25 January Saturday

മഹാരാഷ്‌ട്രയില്‍ വിശ്വാസവോട്ട് നേടി ത്രികക്ഷി സര്‍ക്കാര്‍; 169 പേരുടെ പിന്തുണ

വെബ് ഡെസ്‌ക്‌Updated: Saturday Nov 30, 2019

മുംബൈ > മഹാരാഷ്ട്ര നിയമസഭയില്‍ വിശ്വാസ വോട്ട് നേടി ഉദ്ധവ് താക്കറെയുടെ നേതൃത്വത്തിലുള്ള മഹാ വികാസ് അഘാി സര്‍ക്കാര്‍. 169 എംഎല്‍എമാരുടെ പിന്തുണയാണ് സര്‍ക്കാരിനു ലഭിച്ചത്. കോണ്‍ഗ്രസ് നേതാവ് അശോക് ചവാനാണ് വിശ്വാസ പ്രമേയം അവതരിപ്പിച്ചത്. എന്‍സിപിയില്‍നിന്നുള്ള ദിലീപ് പാട്ടീലാണ് പ്രോടേം സ്പീക്കറായി വിശ്വാസ വോട്ടെടുപ്പിനുള്ള സഭാ നടപടിക്രമങ്ങള്‍ നിയന്ത്രിച്ചത്.

എന്നാല്‍ സഭയുടെ പ്രത്യേക സമ്മേളനം ചേരുന്നത് നിയമപരമായിട്ടല്ലെന്ന് ചൂണ്ടിക്കാട്ടി ബിജെപി സഭയില്‍ ബഹളം വച്ചു. വിശ്വാസവോട്ട് ബഹിഷ്‌കരിച്ച ബിജെപി അംഗങ്ങള്‍ സഭവിട്ടു. ഗവര്‍ണര്‍ ഡിസംബര്‍ 3 വരെ സമയം നല്‍കിയിരുന്നെങ്കിലും ഇന്നു തന്നെ  ഭൂരിപക്ഷം തെളിയിക്കാന്‍ സര്‍ക്കാര്‍ തീരുമാനിക്കുകയായിരുന്നു.

സിപിഐ എം എംഎല്‍എ വിനോദ് നികോളെ ഉള്‍പ്പെടെ നാല് എംഎല്‍എമാര്‍ വോട്ടെടുപ്പില്‍ നിന്ന് വിട്ടുനിന്നു. 288 അംഗ നിയമസഭയില്‍ 145 പേരുടെ പിന്തുണയാണു ഭൂരിപക്ഷത്തിനു വേണ്ടത്.  മൂന്നു പാര്‍ട്ടികള്‍ക്കും കൂടി 154 എംഎല്‍എമാരാണുള്ളത്.


 


പ്രധാന വാർത്തകൾ
 Top