16 June Sunday

സൗദിയില്‍ 30 തൊഴിലിന‌് എന്‍ജിനിയേഴ്‌സ് രജിസ്‌ട്രേഷന്‍ നിര്‍ബന്ധം

അനസ് യാസിന്‍Updated: Friday May 17, 2019

മനാമ> മുപ്പത് സാങ്കേതിക തൊഴിലിന‌് സൗദി കൗൺസിൽ ഓഫ് എൻജിനിയേഴ്‌സ് രജിസ്‌ട്രേഷൻ നിർബന്ധമാക്കുന്നു. മന്ത്രിസഭ അംഗീകരിച്ച എൻജിനിയറിങ‌് പ്രൊഫഷൻ പ്രാക്ടീസ് നിയമത്തിന്റെ ഭാഗമായാണിത്. ഈ സാങ്കേതിക തൊഴിലുകളെ ജവാസാത്ത് ഡയറക്ടറേറ്റുമായും ആഭ്യന്തര മന്ത്രാലയത്തിനു കീഴിലെ നാഷണൽ ഇൻഫർമേഷൻ സെന്ററുമായും ബന്ധിപ്പിച്ചു. വ്യാജന്മാരിൽനിന്ന് എൻജിനിയറിങ‌് മേഖല സംരക്ഷിക്കാനാണ‌് പുതിയ നടപടി. പ്രൊഫഷണൽ അക്രഡിറ്റേഷൻ ഇല്ലാത്തവരെ ജോലിക്കുവയ‌്ക്കുന്നത് നിയമം വിലക്കുന്നതായും സൗദി കൗൺസിൽ ഓഫ് എൻജിനിയേഴ്‌സ് പറഞ്ഞു.

ആദ്യഘട്ടത്തിൽ സർവേയർ ജോലികൾ ഉൾപ്പെടെ 26 സാങ്കേതിക തൊഴിലിന‌് രജിസ്‌ട്രേഷൻ നിർബന്ധമാക്കിയിരുന്നു.  എൻജിനിയർമാരും സാങ്കേതിക ജോലിക്കാരും അടക്കമുള്ള മുഴുവൻ അംഗങ്ങൾക്കും സേവനങ്ങൾ എളുപ്പമാക്കാനും എൻജിനിയറിങ‌് പ്രൊഫഷൻ പ്രാക്ടീസ് നിയമവും നിയമാവലിയും നടപ്പാക്കാനും ഇതുവഴി സാധിക്കും.

രജിസ്‌ട്രേഷൻ നിർബന്ധമാക്കിയ തൊഴിലുകൾ: ഡ്രാഫ്റ്റ്‌സ്മാൻ  ഇലക്ട്രിക്കൽ, മെക്കാനിക്കൽ, ഇലക്ട്രിക്കൽ ഡിസൈൻ, ടെക്‌നീഷ്യൻപവർപ്ലാന്റ് ഇൻസ്റ്റലേഷൻ, പവർസ്‌റ്റേഷൻ ഓപ്പറേഷൻസ് മെയിന്റനൻസ്, സബ്‌സ്‌റ്റേഷൻ (ട്രാൻസ്‌ഫോർമർ സ്‌റ്റേഷൻ) ഇൻസ്റ്റലേഷൻ, സബ്‌സ്‌റ്റേഷൻ ഓപ്പറേഷൻസ് മെയിന്റനൻസ്, ഇലക്ട്രിക്കൽ ലൈൻ, ഇലക്ട്രിക്കൽ ഗ്രൗണ്ട് കേബിൾ, കസ്റ്റമർ സർവീസ് ഇലക്ട്രിക്കൽ, ഇലക്ട്രിക്കൽ എക്സ്റ്റൻഷൻ, ഇലക്ട്രിക്കൽ മെഷീൻ മെയിന്റനൻസ്, ഇലക്ട്രിക്കൽ പ്രിസിഷ്യൻ എക്വിപ്‌മെന്റ്, ജനറൽ ഇലക്ട്രിക്കൽ എൻജിനിയറിങ‌്, ജനറൽ ടെലികോം, സമുദ്രജല ശുദ്ധീകരണശാലകളിലെ ഫയർ അലാറം, എയർ പ്ലെയിൻ ഇലക്ട്രിക്കൽ മോട്ടോർ നരേറ്റർ, കമ്യൂണിക്കേഷൻ ഇലക്‌ട്രോണിക്‌സ്, മെഡിക്കൽ എക്വിപ്‌മെന്റ്, ടിവി ഇലക്‌ട്രോണിക്‌സ് മെയിന്റനൻസ്, കൺട്രോൾ എക്വിപ്‌മെന്റ് ഇലക്‌ട്രോണിക്‌സ്, ഇലക്ട്രിക്കൽ, റേഡിയോ ബ്രോഡ്കാസ്റ്റിങ‌് ഇലക്‌ട്രോണിക്‌സ്, ടിവി ബ്രോഡ്കാസ്റ്റിങ‌് ഇലക്‌ട്രോണിക്, കംപ്യൂട്ടർ, ടെലികോം എൻജിനിയറിങ‌്, ഇലക്‌ട്രോണിക്‌സ്, ടെലിഫോൺ, കാർ ഫോൺ.

മറ്റു വാർത്തകൾ

പ്രധാന വാർത്തകൾ
 Top