23 September Wednesday

വിദ്യാഭ്യാസ നയത്തിലെ വ്യവസ്ഥകള്‍ ഭരണഘടനാ ലംഘനം ; അവകാശങ്ങൾ നിഷേധിക്കപ്പെടാന്‍ വഴിയൊരുക്കും

സാജൻ എവുജിൻUpdated: Monday Aug 3, 2020


ന്യൂഡൽഹി
പുതിയ വിദ്യാഭ്യാസനയം രാജ്യത്തെ ന്യൂനപക്ഷങ്ങൾക്കും പട്ടികജാതി, പട്ടികവർഗക്കാർക്കും ഭരണഘടനപരമായി വ്യവസ്ഥചെയ്‌ത അവകാശങ്ങൾ നിഷേധിക്കപ്പെടാന്‍ വഴിയൊരുക്കും. മത, ഭാഷാ ന്യൂനപക്ഷങ്ങൾക്ക്‌ സ്വന്തം തീരുമാനത്തിന്റെ അടിസ്ഥാനത്തിൽ വിദ്യാഭ്യാസസ്ഥാപനങ്ങൾ ആരംഭിക്കാൻ അവകാശം നൽകുന്നതാണ്‌ ഭരണഘടനയുടെ 30(1)എ അനുച്ഛേദം. ന്യൂനപക്ഷസ്ഥാപനങ്ങൾക്ക്‌ സർക്കാർഫണ്ട്‌ ലഭിക്കാനുള്ള അവകാശം അരക്കിട്ടുറപ്പിക്കുന്നതാണ്‌ ഭരണഘടനയുടെ 30(2) അനുച്ഛേദം. ഇവ ലംഘിക്കുംവിധമാണ്‌ പുതിയ നയം ഉന്നതവിദ്യാഭ്യാസ സ്ഥാപനങ്ങളുടെ പ്രവർത്തനസംവിധാനം വിഭാവനം ചെയ്യുന്നത്‌.

മത്സരത്തിന്‌ സജ്ജമായ നിലയിൽ പൊതു–- സ്വകാര്യ സ്ഥാപനങ്ങൾ പ്രവർത്തിക്കണമെന്നാണ്‌ നയത്തിൽ പറയുന്നത്‌. സാമൂഹ്യമായും സാമ്പത്തികമായും പിന്നോക്കം നിൽക്കുന്ന മേഖലകളിലെ സ്ഥാപനങ്ങൾക്ക്‌ ഈ കഴുത്തറപ്പൻ മത്സരം അതിജീവിക്കാൻ കഴിയില്ല. രാജ്യത്തിന്റെ ബഹുസ്വരത സംരക്ഷിക്കാൻ വ്യവസ്ഥചെയ്യുന്നതാണ്‌ ഭരണഘടനയുടെ 29–-ാം വകുപ്പ്‌. എല്ലാ സ്ഥാപനങ്ങളെയും ഒരേ വാർപ്പ്‌ മാതൃകയിൽ പരിഗണിക്കുന്ന ഉന്നതവിദ്യാഭ്യാസ ഏജൻസിയും ഏകീകൃത സ്‌കൂൾ വിദ്യാഭ്യാസപദ്ധതിയും ഈ വകുപ്പിന്റെ ലംഘനമാണ്‌.


ദേശാഭിമാനി ഇപ്പോള്‍ ടെലഗ്രാമിലും ലഭ്യമാണ്‌. കൂടുതല്‍ വാര്‍ത്തകള്‍ക്കും അപ്ഡേറ്റുകള്‍ക്കുമായി ടെലഗ്രാം ചാനല്‍ സബ്സ്ക്രൈബ് ചെയ്യാം.


----
പ്രധാന വാർത്തകൾ
-----
-----
 Top