25 October Sunday

ഇന്ത്യൻ സ്ഥാനപതിയെ കല കുവൈറ്റ് പ്രതിനിധികൾ സന്ദർശിച്ചു

വെബ് ഡെസ്‌ക്‌Updated: Wednesday Sep 2, 2020

കുവൈറ്റ് സിറ്റി> കുവൈറ്റിൽ പുതുതായി ചുമതലയേറ്റ ഇന്ത്യൻ സ്ഥാനപതി സിബി ജോർജിനെ കേരള ആർട്ട് ലവേഴ്‌സ് അസോസിയേഷൻ, കല കുവൈറ്റ് പ്രതിനിധികൾ സന്ദർശിച്ചു. പാസ്പോർട്ട്‌ സേവാ കേന്ദ്രങ്ങൾ പ്രവാസി സൗഹൃദമാക്കുക, പൊതുമാപ്പിന്റെ ഔട്ട് പാസ്സ് ലഭിച്ചു രാജ്യം വിടാത്തവരും, ഇതുവരെ ഔട്ട് പാസ്സ് ലഭിക്കാത്തവരെയും ചേർത്ത് രണ്ടാം പൊതുമാപ്പ് ആനുകൂല്യം ലഭിക്കാൻ ആവശ്യമായ ഇടപെടലുകൾ നടത്തുക, കുവൈറ്റ് തൊഴിലിടങ്ങളിൽ ഉണ്ടാകുന്ന തർക്കങ്ങളിൽ ന്യായമായ നിയമ സഹായം ഉറപ്പാക്കുക തുടങ്ങി ഇന്ത്യൻ പ്രവാസി സമൂഹം നേരിടുന്ന വിവിധ ആവശ്യങ്ങൾ നിവേദനത്തിലൂടെ സ്ഥാനപതിയുടെ ശ്രദ്ധയിൽപ്പെടുത്തി.

ഈ വിഷയങ്ങൾ പരിശോധിച്ചു ആവശ്യമായ നടപടിയെടുക്കുമെന്നും അദ്ദേഹം ഉറപ്പ് നൽകി. സന്ദർശനത്തിൽ കല കുവൈറ്റ്  പ്രസിഡന്റ് ജ്യോതിഷ് ചെറിയാൻ, ജനറൽ സെക്രട്ടറി സി.കെ നൗഷാദ്, ട്രഷറർ പി.ബി സുരേഷ്, വൈസ് പ്രസിഡന്റ് ഡോ. വി.വി രംഗൻ, സാമൂഹ്യ വിഭാഗം സെക്രട്ടറി അനൂപ് മങ്ങാട്ട്, കേരള പ്രവാസി ക്ഷേമനിധി ബോർഡ് ഡയറക്ടർ എൻ. അജിത് കുമാർ, മുൻ കേന്ദ്ര കമ്മിറ്റി അംഗങ്ങളായ ആർ. നാഗനാഥൻ, ജെ.സജി എന്നിവർ പങ്കെടുത്തു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

മറ്റു വാർത്തകൾ

----
പ്രധാന വാർത്തകൾ
-----
-----
 Top