20 September Friday

വരുന്നു... ചൂടിൽനിന്ന്‌ വൈദ്യുതി

വെബ് ഡെസ്‌ക്‌Updated: Wednesday Aug 21, 2019

വ്യവസായശാലകൾ, പവർ പ്ലാന്റുകൾ, വീട്ടുപകരണങ്ങൾ, വാഹനങ്ങൾ തുടങ്ങിയവ ഒരു ദിവസം പുറത്തുവിടുന്ന ചൂട്‌ എത്രയധികമാണ്‌. ഈ ചൂടിൽനിന്ന്‌ വൈദ്യുതി ഉൽപ്പാദിപ്പിക്കുന്ന താപവൈദ്യുത ഉപകരണങ്ങൾ വികസിപ്പിക്കാനൊരുങ്ങുകയാണ്‌ ഹിമാചൽ പ്രദേശിലെ മാണ്ടി ഐഐടിയിൽനിന്നുള്ള  ഗവേഷകർ.

സൗരോർജത്തിൽനിന്നുള്ള വൈദ്യുതി ഉപയോഗിക്കാൻ തുടങ്ങിയിട്ട്‌ ഏറെക്കാലമായി. എന്നാൽ, പ്രകൃതിയിൽനിന്നുള്ള ഊർജം ഉപയോഗിച്ച്‌  വൈദ്യുതി ഉൽപ്പാദിപ്പിക്കുന്ന അത്യാധുനിക സാങ്കേതികവിദ്യക്കായുള്ള  ശ്രമങ്ങൾക്ക്‌ ശാസ്ത്രജ്ഞർ അടുത്തിടെയാണ്‌ തുടക്കമിട്ടത്‌.

രണ്ട് സമാന വൈദ്യുതചാലകങ്ങളോ അർധചാലകങ്ങളോ തമ്മിലുള്ള താപനില അന്തരം രണ്ട് പദാർഥങ്ങളും തമ്മിൽ സൃഷ്ടിക്കുന്ന വോൾട്ടേജ്‌ വ്യത്യാസത്തിന്റെ അടിസ്ഥാനത്തിലായിരിക്കും തെർമോ ഇലക്ട്രിക്‌ ഉപകരണങ്ങൾ പ്രവർത്തിക്കുകയെന്ന്‌ ഐഐടി അസോസിയറ്റ്‌ പ്രൊഫസർ അജയ്‌ സോണി പറഞ്ഞു.


പ്രധാന വാർത്തകൾ
 Top