15 January Friday

ദിവസവും ട്രൂ കോളർ നോക്കുന്നത്‌ 15 കോടി പേർ

വെബ് ഡെസ്‌ക്‌Updated: Thursday Sep 5, 2019

ഫോണ്‍ വിളിക്കുന്നവരെ തിരിച്ചറിയാനുള്ള ആപ്ലിക്കേഷനായ ട്രൂ കോളര്‍ ഡൗണ്‍ലോഡ് ചെയ്തവരുടെ എണ്ണം 50 കോടി കടന്നു. കമ്പനിയുടെ കണക്കുപ്രകാരം പ്രതിദിനം ട്രൂ കോളര്‍ ഉപയോ​ഗിക്കുന്നവരുടെ എണ്ണം 15 കോടിയാണ്. അതേസമയം, വാട‌്സാപ്പിനും ഫെയ്സ്ബുക്ക് മെസഞ്ചറിനും പിന്നാലെ ഇന്ത്യയില്‍ ഏറ്റവും കൂടുതല്‍ ഉപയോ​ഗിക്കുന്ന ആശയവിനിമയ ആപ്പായും മാറി.

ഈ വളര്‍ച്ച ഉപയോക്താക്കള്‍ക്ക് കമ്പനിയിലുള്ള വിശ്വാസ്യതയുടെ പ്രതിഫലനമാണെന്ന് കമ്പനി സിഇഒ അലന്‍ മാമെഡി പറഞ്ഞു. അടുത്തിടെ ആപ്പിന്റെ പ്രീമിയര്‍ വിഭാ​ഗത്തില്‍ നിരവധി പുതിയ സേവനങ്ങള്‍ ഉള്‍പ്പെടുത്തിയിട്ടുണ്ട്. പ്രീമിയം ആപ് വാങ്ങുന്നവര്‍ക്ക് പരസ്യം കാണേണ്ടിവരില്ല. അതിനൊപ്പം കോള്‍ റെക്കോര്‍ഡിങ്, പ്രീമിയം ബാഡ്‌ജ്‌  തുടങ്ങിയ സേവനങ്ങളും ലഭിക്കും. സ്വീഡിഷ് ആസ്ഥാനമായ  കമ്പനിയില്‍ പകുതിയിലധികം ജീവനക്കാരും ഇന്ത്യക്കാരാണ്.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top