08 December Wednesday

മുംബൈയില്‍ ഡിവൈഎഫ്‌ഐ നേതാവ്‌ പ്രീതി ശേഖർ അറസ്റ്റിൽ

വെബ് ഡെസ്‌ക്‌Updated: Tuesday Oct 12, 2021

പ്രീതിശേഖര്‍

മുംബൈ > ഡിവൈഎഫ്‌ഐ മഹാരാഷ്‌ട്ര സംസ്ഥാന സെക്രട്ടറിയും മലയാളിയുമായ പ്രീതി ശേഖറിനെ മുംബൈയിൽ അറസ്റ്റ്‌ ചെയ്‌തു. 2013ൽ തൊഴിലില്ലായ്‌മയ്‌ക്കെതിരെ ഡിവൈഎഫ്‌ഐ സംഘടിപ്പിച്ച സമരത്തിന്റെ പേരിലെടുത്ത കേസിലാണ്‌ അറസ്റ്റ്‌. പൊലീസിനെ കൈയേറ്റം ചെയ്‌തെന്ന്‌ ജാമ്യമില്ലാ കുറ്റം ചുമത്തിയെടുത്ത കേസിലാണ്‌ ആസാദ്‌ മൈതാൻ പൊലീസ്‌ അറസ്‌റ്റ്‌ ചെയ്‌തത്‌.

കോവിഡ്‌ നിയന്ത്രണം കാരണം കോടതിയിൽ ഹാജരാകാൻ സാധിക്കാതിരുന്ന സാഹചര്യം പൊലീസ്‌ മുതലെടുത്ത്‌ രാഷ്‌ട്രീയ പകപോക്കുകയാണെന്ന്‌ പ്രീതി ശേഖർ പറഞ്ഞു. ട്രെയിൻ യാത്രയ്‌ക്ക്‌ രണ്ട്‌ ഡോസ്‌ വാക്‌സിൻ നിർബന്ധമാണ്‌. നിലവിൽ ഒരു ഡോസേ ലഭിച്ചിട്ടുള്ളൂ. ഇതിനിടെയാണ്‌ പൊലീസ്‌ അറസ്‌റ്റ്‌ ചെയ്‌തത്‌. അവകാശസമരങ്ങളെ അടിച്ചമർത്താനുള്ള നടപടിയുടെ ഭാഗമാണിതെന്നും അവർ പറഞ്ഞു. രണ്ട്‌ വർഷംമുമ്പും മറ്റൊരുകേസിൽ പ്രീതി ശേഖറിനെ പൊലീസ്‌ അറസ്‌റ്റ്‌ ചെയ്‌തിരുന്നു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top