15 May Saturday

ഗള്‍ഫില്‍ ഇന്ന് റമദാന്‍; ഒമാനില്‍ നാളെ

വെബ് ഡെസ്‌ക്‌Updated: Tuesday Apr 13, 2021

മസ്ജിദുല്‍ ഹറമില്‍ തിങ്കളാഴ്ച രാത്രി വിശ്വാസികള്‍ തറാവീഹ് നമസ്‌കാരം നിര്‍വഹിക്കുന്നു. ഫോട്ടോ: എസ്പിഎ

മനാമ > ഒമാനൊഴികെയുള്ള ഗള്‍ഫ് രാജ്യങ്ങളില്‍ റമദാന്‍ വ്രതം ചൊവ്വാഴ്ച ആരംഭിച്ചു. ഒമാനില്‍ ബുധനാഴ്ചയാണ് റമദാന്‍ ഒന്ന്. ഈജിപ്ത്, ലബനണ്‍, ഇന്തോനേഷ്യ, മലേഷ്യ എന്നിവടങ്ങളിലും ചൊവ്വാഴ്ചമുതലാണ് വ്രതം. ബ്രൂണൈ, ഓസ്‌ട്രേലിയ എന്നിവടങ്ങില്‍ ബുധനാഴ്ചയും. 
 
കൊറോണ മഹാമാരി കാലത്തെ രണ്ടാമത്തെ റമദാനാണിത്. മുന്‍വര്‍ഷത്തെപ്പോലെ നിയന്ത്രണങ്ങള്‍ക്കിടയിലാണ് ഇത്തവണയും വ്രതം. സൗദിയില്‍ എല്ലാ പള്ളികളിലും ഇശാ, തറവീഫ് നമസ്‌കാരങ്ങള്‍ അരമണിക്കൂറില്‍ കൂടാന്‍ പാടില്ലെന്ന് സര്‍ക്കാര്‍ നിര്‍ദേശിച്ചു. പെര്‍മിറ്റ് ഉള്ളവര്‍ക്ക് മാത്രമാണ് റമദാനില്‍ ഉംറക്ക് അനുമതി. കോവിഡ് വാക്‌സിന്‍ സ്വീകരിച്ചവര്‍ക്കും രോഗം ഭേദമായര്‍ക്കും മാത്രമാണ് പെര്‍മിറ്റ് അനുവദിക്കുന്നത്.
 
ഇരു ഹറമുകളിലും മുതിര്‍ന്നവര്‍ക്കൊപ്പം വരുന്ന കുട്ടികളെ അനുവദിക്കില്ല. ഇരു ഹറമുകളിലും തറാവീഹ് നമസ്‌കാരം പത്ത് റക്അത്തായി ചുരുക്കാന്‍ ഭരണാധികാരി സല്‍മാന്‍ രാജാവ് നിര്‍ദേശിച്ചു. ഇഫ്താര്‍ ക്യാമ്പുകള്‍ക്ക് പൂര്‍ണവിലക്കുണ്ട്.
 
ബഹ്‌റൈനില്‍ റമദാനില്‍ പള്ളികളില്‍ വെള്ളിയാഴ്ച പ്രാര്‍ത്ഥനക്ക് സര്‍ക്കാര്‍ അനുമതി നല്‍കി. വാക്‌സിന്‍ എടുത്തവര്‍ക്കും രോഗം ഭേദമായവര്‍ക്കുമാണ് റമദാനില്‍ പള്ളികളില്‍ പ്രവേശനം നല്‍കുന്നത്. 
 
യുഎഇയില്‍ റമദാനില്‍ മജ്‌ലിസുകളും റമദാന്‍ ടെന്റുകളും നിരോധിച്ചു. ഒരേ വീട്ടില്‍ കഴിയുന്ന കുടുംബാംഗങ്ങള്‍ക്ക് മാത്രമാണ് സംഘം ചേര്‍ന്നുള്ള ഇഫ്താറിന് അനുമതി.
 

 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top