25 August Sunday

കാൻസർ കെയർ ഗ്രൂപ്പിന് തൊഴിൽ മന്ത്രാലയത്തിന്റെ അനുമോദനം

വെബ് ഡെസ്‌ക്‌Updated: Wednesday Jul 17, 2019

മനാമ> ബഹ്‌റൈൻ മിനിസ്ട്രി ഓഫ് ലേബർ ആൻഡ് സോഷ്യൽ ഡവലപ്മെന്റ് ബഹ്‌റൈൻ കേരളീയ സമാജത്തിൽ   വേനൽക്കാല അപകടങ്ങൾ, രോഗങ്ങൾ എന്നിവക്കുള്ള ബോധവത്‌കരണ പരിപാടി നടത്തി. പ്രാഥമിക മെഡിക്കൽ പരിശോധന, കണ്ണ് പരിശോധന, കഴുത്തിനും പുറകിനും ഉള്ള വേദനകൾക്ക് ഓർത്തോ വിഭാഗത്തിന്റെയും ഫിസിയോതെറാപ്പിയുടെയും സേവനങ്ങൾ ലഭ്യമാക്കുകയും ബോധവൽക്കരണ ക്ലാസും ഇണ്ടായിരുന്നു.  ലുലു, ബി.എഫ്.സി, നൂനൂ എക്സ്ചേഞ്ചുകളുടെയും, ബഹ്‌റൈൻ ഫർമസിയുടെയും സഹായത്തോടെയാണ്‌ കയാമ്പ്‌ നടത്തിയത്‌.  വിവിധ ക്യാമ്പുകളിൽ നിന്നും എത്തിച്ചേർന്ന തൊഴിലാളികൾക്ക്  സമ്മാനപ്പൊതികൾ നലകിയ കാൻസർ കെയർ ഗ്രൂപ്പിനെ ബഹ്‌റൈൻ തൊഴിൽ മന്ത്രാലയം പ്രത്യേകം അനുമോദിച്ചതായി ഗ്രൂപ്പ് പ്രസിഡന്റ് ഡോ പി വി. ചെറിയാൻ അറിയിച്ചു. 

ഗ്രൂപ്പ് അംഗങ്ങളെ കൂടാതെ ആരോഗ്യ രംഗത്തുള്ള പ്രമുഖ വ്യക്തിത്വങ്ങൾ , ഡോക്ടർമാർ, പാരാമെഡിക്കൽ സ്റ്റാഫ്, അഭ്യുദയകാംഷികൾ എന്നിവർ പങ്കെടുത്തു. ബഹ്‌റൈൻ കേരളീയ സമാജം ജനറൽ സെക്രട്ടറി എം.പി. രഘു, കിംഗ് ഹമദ് ഹോസ്പിറ്റൽ നെഫ്രോളജിസ്റ്  ബാലാജി ഡാണ്ടി, വായൽ  ഫർമാസി ഫിനാൻഷ്യൽ കൺട്രോളർ  ഷിബു തോമസ്, ഉണ്ണാട്ടി സോണി അൽ റയാ സൂയ്റ്റ്‌സ്, ഫ്ലോറിന് മത്യാസ്,  ഡോ: ദേവി വൈദ്യരത്‌നം, ഫ്രാൻസിസ് കൈതാരത്ത് , അൽ ഹിലാൽ ഹോസ്പിറ്റൽ മാർക്കറ്റിങ് മാനേജർ ആസിഫ് മുഹമ്മദ് എന്നിവർ സംസാരിച്ചു. ജനറൽ സെക്രട്ടറി കെ.ടി. സലിം സ്വാഗതവും, ഹോസ്പിറ്റൽ വിസിറ്റ് ഇൻചാർജ്  ജോർജ് കെ. മാത്യു നന്ദിയും രേഖപ്പെടുത്തി.

അഡ്വൈസറി ബോർഡ് അംഗം ഡോ: ഇക്ബാൽ വർധവാല,  എക്സിക്യൂട്ടിവ് കമ്മിറ്റി അംഗം അബ്ദുൽ  സഹീർ, ഉമ്മർ അബ്ദുല്ലയുടെ നേതൃത്വത്തിൽ ഉള്ള സർവ്വീസ് വിഭാഗം, ഷേർലി തോമസ് കോഓർഡിനേറ്റർ ആയ വനിതാ വിഭാഗം എന്നിവർ നേതൃത്വം നൽകി.

 


പ്രധാന വാർത്തകൾ
 Top