18 August Sunday

ഇന്ത്യക്കാര്‍ ഉള്‍പ്പെടെ 4000 വിദേശി എൻജിനീയർമാർക്ക് എൻഒസി നിഷേധിച്ചു, താമസ രേഖ പുതുക്കല്‍ പ്രയാസകരമാകും

വെബ് ഡെസ്‌ക്‌Updated: Monday May 20, 2019

കുവൈറ്റ്‌ സിറ്റി> എൻബിഎ അക്രഡിറ്റേഷൻ ഇല്ലാത്തതിനാല്‍ കുവൈറ്റിലെ നാലായിരത്തോളം വരുന്ന വിദേശ എഞ്ചിനീയർമാർക്ക് എഞ്ചിനീയർ തസ്തികയില്‍ വിസ പുതിക്കി നല്‍കാന്‍ കഴിയില്ലെന്ന് കുവൈറ്റ് എഞ്ചിനീയേര്സ് സൊസൈറ്റി അറിയിച്ചു.ഇവരുടെ സർട്ടിഫിക്കറ്റുകൾക്ക് നാഷണല്‍ ബോര്‍ഡ്‌ ഓഫ് അക്രഡിറ്റേഷന്‍റെ അംഗീകാരം ഇല്ലാത്തതാണ് കാരണമെന്നാണ് കുവൈറ്റ്‌എഞ്ചിനീയേര്സ് സൊസൈറ്റിയെ ഉദ്ദരിച്ച് അല്‍റായ്‌ പത്രം  റിപ്പോര്‍ട്ട്‌ചെയ്തു.

 ഇതില്‍ വലിയ ശതമാനം ഇന്ത്യക്കാരും അതില്‍ തന്നെ നല്ലൊരു വിഭാഗം മലയാളികളും ഉള്‍പ്പെടുമെന്നാണ് കരുതുന്നത്.  ഒരു വര്ഷം മുന്‍പാണ് കുവൈറ്റ് എഞ്ചിനീയേര്സ് സൊസൈറ്റിയുടെ എന്‍ഓസി ലഭിക്കണമെങ്കില്‍ എന്‍.ബി.എ അക്രഡിറ്റേഷൻ നിര്‍ബന്ധമാക്കിയത്. ഇങ്ങനെ കുവൈറ്റ് എഞ്ചിനീയേര്സ് സൊസൈറ്റിയുടെ എന്‍ഓസി ലഭിച്ചാല്‍ മാത്രമേ ഇവരുടെ വിസ പുതുക്കാന്‍ സാധിക്കുകയുള്ളൂ.

ഇന്ത്യന്‍എഞ്ചിനീയർമാർ ഉള്‍പ്പെടെ നേരിടുന്ന ഈ പ്രശ്നം പരിഹരിക്കുന്നതിന് നിരവധി ശ്രമങ്ങള്‍ നടന്നു വെങ്കിലും ഒന്നും ഫലപ്രദമായില്ല എന്നാണ് പുതിയ സംഭവ വികാസങ്ങള്‍ തെളിയിക്കുന്നത്. അംഗീകാരം ലഭിക്കാത്തതിനാല്‍ ചിലര്‍ക്കൊക്കെ മറ്റു തസ്തികയിലേക്ക് മാറ്റി വിസ പുതുക്കേണ്ടി വരും. ചില കമ്പനികളാവട്ടെ ഈ അവസരം മുതലാക്കി പലരുടെയും താമസ രേഖ പുതുക്കി നല്‍കാത്ത അവസ്ഥയും ഉണ്ടായിട്ടുണ്ട്.
 

മറ്റു വാർത്തകൾ

പ്രധാന വാർത്തകൾ
 Top