിയിപ്പാണെന്ന‌് ഭരണപക്ഷപാർടിയായ ഫ്രീഡം പാർടിയുടെ വിദ്യാഭ്യാസ വക്താവ‌് വെൻഡെലിൻ മോയിൽസർ പറഞ്ഞു. പെൺകുട്ടികളുടെ സ്വാതന്ത്ര്യം തടയുന്നത‌് ഇല്ലാതാക്കാനാണ‌് നിരോധനമെന്ന‌് മറ്റൊരു ഭരണകക്ഷിയായ പീപ്പിൾസ‌് പാർടി എംപി റൂഡോൾഫ‌് ടാഷ‌്നർ പറഞ്ഞു.

എന്നാൽ, തീവ്ര വലതുപക്ഷ നിലപാടാണിതെന്നും വിഭജിച്ച‌് ഭരിക്കാനുള്ള സർക്കാരിന്റെ ഈ നടപടി അംഗീകരിക്കാനാകില്ലെന്ന‌ും മുസ്ലിം സംഘടനകൾ പറഞ്ഞു. നടപടിയെ അപലപിച്ച‌് പ്രതിപക്ഷ പാർടികളും രംഗത്തെത്തി.


പ്രധാന വാർത്തകൾ
 Top