28 November Saturday

ആരോഗ്യം വീണ്ടെടുക്കുകയാണ്; പ്രാര്‍ഥനകള്‍ക്ക് നന്ദി പറഞ്ഞ് കപില്‍ ദേവ്

വെബ് ഡെസ്‌ക്‌Updated: Saturday Oct 24, 2020

ന്യൂഡല്‍ഹി > ആന്‍ജിയോപ്ലാസ്റ്റിക്ക് വിധേയനായതിന് പിന്നാലെ ആരോഗ്യാവസ്ഥയെ കുറിച്ച് പ്രതികരിച്ച് ഇതിഹാസ താരം കപില്‍ ദേവ്. ആരോഗ്യം വീണ്ടെടുത്ത് വരികയാണെന്ന് കപില്‍ ദേവ് പറഞ്ഞു.

എല്ലാവരുടേയും കരുതലിനും സ്‌നേഹത്തിനും നന്ദി. നിങ്ങളുടെ നല്ല ആശംസകള്‍ എന്നെ കീഴ്‌പ്പെടുത്തുന്നു. ആരോഗ്യം വീണ്ടെടുക്കുന്നതിന്റെ പാതയിലാണ്...കപില്‍ ദേവ് ട്വീറ്റ് ചെയ്‌തു. വെള്ളിയാഴ്ച പുലര്‍ച്ചെ 1 മണിയോടെയാണ് കപില്‍ ദേവിനെ ന്യൂഡല്‍ഹിയിലെ ആശുപത്രിയില്‍ പ്രവേശിപ്പിച്ചത്.

നെഞ്ചുവേദനയെ തുടര്‍ന്ന് ആശുപത്രിയില്‍ എത്തിയ അദ്ദേഹത്തെ ഉടനെ തന്നെ ആന്‍ജിയോപ്ലാസ്റ്റിക്ക് വിധേയമാക്കിയതായി ആശുപത്രി പുറത്തുവിട്ട മെഡിക്കല്‍ ബുള്ളറ്റിനില്‍ വ്യക്തമാക്കിയിരുന്നു. ആന്‍ജിയോപ്ലാസ്റ്റി വിജയകരമായിരുന്നു എന്നും, ഉടനെ തന്നെ അദ്ദേഹത്തിന് വീട്ടിലേക്ക് മടങ്ങാന്‍ സാധിക്കുമെന്നും ഇന്ത്യന്‍ മുന്‍ താരം മദന്‍ ലാലും പ്രതികരിച്ചിരുന്നു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top