24 January Friday

തീകൊളുത്തി കൊല്ലാന്‍ ശ്രമിച്ച പെണ്‍കുട്ടിയുടെ നില അതീവ ഗുരുതരം

വെബ് ഡെസ്‌ക്‌Updated: Friday Dec 6, 2019

ന്യൂഡല്‍ഹി> തീകൊളുത്തി കൊല്ലാന്‍ ശ്രമിച്ച ഉന്നാവോ പെണ്‍കുട്ടിയൂടെ നില അതീവ ഗുരുതരമായി തുടരുന്നു. ഡോ. ശലഭകുമാറിന്റെ നേതൃത്വത്തിലുള്ള ഏഴംഗ സംഘമാണ് പെണ്‍കുട്ടിയെ പരിശോധിക്കുന്നത്. വിദഗ്ധ ചികിത്സയ്ക്കായി പെണ്‍കുട്ടിയെ വ്യാഴാഴ്ച വൈകുന്നേരം  ഡല്‍ഹിയിലെ സഫ്ദര്‍ജംഗ് ആശുപത്രിയിലേയ്ക്ക് മാറ്റുകയായിരുന്നു.

കൂട്ടമാനഭംഗത്തിനിരയാക്കിയതിന് പരാതി നല്‍കിയതിനാണ് പെണ്‍കുട്ടിയെ പ്രതികളുള്‍പ്പെടെയുള്ള അഞ്ചംഗസംഘം തട്ടിക്കൊണ്ടുപോയി തീ കൊളുത്തിയത്. വ്യാഴാഴ്ച പുലര്‍ച്ചെയായിരുന്നു ആക്രമണം.

 വെന്റിലേറ്റര്‍ സഹായത്തോടെയാണ് പെണ്‍കുട്ടി കഴിയുന്നതെന്ന് ആശുപത്രി മെഡിക്കല്‍ സൂപ്രണ്ട് ഡോ. സുനില്‍ ഗുപ്ത അറിയിച്ചു. 90 ശതമാനം പൊള്ളലേറ്റ പെണ്‍കുട്ടി അപകട നില തരണം ചെയ്തിട്ടില്ലെന്ന് ഡോക്ടര്‍മാര്‍ അറിയിച്ചു
 


പ്രധാന വാർത്തകൾ
 Top