29 October Friday

വെസ്റ്റ്ബാങ്കില്‍ കടന്നുകയറി ഇസ്രയേല്‍; 5 പലസ്‌തീന്‍കാരെ കൊന്നു

വെബ് ഡെസ്‌ക്‌Updated: Monday Sep 27, 2021

ജെറുസലേം > വെസ്റ്റ്ബാങ്കില്‍ കടന്നുകയറിനടത്തിയ ആക്രമണത്തില്‍  അഞ്ച് പലസ്തീന്‍കാരെ വെടിവെച്ച് കൊന്ന് ഇസ്രായേല്‍ സേന. ഹമാസിനെ ലക്ഷ്യമിട്ടായിരുന്നു കടന്നുകയറ്റം. മേഖലയില്‍ സമീപകാലത്തെ ഏറ്റവും മാരകമായ കടന്നാക്രമണമാണ് ഇസ്രയേല്‍ നടത്തിയത്.

രണ്ടുപേര്‍ ജെനിനിലും മൂന്ന് പേര്‍ ബിദ്ദുവിലുമാണ് കൊല്ലപ്പെട്ടതെന്ന് പലസ്തീന്‍ ആരോ​ഗ്യമന്ത്രാലയം അറിയിച്ചു. ഹമാസ് തീവ്രവാദ ആക്രമണം ആസൂത്രണം ചെയ്തെന്നും അത് ചെറുക്കാനാണ് കടന്നുകയറി ആക്രമിച്ചതെന്നുമാണ് ഇസ്രയേലിന്റെ വിശദീകരണം. ഇസ്രയേല്‍ സര്‍ക്കാരും അന്താരാഷ്ട്ര അം​ഗീകാരമുള്ള പലസ്‌തീന്‍ ഭരണകൂടവും തമ്മിലുള്ള ഒത്തുകളിയുടെ ഭാ​ഗമാണ് ആക്രമണമെന്ന് ​ഹമാസ് പ്രതികരിച്ചു. മാസങ്ങളായി വെസ്റ്റ് ബാങ്കില്‍ ഇസ്രയേല്‍ അതിക്രമം രൂക്ഷമാണ്. കഴി‍ഞ്ഞമാസം നാല് പലസ്തീന്‍കാരെ ഇസ്രയേല്‍ കൊലപ്പെടുത്തി.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top