20 September Friday

എല്ലാം ചോർത്തുന്നുണ്ട്‌; പക്ഷെ സമ്മതിക്കില്ല

വെബ് ഡെസ്‌ക്‌Updated: Sunday Aug 25, 2019

ഈയടുത്തായി ടെക്‌ ലോകത്തുനിന്ന്‌ സ്വകാര്യത സംബന്ധിച്ച ഞെട്ടിക്കുന്ന വാർത്തകളാണ്‌ പുറത്തുവരുന്നത്‌. ആപ്പിൾ മുതൽ ആമസോൺവരെ ഉപയോക്താക്കളുടെ ശബ്ദശകലങ്ങൾ ചോർത്തുന്നുണ്ട്‌.

കംപ്യൂട്ടറല്ല മറിച്ച്‌ കമ്പനികളിലെ ജീവനക്കാരാണ്‌ ഉപയോക്താക്കളുടെ ശബ്ദശകലങ്ങളും ദൃശ്യങ്ങളും കേൾക്കുകയും കാണുകയും ചെയ്യുന്നത്‌. എന്നാൽ,  പ്രൈവസി പോളിസികളിൽ ഉപയോഗിക്കുന്ന ആയിരക്കണക്കിനു വാക്കുകളിൽ "മനുഷ്യൻ' എന്ന പദം എവിടെയുമില്ല എന്നതാണ്‌ സത്യം. ആമസോണിന്റെ അലക്‌സ വോയ്‌സ്‌ അസിസ്റ്റന്റിലും ഗൂഗിൾ അസിസ്റ്റന്റിലും ആപ്പിളിന്റെ സിറിയിലും നമ്മൾ നൽകുന്ന ശബ്ദനിർദേശങ്ങൾ കംപ്യൂട്ടർമാത്രമല്ല കേൾക്കുന്നതെങ്കിലും കമ്പനികളൊന്നും ഈ കാര്യം പ്രൈവസി പോളിസിയിൽ പരാമർശിക്കുന്നില്ല.

മനുഷ്യനാണോയെന്ന്‌ ഉറപ്പാക്കാൻ വിവരം ശേഖരിക്കും എന്ന്‌ പറയുന്നിടത്തുമാത്രമാണ്‌ ഫെയ്‌സ്‌ബുക്ക്‌ മനുഷ്യൻ എന്ന പദം ഉപയോഗിക്കുന്നത്‌. വ്യക്തിവിവരങ്ങൾ പ്രോസസ്‌ ചെയ്യുന്നത്‌ ഓട്ടോമാറ്റിക്കോ മനുഷ്യബുദ്ധി ഉപയോഗിച്ചോ ആകാമെന്ന്‌ വെറുതെയെങ്കിലും സമ്മതിക്കുന്നത്‌ മൈക്രോസോഫ്‌റ്റ്‌ മാത്രമാണ്‌.


പ്രധാന വാർത്തകൾ
 Top