22 October Thursday

സിക്‌സർ മുംബൈ ; മുംബൈ ഇന്ത്യൻസ്‌ മുന്നോട്ട്

വെബ് ഡെസ്‌ക്‌Updated: Thursday Oct 1, 2020

പഞ്ചാബിനെതിരെ രോഹിത്‌ ശർമ ബൗണ്ടറി പായിക്കുന്നു


അബുദാബി
കൂറ്റൻ സിക്‌സറുകളുടെ അകമ്പടിയുമായി മുംബൈ ഇന്ത്യൻസ്‌ ഐപിഎലിൽ കിങ്‌സ്‌ ഇലവൻ പഞ്ചാബിനെതിരെ മികച്ച സ്‌കോർ കുറിച്ചു. ആദ്യം ബാറ്റ്‌ ചെയ്‌ത മുംബൈ നാല്‌ വിക്കറ്റ്‌ നഷ്ടത്തിൽ 191 റണ്ണാണ്‌ അടിച്ചുകൂട്ടിയത്‌. പത്ത്‌ സിക്‌സറുകളായിരുന്നു മുംബൈ ഇന്നിങ്‌സിൽ. അവസാന ഓവറിൽ നാലെണ്ണം പിറന്നു.

ക്യാപ്‌റ്റൻ രോഹിത്‌ ശർമ (45 പന്തിൽ 70) മുംബൈ ഇന്നിങ്‌സിൽ ടോപ്‌ സ്‌കോററായി. മൂന്ന്‌ സിക്‌സറും എട്ട്‌ ഫോറുമായിരുന്നു രോഹിതിന്റെ ഇന്നിങ്‌സിൽ. അവസാനഘട്ടത്തിൽ കീറൺ പൊള്ളാർഡും (20 പന്തിൽ 47) ഹാർദിക്‌ പാണ്ഡ്യയും (11 പന്തിൽ 30) ചേർന്ന്‌ പഞ്ചാബ്‌ ബൗളർമാരെ നിലംപരിശാക്കി. പൊള്ളാർഡ്‌ നാല്‌ സിക്‌സറും ഒരു ഫോറും പായിച്ചു. പാണ്ഡ്യ രണ്ട്‌ സിക്‌സറും മൂന്ന്‌ ഫോറും പറത്തി.

കൃഷ്‌ണപ്പ ഗൗതം എറിഞ്ഞ അവസാന ഓവറിൽ 29 റണ്ണാണ്‌ ഇരുവരും അടിച്ചുകൂട്ടിയത്‌. ഇന്ന് ചെന്നൈ സൂപ്പർ കിങ്‌സും സൺറൈസേഴ്‌സ്‌ ഹൈദരാബാദും ഏറ്റുമുട്ടും.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top