04 December Friday

സിബിഐ വേണ്ടെന്ന്‌ മഹാരാഷ്ട്രയും; അനുമതി പിന്‍വലിക്കുന്ന അഞ്ചാമത്തെ സംസ്ഥാനം

വെബ് ഡെസ്‌ക്‌Updated: Friday Oct 23, 2020


ന്യൂഡൽഹി  > കേസന്വേഷണത്തിനായി സിബിഐക്ക്‌ നൽകിയിരുന്ന പൊതു അനുമതി മഹാരാഷ്ട്ര സർക്കാരും പിൻവലിച്ചു. ഡൽഹി സ്‌പെഷ്യൽ പൊലീസ്‌ എസ്‌റ്റാബ്ലിഷ്‌മെന്റ്‌ നിയമപ്രകാരം നൽകിയ പൊതു അനുമതിയാണ്‌ മഹാരാഷ്ട്ര ആഭ്യന്തരവകുപ്പ്‌ പിൻവലിച്ചത്‌. 

മഹാരാഷ്ട്രയിൽ നേരിട്ട്‌ കേസുകൾ അന്വേഷിക്കാൻ ഉണ്ടായിരുന്ന അനുമതി നഷ്ടമായതോടെ ഇനി ഓരോ കേസിനും സംസ്ഥാനസർക്കാരിന്റെ അനുമതി നേടണം. അല്ലെങ്കിൽ സുപ്രീംകോടതിയുടെയോ ബോംബെ ഹൈക്കോടതിയുടെയോ അനുമതി വാങ്ങണം.

രാജസ്ഥാൻ, ആന്ധ്രപ്രദേശ്‌, ഛത്തീസ്‌ഗഢ്‌, പശ്ചിമബംഗാൾ സർക്കാരുകൾ നേരത്തേ  പൊതു അനുമതി പിൻവലിച്ചിരുന്നു.
ടിആർപി തട്ടിപ്പ്‌ കേസിൽ റിപ്പബ്ലിക്ക്‌ ടിവിക്കും അർണാബ്‌ ഗോസ്വാമിക്കും എതിരായ അന്വേഷണം അട്ടിമറിക്കാനുള്ള നീക്കം മുന്നിൽക്കണ്ടാണ്‌ മഹാരാഷ്ട്രയുടെ നടപടി. ടിആർപി തട്ടിപ്പിൽ കേസ്‌ രജിസ്‌റ്റർ ചെയ്‌ത ഉത്തർപ്രദേശ്‌ സർക്കാർ അന്വേഷണം സിബിഐക്ക്‌ വിട്ടിരുന്നു. 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top