22 October Thursday

‘ഇന്ത്യ ബലാത്സംഗങ്ങളുടെ നാടായി’; സ്‌ത്രീകൾക്കെതിരായ അതിക്രമത്തിൽ മദ്രാസ്‌ ഹൈക്കോടതി

വെബ് ഡെസ്‌ക്‌Updated: Friday Oct 2, 2020


ചെന്നൈ
‘വിശുദ്ധ ഇന്ത്യ’ ഇപ്പോൾ ബലാത്സംഗം ചെയ്യുന്നവരുടെ നാടായി മാറിയെന്ന്‌ മദ്രാസ്‌ ഹൈക്കോടതി.  15 മിനിറ്റിൽ ഒരു ബലാത്സംഗം നടക്കുകയാണ്‌. രാജ്യത്ത് സ്ത്രീകൾക്ക് സുരക്ഷിതത്വമില്ലാത്ത അവസ്ഥയാണ്‌. അതീവ നിരാശാജനകമായ സാഹചര്യമാണെിതെന്നും മദ്രാസ് ഹൈക്കോടതി ജസ്റ്റിസ്‌ കിരുബാകരൻ പറഞ്ഞു. രാജ്യത്ത് സ്‌ത്രീകൾക്കുനേരെ‌ നടക്കുന്ന  ലൈംഗികാതിക്രമങ്ങൾ ചൂണ്ടിക്കാട്ടിക്കൊണ്ടായിരുന്നു പ്രതികരണം.‌

തിരുപ്പൂരിൽ അതിഥിത്തൊഴിലാളിയെ കൂട്ടബലാത്സംഗം ചെയ്‌ത കേസുമായി ബന്ധപ്പെട്ട സത്യവാങ്‌മൂലം പരിഗണിക്കവേയായിരുന്നു  കോടതിയുടെ നിരീക്ഷണം. അസമിൽനിന്നുള്ള അതിഥിത്തൊഴിലാളിയായ ഇരുപത്തിരണ്ടുകാരിയെ ജോലി നൽകാമെന്നുപറഞ്ഞ് പല്ലടത്ത്‌ പ്രദേശവാസികളായ‌ അഞ്ചുപേർ ചേർന്ന്‌ ബലാത്സംഗം ചെയ്യുകയായിരുന്നു.

സംഭവത്തിൽ കോടതിയുടെ ഇടപെടൽ ആവശ്യപ്പെട്ട്‌ മുതിർന്ന അഭിഭാഷകനായ എ പി സൂര്യപ്രകാശമാണ്‌ സത്യവാങ്‌മൂലം നൽകിയത്‌. സംഭവത്തിൽ ഡിജിപിയോട്‌ പ്രത്യേക അന്വേഷണസംഘം രൂപീകരിക്കാൻ ജസ്റ്റിസുമാരായ എൻ കിരുബാകരൻ, പി വേൽമുരുകൻ എന്നിവരടങ്ങിയ ബെഞ്ച്‌ ഉത്തരവിട്ടു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

മറ്റു വാർത്തകൾ

----
പ്രധാന വാർത്തകൾ
-----
-----
 Top