25 June Friday

മണിക് സര്‍കാരിനുനേരെ സംഘപരിവാര്‍ ആക്രമണം

വെബ് ഡെസ്‌ക്‌Updated: Monday May 10, 2021

അഗര്‍ത്തല > സിപിഐ എം പൊളിറ്റ് ബ്യൂറോ അംഗം മണിക് സര്‍ക്കാരിന് നേരെ സംഘപരിവാര്‍ ആക്രമണം. സംഘപരിവാര്‍ സിപിഐ എമ്മിന് നേരെ ആക്രമണമഴിച്ചുവിട്ട ത്രിപുരയിലെ ശാന്തി ബസാര്‍ സന്ദര്‍ശിക്കവെയാണ് പ്രതിപക്ഷ നേതാവ് കൂടിയായ സഖാവ് മണിക് സര്‍ക്കാരും പ്രതിപക്ഷ ഉപനേതാവായ സഖാവ് ബാദല്‍ ചൗധരിയും ആക്രമിക്കപ്പെട്ടത്.

വടികളും കല്ലുകളും ഉപയോഗിച്ചായിരുന്നു ആക്രമണം. മണിക് സര്‍ക്കാരിന് നേരെ ബിജെപി പ്രവര്‍ത്തകര്‍ പാഞ്ഞടുക്കുന്നതും സിപിഐ എം പുറത്തുവിട്ട വീഡിയോയില്‍ കാണാം. പൊലീസ് മണിക്സര്‍ക്കാരിനെയും പ്രവര്‍ത്തകരെയും വാഹനത്തില്‍ കയറ്റി അയക്കുകയായിരുന്നു.

കാള്‍ മാര്‍ക്‌സിന്റെ ജന്മവാര്‍ഷികം ആചരിച്ച മെയ് അഞ്ചിന് സിപിഐ എം പ്രവര്‍ത്തകരുടെ വീടുകള്‍ സംഘപരിവാര്‍ ആക്രമിച്ചിരുന്നു. അക്രമസംഭവങ്ങളില്‍ ശക്തമായ പ്രതിഷേധം രേഖപ്പെടുത്തുന്നുവെന്നും കുറ്റവാളികളെ ഉടന്‍ അറസ്റ്റ് ചെയ്യണമെന്നും സിപിഐ എം ആവശ്യപ്പെട്ടു.


 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top