മഹാരാഷ്ട്രയിൽ ദേവേന്ദ്ര ഫഡ്നാവിസ് തന്നെ മുഖ്യമന്ത്രി; സത്യപ്രതിജ്ഞഇന്ന് ആസാദ് മൈതാനിയിൽ

മുംബൈ > മഹാരാഷ്ട്ര മുഖ്യമന്ത്രിയായി ദേവേന്ദ്ര ഫഡ്നാവിസ് ഇന്ന്  സത്യപ്രതിജ്ഞ ചെയ്യും. മുംബൈയിലെ ആസാദ് മൈതാനിയിൽ നടക്കുന്ന ചടങ്ങിൽ പ്രധാനമന്ത്രി നരേന്ദ്ര മോദി പങ്കെടുക്കും. അജിത് പവാറും ഏകനാഥ് ഷിൻഡെയും ഉപമുഖ്യമന്ത്രിമാരാകും എന്നാണ് ബിജെപി കോർ കമ്മിറ്റി തീരുമാനം. ബിജെപി നിയമസഭാ കക്ഷിയോ​ഗ നേതാവായി ദേവേന്ദ്ര ഫഡ്നാവിസിനെ തന്നെ തെരഞ്ഞെടുത്തു.  

മന്ത്രിസഭ രൂപീകരണ തീരുമാനത്തിനായി നിർമല സീതാരാമൻ ഉൾപ്പെടെയുള്ള നേതാക്കൾ മുംബൈയിൽ എത്തി. ഇതോടെ മുഖ്യന്ത്രി പദം ബിജെപി വിട്ടുകൊടുക്കില്ല എന്നതിന് വ്യക്തമാകുകയായിരുന്നു. ഫഡ്നാവിസ് മന്ത്രിസഭയിലെ എട്ട് സുപ്രധാന വകുപ്പുകൾ ഷിൻഡെ വിഭാ​ഗത്തിന് നൽകുവാനും ധാരണയായിട്ടുണ്ട്.ദേവേന്ദ്ര ഫഡ്നാവിസ് മൂന്നാം തവണയാണ് മഹാരാഷ്ട്ര മുഖ്യമന്ത്രിയാകുന്നത്.