14 November Thursday

ഇന്ത്യന്‍ സ്‌കൂള്‍ പ്രിഫെക്ട് കൗണ്‍സില്‍ ചുമതലയേറ്റു

വെബ് ഡെസ്‌ക്‌Updated: Thursday May 16, 2019

മനാമ > ഇന്ത്യന്‍ സ്‌കൂളിലെ 2019-2020 അധ്യയന വര്‍ഷത്തൈ പ്രിഫെക്ട് കൗണ്‍സില്‍ അധികാരമേറ്റു. മെയ് 12ന് ജഷന്മാള്‍ ഓഡിറ്റോറിയത്തില്‍ നടന്ന ചടങ്ങിലാണ് 75 അംഗ പ്രീഫെക്ട് കൗണ്‍സില്‍ ചുമതലയേറ്റത്. ഇന്ത്യന്‍ സ്‌കൂള്‍ പ്രിന്‍സിപ്പല്‍ ഇന്‍ ചാര്‍ജ് ആനന്ദ് ആര്‍ നായര്‍  പ്രതിജ്ഞ വാചകം ചൊല്ലിക്കൊടുത്തു.

സ്‌കൂള്‍ ചെയര്‍മാന്‍ പ്രിന്‍സ് എസ് നടരാജന്‍, സെക്രട്ടറി സജി ആന്റണി, എക്‌സിക്യൂട്ടീവ് കമ്മിറ്റി അംഗങ്ങളായ രാജേഷ് നമ്പ്യാര്‍, സജി ജോര്‍ജ്, മുഹമ്മദ് നയാസ് ഉല്ലാ, വൈസ് പ്രിന്‍സിപ്പല്‍മാര്‍, ഹെഡ് ടീച്ചര്‍മാര്‍ , കോ-ഓര്‍ഡിനേറ്റര്‍മാര്‍, അധ്യാപകര്‍ തുടങ്ങിയവര്‍ തദവസരത്തില്‍ സന്നിഹിതരായിരുന്നു.

സീനിയര്‍ വിഭാഗം(എ ലെവല്‍) ഹെഡ് ബോയ് ആയി അനന്ത കൃഷ്ണന്‍ ബാബുരാജും ഹെഡ് ഗേളായി ലിവിയ ലിഫിയും സ്ഥാനമേറ്റു. ലെവല്‍ ബി ഹെഡ് ബോയ് ആയി ജോണ്‍ അബ്രഹാമും ഹെഡ് ഗേള്‍ ആയി ലിയാ തെരേസ ജോസഫും സ്ഥാനമേറ്റു. സി ലെവല്‍ ഹെഡ് ബോയ് ആയി ആദിത്യ മംഗലവും  ഹെഡ് ഗേളായി ഇവാന  ആന്റോ കല്ലൂകാരനും  ചുമതലയേറ്റു.

 ഡി ലെവലില്‍ ഹെഡ് ബോയ് ആയി രാജീവ് രാജ് കുമാറും ഹെഡ് ഗേളായി ജാനകി സജികുമാര്‍ നായരും സ്ഥാനമേറ്റു. നാലാം ക്ലാസ് മുതല്‍ പന്ത്രണ്ടാം ക്ലാസ് വരെയുള്ള വിദ്യാര്‍ത്ഥികളില്‍ നിന്നും തിരഞ്ഞെടുക്കപ്പെട്ട 75 പേരാണ് ചുമതലയേറ്റത്.

അഭിമുഖത്തിന്റെയും അഭിരുചിയുടെയും അടിസ്ഥാനത്തിലാണ്  വിദ്യാര്‍ത്ഥി പ്രതിനിധികളെ കൗണ്‍സിലിലേക്ക് തെരഞ്ഞെടുത്തത്. വിദ്യാര്‍ത്ഥികളില്‍ നേതൃ പാടവവും അച്ചടക്കവും കാര്യക്ഷമതയും വളര്‍ത്താന്‍ വിദ്യര്‍ത്ഥികളുടെ കൗണ്‍സില്‍ പ്രവര്‍ത്തനങ്ങളിലൂടെ സാധിക്കുമെന്ന് ഇന്ത്യന്‍ സ്‌കൂള്‍ ചെയര്‍മാന്‍ പ്രിന്‍സ് എസ് നടരാജന്‍ പറഞ്ഞു.

ഇന്ത്യന്‍ സ്‌കൂള്‍ സെക്രട്ടറി സജി ആന്റണി നന്ദി പറഞ്ഞു. സ്‌കൂള്‍ തങ്ങളില്‍ അര്‍പ്പിച്ചിരിക്കുന്ന ഉത്തരവാദിത്തം കാര്യക്ഷമമായി നിറവേറ്റുമെന്നു വിദ്യാര്‍ത്ഥി കൗണ്‍സില്‍ പ്രതിനിധികള്‍ പറഞ്ഞു.


 

മറ്റു വാർത്തകൾ

പ്രധാന വാർത്തകൾ
 Top