25 May Monday

യുകെയിലെ കൊച്ചുപ്രതിഭകൾക്കായി സമീക്ഷ ഒരുക്കുന്ന ഓൺലൈൻ കലാമത്സരങ്ങൾ

വെബ് ഡെസ്‌ക്‌Updated: Saturday Apr 18, 2020

ലണ്ടൻ > കുട്ടികളുടെ സർഗാത്മകത വളർത്തുന്ന ചിത്രകല, ഏകാംഗ നൃത്ത, ഏകാഭിനയ, കവിതാ പാരായണ, ഗാന വിഭാഗങ്ങൾ  ഉൾപ്പെടെ വിവിധ മത്സരങ്ങൾ നൂതന വാർത്താവിതരണ സങ്കേതങ്ങൾ ഉപയോഗിച്ച് സമീക്ഷയുടെ നേതൃത്വത്തിൽ ഏപ്രിൽ 20 മുതൽ ആരംഭിക്കുന്നു. തെരഞ്ഞെടുക്കപ്പെടുന്ന സൃഷ്ടികൾ നാട്ടിലയച്ച് അതാത് രംഗങ്ങളിൽ വ്യക്തി മുദ്ര പതിപ്പിച്ച വിധികർത്താക്കളാൽ മൂല്യ നിർണ്ണയം നടത്തി സമ്മാനാർഹരെെ തീരുമാനിക്കും.

യുകെയിൽ താമസക്കാരായ കുട്ടികളെ സബ്‌ ജൂനിയർ , ജൂനിയർ, സീനിയർ വിഭാഗങ്ങളാക്കി തിരിച്ച് മത്സരങ്ങൾ തയ്യാറാക്കുന്നു.  ഉത്തമ കലകളിലൂടെ വർണ്ണ, ജാതി, മത, രാഷ്ട്രീയ ചിന്തകൾക്ക് അതീതമായ മാനവീക ചിന്താഗതികൾ നമ്മുടെ കുട്ടികളിൽ പൂത്തുലട്ടെ.  മറ്റൊരു മൈക്കൽ ആഞ്ചലോയും വാൻ ഗോഗും ബിഥോവനും ഉൾപടെ ലോക പൗരൻമാർ ഉദയം കൊള്ളട്ടെ. .... അല്ലെങ്കിൽ മറ്റൊരു മധുസൂദനൻ നായരോ ശോഭനയോ പിറക്കട്ടെ.

വിജയികൾക്ക് സമീക്ഷ ദേശീയ സമ്മേളനത്തിൽ വച്ച് വിശിഷ്ടാതിഥികൾ സമ്മാനങ്ങൾ വിതരണം  ചെയ്യും . അതോടൊപ്പം കുട്ടികളുടെ സർഗ്ഗ സൃഷ്ടികൾ സമീക്ഷയുടെ ഫേസ് ബുക്ക് പേജിലും വിവിധ ചാനലുകളിലും പ്രസിദ്ധീകരണങ്ങളും നമുക്ക് കാണാം. വരൂ അണിചേരൂ നമ്മുടെ കുട്ടികളുടെ സൃഷ്ടിപരത പൂത്തുലയട്ടെ. കൂടുതൽ വിവരങ്ങൾക്ക് ബന്ധപ്പെടുക. 07449 145145, 07828 659608, 07882 791150, 07984 744233.


പ്രധാന വാർത്തകൾ
 Top