23 August Friday

ലക്ഷ്മണന് കേളി യാത്രയയപ്പ് നൽകി

വെബ് ഡെസ്‌ക്‌Updated: Friday May 17, 2019

റിയാദ്> രണ്ടര പതിറ്റാണ്ടിന്റെ  പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന    കേളി കലാസാംസ്‌കാരിക വേദി മുസാഹ്മിയ ഏരിയാ ജോയിന്റ് സെക്രട്ടറി കെളമ്പത്ത് ലക്ഷ്മണന് ഏരിയാ കമ്മറ്റി യാത്രയയപ്പ് നൽകി. ഏഴ് വർഷമായി മുസാഹ്മിയയിൽ ആർട്ടിഫിഷ്യൽ കിച്ചൻസ് നിർമ്മാണ മേഖലയിൽ ജോലി ചെയ്തു വരുന്നു. മുസാഹ്മിയ മേഘലയില്‍  പൊതുപ്രവർത്തന രംഗത്തെ സജീവ സാന്നിധ്യമായിരുന്ന ലക്ഷ്മണന്‍, കേളിയുടെ സംഘടനാ പ്രവർത്തനങ്ങളിലും സാമൂഹിക ജീവകാരുണ്യ  ജില്ലയിലെ രംഗത്തും നേതൃത്വപരമായ പങ്കുവഹിച്ചു. കണ്ണൂർ മട്ടന്നൂർ ബ്ലാത്തൂർ സ്വദേശിയാണ്.

മുസാഹ്മിയ ഏരിയയിൽ സംഘടിപ്പിച്ച യാത്രയയപ്പ് യോഗത്തിൽ ഏരിയാ വൈസ് പ്രസിഡന്റ് നടരാജൻ അധ്യക്ഷനായി.ഏരിയാ സെക്രട്ടറി പി.പി ശങ്കർ സ്വാഗതം പറഞ്ഞു. കേന്ദ്ര കമ്മിറ്റി അംഗങ്ങളായ റഫീക്ക് പാലത്ത്,ചന്ദ്രൻ തെരുവത്ത്, ഏരിയാ പ്രസിഡന്റ് ജനാർദ്ദനൻ കണ്ണൂർ,മറ്റ്‌ ഏരിയാ കമ്മറ്റി അംഗങ്ങളും യൂണിറ്റ് ഭാരവാഹികളും ആശംസകൾ നേർന്നു സംസാരിച്ചു. ഏരിയയുടെ ഉപഹാരം  സെക്രട്ടറി ശങ്കര്‍ ഏരിയാ കമ്മിറ്റി അംഗം വിജയൻ എന്നിവര്‍ സമ്മാനിച്ചു. ലക്ഷ്മണൻ യാത്രയയപ്പിന്  നന്ദി പറഞ്ഞു.


പ്രധാന വാർത്തകൾ
 Top