18 February Monday

രാമക്ഷേത്രം യാഥാർത്ഥ്യമാക്കാൻ കോൺ​ഗ്രസ് അധികാരത്തിലെത്തണമെന്ന് എഐസിസി ജനറല്‍ സെക്രട്ടറിയും മുൻ ഉത്തരാഖണ്ഡ്‌ മുഖ്യമന്ത്രിയുമായ ഹരീഷ് റാവത്ത്

വെബ് ഡെസ്‌ക്‌Updated: Saturday Jan 19, 2019

ഡെറാഡൂണ്‍ > അയോധ്യയിൽ രാമക്ഷേത്ര നിർമാണം യാഥാർത്ഥ്യമാക്കാൻ കോൺ​ഗ്രസ് അധികാരത്തിലെത്തണമെന്ന് മുതിര്‍ന്ന കോണ്‍ഗ്രസ് നേതാവും, എഐസിസി ജനറല്‍ സെക്രട്ടറിയും, മുൻ ഉത്തരാഖണ്ഡ്‌ മുഖ്യമന്ത്രിയുമായ ഹരീഷ് റാവത്ത്. റിഷികേശിൽ ലോക്‌സഭാ തെരഞ്ഞെടുപ്പിന്‌ മുന്നോടിയായുള്ള പുതിയ ക്യാമ്പയിനുമായി ബന്ധപ്പെട്ട്‌ മാധ്യമങ്ങളോട് സംസാരിക്കവെയാണ്‌ അദ്ദേഹത്തിന്റെ പ്രതികരണം. ലോക്‌സഭാ തെരഞ്ഞെടുപ്പ് വരാനിരിക്കെ വീണ്ടും രാമക്ഷേത്രവും അയോധ്യയും ചർച്ചയാകുന്നതിനിടെയാണ് റാവത്തിന്റെ പ്രസ്താവന.

'ധാർമ്മികതയില്ലാത്ത ഒരു കൂട്ടം പ്രവർത്തകർ അടങ്ങിയ പാർട്ടിയാണ് ബിജെപി. കോൺ​ഗ്രസ് ധാർമ്മികതയിലും ഭരണഘടനയിലും വിശ്വസിക്കുന്നു. ഞങ്ങൾ അധികാരത്തിലേറിയാൽ മാത്രമേ അയോധ്യയിൽ രാമക്ഷേത്രം ഉയരുകയുള്ളുവെന്നതുറപ്പാണ്'- റാവത്ത് പറഞ്ഞു. കർണാടകയിൽ പണവും മസിൽപവറും ഉപയോ​ഗിച്ച് സർക്കാരിനെ അട്ടിമറിക്കാനാണ് ബി ജെ പി ശ്രമിക്കുന്നതെന്ന് റാവത്ത് കുറ്റപ്പെടുത്തി.

എൻഫോഴ്സ്മെന്റ്, സിബിഐ തുടങ്ങിയ ഏജൻസികളെ രാഷ്ട്രീയായുധമാക്കി ദുരുപയോ​ഗം ചെയ്യുകയാണ് ബിജെപി സർക്കാർ. ഇതിന് പകരമായി തെരഞ്ഞെടുപ്പിൽ കർണാടകയിലെ ജനങ്ങൾ  ഉചിതമായ മറുപടി നൽകുമെന്നും റാവത്ത് പറഞ്ഞു. ലോ‌ക്‌സഭാ തെരഞ്ഞെടുപ്പിൽ 27സീറ്റുകളും കോൺ​ഗ്രസ്-ജെഡിഎസ് സഖ്യം നേടുമെന്നും അദ്ദേഹം അവകാശപ്പെട്ടു.


പ്രധാന വാർത്തകൾ
 Top