കൈരളി കൽബ യൂണിറ്റ് വാർഷിക സമ്മേളനം ചേർന്നു

ഫുജൈറ> കൈരളി കൾച്ചറൽ അസോസിയേഷൻ കൽബ യൂണിറ്റ് വാർഷിക സമ്മേളനം ലോക കേരളസഭാംഗം സൈമൻ സാമുവേൽ ഉദ്ഘാടനം ചെയ്തു. യൂണിറ്റ് പ്രസിഡൻ്റ് പി.കെ.ബഷീർ അദ്ധ്യക്ഷനായിരുന്നു. കൈരളി സഹ രക്ഷാധികാരി എം.എം.എ. റഷീദ്, സെൻട്രൽ കമ്മിറ്റി പ്രസിഡന്റ്  ലെനിൻ. ജി. കുഴിവേലി, സെൻട്രൽ കമ്മിറ്റി ട്രഷറർ സുധീർ തെക്കേക്കര, സെൻട്രൽ കമ്മറ്റി കൾച്ചറൽ കൺവീനർ സുമന്ദ്രൻ ശങ്കുണ്ണി,റാഷിദ്‌ കല്ലുമ്പുറം എന്നിവർ ആശംസകൾ അറിയിച്ചു.

പ്രിൻസ് തെക്കൂട്ടയിൽ  സ്വാഗതവും നിയാസ്  തിരൂർ നന്ദിയും പറഞ്ഞു.   അനുശോചന പ്രമേയം പ്രമോദ് പട്ടാന്നൂർ അവതരിപ്പിച്ചു. പ്രതിനിധി സമ്മേളനത്തിൽ യൂണിറ്റ് സെക്രട്ടറി പ്രിൻസ് തെക്കൂട്ടയിൽ പ്രവർത്തന റിപ്പോർട്ടും  ട്രഷറർ നിയാസ് തിരൂർ സാമ്പത്തിക റിപ്പോർട്ടും സെൻട്രൽ കമ്മിറ്റി സെക്രട്ടറി അബ്ദുൽ ഖാദർ എടയൂർ സംഘടനാ റിപ്പോർട്ടും അവതരിപ്പിച്ചു. പ്രമോദ്, പി.കെ.ബഷീർ, നബീൽ എന്നിവർ സമ്മേളനം നിയന്ത്രിച്ചു.

യൂണിറ്റിൻ്റെ പുതിയ ഭാരവാഹികളായി  നബീൽ കാർത്തല (പ്രസിഡൻ്റ്), പ്രിൻസ് തെക്കൂട്ടയിൽ (സെക്രട്ടറി), നിയാസ് തിരൂർ (ട്രഷറർ), ദിൽഷാദ് (കൾച്ചറൽ കൺവീനർ) എന്നിവരെ സമ്മേളനം തെരെഞ്ഞെടുത്തു.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..