20 September Monday

ക്യൂബയിൽ 19 ലക്ഷം പേർ 
വാക്സിനെടുത്തു

വെബ് ഡെസ്‌ക്‌Updated: Friday Jul 16, 2021


ഹവാന
ക്യൂബയിൽ ഇതുവരെ 18.9 ലക്ഷം പേർ കോവിഡ്‌ വാക്സിൻ എടുത്തതായി ഔദ്യോഗിക കണക്ക്‌. ജനസംഖ്യയുടെ 16.7 ശതമാനമാണിത്‌. തദ്ദേശീയമായി വികസിപ്പിച്ച അബ്ദല, സൊബെറാന–- 2 എന്നിവയുടെ മൂന്ന്‌ ഡോസും എടുത്തവരുടെ മാത്രം കണക്കാണിത്‌. ഇത്‌ കൂടാതെ, 30.47 ലക്ഷം പേർക്ക്‌ ഒരു ഡോസെങ്കിലും ലഭിച്ചിട്ടുണ്ട്‌. 20.57 ലക്ഷം പേർ രണ്ട്‌ ഡോസ്‌ എടുത്തു. ജൂലൈ 11 വരെ തദ്ദേശ വാക്സിനുകളുടെ 75.07 ലക്ഷം ഡോസ്‌ വിതരണം ചെയ്തു. അമേരിക്കൻ ഉപരോധം കാരണം വാക്സിൻ, വാക്സിൻ നിർമാണ ഘടനാ പദാർഥങ്ങൾ എന്നിവയുടെ ഇറക്കുമതി പ്രതിസന്ധിയിലായിരുന്നു. മെയ്‌ പാതിയിലാണ്‌ വാക്സിനേഷൻ തുടങ്ങിയത്‌. 2019ലെ കണക്ക്‌ അനുസരിച്ച്‌ ക്യൂബയിൽ ആകെ 1.13 കോടി ജനങ്ങളാണുള്ളത്‌.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top