10 June Saturday

ദമാം നവോദയ മാമുക്കോയ അനുസ്‌മരണം സംഘടിപ്പിച്ചു

വെബ് ഡെസ്‌ക്‌Updated: Tuesday May 2, 2023

ദമാം> ചിരിയുടെ സുൽത്താൻ മാമുക്കോയയുടെ നിര്യാണത്തിൽ ദമാം നവോദയ കേന്ദ്ര കമ്മിറ്റി കോബാർ റീജിയണൽ ഓഫീസിൽ  വച്ച് അനുസ്‌മരണ യോഗം സംഘടിപ്പിച്ചു. കേന്ദ്ര എക്സിക്യൂട്ടീവ് അംഗം ഹമീദ് മാണിക്കോത്ത് അധ്യക്ഷനായ യോഗം സാഹിത്യകാരനും സംവിധായകനുമായ ഷിഹാബുദ്ദീൻ പൊയ്‌ത്തുംകടവ് ഉദ്ഘാടനം  ചെയ്‌തു.

അനായാസമായ അഭിനയ ശൈലികൊണ്ട് മലയാളികളെ വിസ്മയിപ്പിച്ച അതുല്യ നടനായിരുന്നു മാമുക്കോയ എന്ന് യോഗം അനുസ്മരിച്ചു. നവോദയകേന്ദ്ര കുടുംബവേദി പ്രസിഡന്റ് നന്ദിനി മോഹൻ, കേന്ദ്രരക്ഷാധികാരി മോഹനൻ വെള്ളിനേഴി, കേന്ദ്ര എക്‌സിക്യൂട്ടീവ് അംഗം വിദ്യാധരൻ കോയാടൻ, നവോദയ കേന്ദ്ര വനിതാവേദി കൺവീനർ രശ്‌മി രഘുനാഥ്, കോബാർ ഏരിയാ സെക്രട്ടറി ഷബീർ, തുഖ്‌ബ ഏരിയ ആക്‌ടിങ് സെക്രട്ടറി ചന്ദ്രസേനൻ, കോബാർ ഏരിയ രക്ഷാധികാരി സിദ്ദിഖ് കല്ലായി തുടങ്ങിയവർ സംസാരിച്ചു.

ഷിഹാബുദ്ദീൻ  പൊയ്‌ത്തുംകടവ് സംവിധാനം ചെയ്‌ത് മാമുക്കോയ മുഖ്യ വേഷം അഭിനയിച്ച കബർ എന്ന ഡോക്യുമെന്ററിയുടെ പ്രദർശനവും നടത്തി. വിദ്യാധരൻ കോയാട്ടൽ സ്വാഗതവും കുടുംബവേദി കോബാർ ഏരിയ സെക്രട്ടറി നിയാസ് കിളിമാനൂർ നന്ദിയും പറഞ്ഞു

 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ
----
പ്രധാന വാർത്തകൾ
-----
-----
 Top