അറബിക്കടലിനു മുകളിൽ വിമാനങ്ങൾ നേർക്കുനേർ; അന്വേഷണം ആരംഭിച്ചു

ന്യൂഡൽഹി > അറബിക്കടലിനു മുകളിൽ വിമാനങ്ങൾ അപകടകരമാം വിധം നേർക്കുനേർ എത്തിയതായി റിപ്പോർട്ട്. ഖത്തർ എയർവേസിന്റെ ബോയിങ് 777- 300 ഇആർ വിമാനവും ഇസ്രയേൽ വിമാനക്കമ്പനിയായ ഇഎൽ- എഎല്ലിന്റെ ബോയിങ് 777- 200 വിമാനവുമാണ് അടുത്തടുത്തെത്തിയത്. തലനാരിഴയ്ക്കാണ് വിമാനങ്ങൾ കൂട്ടിയിടിക്കാഞ്ഞതെന്നാണ് കണ്ടെത്തൽ. മാർച്ച് 24നാണ് സംഭവം നടന്നത്. അറബിക്കടലിന് മുകളിൽ 35,000 അടി ഉയരത്തിലാണ് സംഭവമുണ്ടയത്. ഇന്ത്യയുടെ എയർക്രാഫ്റ്റ് ആക്‌സിഡന്റ് ഇൻവെസ്റ്റിഗേഷൻ ബ്യൂറോ (എഎഐബി) സംഭവത്തെക്കുറിച്ച് അന്വേഷണം തുടങ്ങി. ​ഗുരുതരമായ സുരക്ഷാവീഴ്ചയാണ് ഉണ്ടായതെന്നാണ് എഎഐബി റിപ്പോർട്ട് ചെയ്തത്.

9.1 നോട്ടിക്കൽ മൈൽ അടുത്തുവരെ വിമാനങ്ങൾ എത്തിയെന്നാണ് വിവരം. ഇസ്രയേലിൽനിന്ന് ബാങ്കോക്കിലേക്ക് പോയ എൽ അൽ വിമാനവും ദോഹയിൽമനിന്ന് മാലദ്വീപിലേക്ക് പറന്ന ഖത്തർ എയർവെയ്‌സ് വിമാനമാണ് നേർക്കുനേർ എത്തിയത്.