24 October Thursday

ഡ്രൈവറില്ലാ കാറുകൾ ഉടൻ ഇന്ത്യയിൽ

വെബ് ഡെസ്‌ക്‌Updated: Tuesday Sep 17, 2019

ഡ്രൈവർമാരില്ലാത്ത കാറുകൾ കാത്തിരിക്കുന്നവരാണ്‌ നമ്മളിൽ പലരും. പാശ്ചാത്യരാജ്യങ്ങളിൽ വളരെമുമ്പേ ഇത്തരം കാറുകൾ നിരത്തിലിറങ്ങിയെങ്കിലും  ഇന്ത്യൻ റോഡുകളിൽ ഡ്രൈവർമാരില്ലാത്ത കാറുകൾ ഓടിത്തുടങ്ങിയിട്ടില്ല. എന്നാൽ, ഉടൻതന്നെ അതും നടക്കാൻ പോകുന്നുവെന്നാണ്‌ പുതിയ വിവരം. ഇന്ത്യൻ ഇൻസ്റ്റിറ്റ്യൂട്ട്‌ ഓഫ്‌ സയൻസസും ഐടി ഭീമന്മാരായ വിപ്രോയും പരസ്പരം കൈകോർത്ത്‌ 202-0 മാർച്ചോടെ ഇന്ത്യൻ സാഹചര്യങ്ങൾക്ക്‌ അനുകൂലമായ ഡ്രൈവർമാരില്ലാത്ത കാറുകൾ നിർമിക്കാനൊരുങ്ങുകയാണ്‌. യന്ത്രവൽക്കരണം, റോബോട്ടിക്സ്‌, മെഷീൻ പഠനം, നിർമിത ബുദ്ധി തുടങ്ങിയ പുത്തൻ ടെക്‌നോളജി മേഖലകളിലും ഇരുസ്ഥാപനങ്ങളും ചേർന്ന്‌ പ്രവർത്തിക്കാനാണ്‌ തിരുമാനം.

വിപ്രോയിലെ ഗവേഷകരുടെ ശ്രമഫലമായി സ്വയം പ്രവർത്തിക്കുന്ന കാർ നിർമിച്ചിട്ടുണ്ട്‌. എന്നാൽ, ഇന്ത്യൻ റോഡുകളുടെ പ്രവചനാതീതമായ അവസ്ഥകളോട്‌ പിടിച്ചുനിൽക്കാൻ കഴിയുന്ന കാർ നിർമിക്കുക ശ്രമകരമാണ്‌. ഈ വെല്ലുവിളിയാണ്‌ ഗവേഷകർ ഏറ്റെടുത്തിരിക്കുന്നത്‌.


പ്രധാന വാർത്തകൾ
 Top