19 September Sunday

സോണിയയെയും 
പവാറിനെയും കണ്ട്‌ മമത

വെബ് ഡെസ്‌ക്‌Updated: Thursday Jul 29, 2021

image credit mamta banerjee twitter


ന്യൂഡൽഹി
ഡല്‍ഹിയിൽ തമ്പടിക്കുന്ന ബംഗാൾ മുഖ്യമന്ത്രി മമത ബാനർജി കോൺഗ്രസ്‌ അധ്യക്ഷ സോണിയ ഗാന്ധി, രാഹുൽ ഗാന്ധി, ഡൽഹി മുഖ്യമന്ത്രി അരവിന്ദ്‌ കെജ്‌രിവാൾ, എൻസിപി അധ്യക്ഷൻ ശരദ്‌ പവാർ എന്നിവരുമായി കൂടിക്കാഴ്‌ച നടത്തി. ബിജെപിക്കെതിരെ പ്രതിപക്ഷ പാർടികളെ ദേശീയതലത്തില്‍ ഒന്നിപ്പിക്കാനാണ് നീക്കമെന്ന് തൃണമൂൽ അവകാശപ്പെട്ടു. 

സോണിയയുമായി പ്രതിപക്ഷ ഐക്യവും ചർച്ചചെയ്തെന്ന് മമത പറ‍ഞ്ഞു. പ്രതിപക്ഷ സഖ്യത്തെ മറ്റാരെങ്കിലുമാണ് നയിക്കുന്നതെങ്കിലും പ്രശ്നമില്ല. 2024 തെരഞ്ഞെടുപ്പ്‌ മോഡിയും രാജ്യവുമായാണ്‌. ബിജെപിയെ തോൽപ്പിക്കാൻ എല്ലാവരും കൈകോർക്കണം–- മമത പറഞ്ഞു. പാർലമെന്റിൽ കോൺഗ്രസും തൃണമൂലും ഇപ്പോഴും രണ്ടുതട്ടില്‍ തുടരുമ്പോഴാണ്‌ മമത–- സോണിയ കൂടിക്കാഴ്‌ച. ബുധനാഴ്‌ച പെഗാസസ്‌ വിഷയത്തിൽ യോജിച്ച നിലപാട്‌ സ്വീകരിക്കാന്‍ ചേര്‍ന്ന പ്രതിപക്ഷ പാർടി യോഗത്തിൽ തൃണമൂൽ പങ്കെടുത്തില്ല.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top